|
ඉන්දියානු
විදේශ අමාත්යංශ ලේකම් ශිව ශංකර් මෙනන්,
ආරක්ෂක උපදේශක එන්. කේ. නාරයන් මහත්වරුන්
ජනාධිපති මහින්ද රාජපක්ෂ මහතා අරලියගහ
මන්දිරයේ දී පෙරේදා (20) මුණ ගැසුණු අවස්ථාව.
ශී්ර ලංකාවේ ඉන්දියානු මහ කොමසාරිස් ආලෝක්
ප්රසාද් මහතා ද මෙහි වෙයි.
ඡායාරූප - සුදත් සිල්වා |
මාතෘ භූමිය ත්රස්තවාදයෙන් නිදහස් කරගත් රණවිරුවන්ට සහ රණවිරු පවුල්වලට උපහාර
පිරිනැමීමට අද දියවන්නා ඔය අසලට දෙලක්ෂයකට ආසන්න පිරිසක් එක් රොක් වෙති.
දසක තුනක් තිස්සේ ශ්රී ලංකාව මළ ගෙයක් බවට පත් කළ ප්රභාකරන් නම් ජන ඝාතකයා
සදහටම විනාශ කොට උතුරත්, උතුරේ දෙමළ ජනතාවත් මුදාගත් රණවිරුවන්ට අද පස්වරුවේ
ජයවර්ධනපුර පාර්ලිමේන්තු කී්රඩාංගණයේදී උපහාර පිරිනැමේ.
ත්රස්තවාදය හේතුවෙන් විනාශයට පත්ව ඇති උතුරු ප්රදේශය සහ ජන ජීවිතය ගොඩනැංවීම
සඳහා රජය කි්රයාත්මක කරන වැඩපිළිවෙළට සියලු රජයේ සේවකයන්ගේ කැපවීම බලාපොරොත්තු වන
බව ජනාධිපති ලේකම් ලලිත් වීරතුංග මහතා පවසයි.
ශබ්ද කෝෂයේ තිබූ සුළු පිරිස නම් වචනය ජනාධිපති මහින්ද රාජපක්ෂ මහතා සම්පූර්ණයෙන්
ඉවත් කර දමා ඇති බවත්, එතුමා පෙන්වා දුන් පරිදි අද සිටින්නේ රටට ආදරය කරන පිරිස සහ
රටට ආදරය නොකරන පිරිස යන දෙපක්ෂය පමණක් බවත් රටට ආදරය කරන පිරිසක් ලෙස සියලු රාජ්ය
සේවකයන් මාතෘ භූමිය ගොඩනැංවීමට කැපවිය යයුතු බවත් ජනාධිපති ලේකම් ලලිත් වීරතුංග
මහතා කීවේය.
ශී්ර ලංකාවේ මානව හිමිකම් පිළිබඳ තත්ත්වය සොයා බැලීමට එක්සත් ජාතීන්ගේ මානව
හිමිකම් මණ්ඩලයේ විශේෂ රැස්වීමක් කැඳවීම කාලෝචිත නොවන අනවශ්ය දෙයක් බව ආපදා
කළමණාකරණ හා මානව හිමිකම් ඇමැති මහින්ද සමරසිංහ මහතා පවසයි.
එල්.ටී.ටී.ඊ ය සිරකර ගෙන සිටි දෙලක්ෂ පනස්දහසකට අධික ප්රාණ ඇපකරුවන් සංඛ්යාවක්
නිදහස් කර ගැනීම ශී්ර ලංකාවේ පවතින යථා තත්ත්වය බවද ඒ මහතා කියයි. 
උතුරේ අවතැන්වූවන්ට සහන සැලසීමට රජය ගෙන ඇති වැඩ පිළිවෙළ පිළිබඳ තම සතුට හා
ප්රණාමය පළ කරන බව එක්සත් ජාතීන්ගේ මහ ලේකම් බෑන්කි මුන් මහතාගේ විශේෂ නියෝජිත
මාණ්ඩලික ප්රධානි විජය නම්බියාර් මහතා පැවසීය.
නම්බියාර් මහතා ඊයේ (21) පෙරවරුවේ වවුනියාව මැණික්ෆාම් කදිරගාමර් සහන ගම්මානයේ
නිරීක්ෂණ චාරිකාවක නිරත වීමෙන් පසු මේ බව පැවසීය.
ජ්යෙෂ්ඨ පුවත්පත් කලාවේදියකු වූ කුලසිරි රාජපක්ෂ මහතා පෙරේදා (20) අභාවප්රාප්ත
විය. ඒ මහතා මිය යන විට හැත්තෑ අට වැනි වියේ පසු විය. ‘ඇත්ත’, ‘සිරිලක’, ‘දිනමිණ’,
‘දිනකර’ හා ‘මවුබිම’ පුවත්පත් වල කර්තෘ මණ්ඩලවල විවිධ තනතුරු හෙබවූ රාජපක්ෂ මහතා
මිය යන අවස්ථාවේ ශී්ර ලංකාවේ කොමියුනිස්ට් පක්ෂයේ‘මව්බිම’ පුවත්පතේ කතුවරයකු ලෙස
ද ආණ්ඩුක්රම ව්යවස්ථා හා ජාතික ඒකාබද්ධතා අමාත්යංශ මාධ්ය ඒකකයේ ද සේවය කෙළේ ය.
