|
ප්රකට ව්යාපාරික හා දානපති බී.ඒ.සෙමෙනේරිස්
අප්පුහාමි මහතා අනුස්මරණය කිරීම පිණිස ඔහුගේ
දූ පුතුන්ගෙන් සමන්විත බමුණුආරච්චි පදනම
රුපියල් මිලියන 100ක වියදමින් ඉදිකළ හෝමාගම
මූලික රෝහලේ බාහිර රෝගී අංශය සහ විශේෂ සායන
අංශ තෙමහල් ගොඩනැඟිල්ල ජනාධිපති මහින්ද
රාජපක්ෂ මහතාගේ ප්රධානත්වයෙන් ඊයේ (16)
විවෘත කැරිණි. එහිදී සෙමෙනේරිස් අප්පුහාමි
මහතාගේ මුනුබුරු මිනිබිරියන් දෙදෙනකු ජනපති
ඇරියුමෙන් පීත්ත පටිය කපා ගොඩනැඟිල්ල විවෘත කළ
අවස්ථාවයි මේ. නිමල් සිරිපාල ද සිල්වා, බන්දුල
ගුණවර්ධන, පී.දයාරත්න, ගීතාංජන ගුණවර්ධන,
ගාමිණී තිලකසිරි යන මැති ඇමැතිවරු ද, ප්රකට
ව්යාපාරික බී.ඒ.මහීපාල බමුණුආරච්චි මහතා ද
මෙහි වෙති.
ඡායාරූපය :- රංජිත් ජයවීර
|
කිසිම මොහොතක අපේ රටේ ජනතාව අන්තර්ජාතීන් ඉදිරියේ ප්රදර්ශන භාණ්ඩ බවට පත් කරන්නට
තමා ඉඩ තබන්නේ නැතැයි ජනාධිපති මහින්ද රාජපක්ෂ මහතා පැවැසීය.
අවංක චේතනාවෙන් අපේ රටට, ජනතාවට ලැබෙන ආධාර ලබා ගැනීමට සූදානම් වූවත්, අපේ ජනතාවගේ
දුක්, කඳුළු ප්රදර්ශනය කොට ඒවා භාණ්ඩ බවට පත්කොට උදවු පදවු ලබා ගැනීමට මින්
ඉදිරියට ඉඩ තබන්නේ නැතැයිද ජනාධිපතිවරයා කීය.
කොටි ත්රස්තවාදීන් පාබල හමුදා හා සිවිල් වැසියන් ඉලක්ක කැර පහරදීමට යොදාගත් මිලි
මීටර් 130 වර්ගයේ කාලතුවක්කුවක් හා තවත් කාල තුවක්කුවක කොටස් පුදුකුඩුඉරුප්පු බටහිර
වනගත ප්රදේශයක වළදමා තිබියදී ඊයේ (16) සවස සොයාගෙන තිබේ.
බි්රගේඩියර් කමල් ගුණරත්න ගේ නායකත්වයෙන් යුතු 53 වැනි සේනාංක භටපිරිස් විසින්
මෙය සොයාගනු ලැබ ඇතැ’යි හමුදා මාධ්ය ප්රකාශක බි්රගේඩියර් උදය නානායක්කාර
පැවැසීය. 
කොටි ත්රස්තවාදීන් මුලතිව්හි සිරකරගෙන සිට ඉන් පලා ආ සාමාන්ය වැසියන් අතරේ හුන්
සරසවි සිසුන් හය දෙනකු ඊයේ (16) යාපනය විශ්වවිද්යාලය වෙත යවනු ලැබිණි. නැවත පදිංචි කිරීමේ සහ ආපදා සහන සේවා අමාත්ය රිෂාඩ් බද්යුදීන් මහතා සිසුන් හය
දෙනාට අවශ්ය සියලු පහසුකම්ද ලබාදී යාපනය විශ්ව විද්යාලයට යැවීමට කටයුතු යොදා
තිබේ.
ඇඳුම් පැළඳුම්, පොත්පත් හා වෙනත් උපකරණද සමඟ වියදම් කටයුතු සඳහා රුපියල් දස දහස
බැගින් ද ඔවුන්ට මුහුදු මාර්ග ඔස්සේ යාපනයට යාමට නැව් ටිකට්පත්ද ලබාදීමට
අමාත්යවරයා පියවර ගෙන ඇත.
