ධනුනගේ තවත් ගිණුම් අටක
තොරතුරු
රහස් පොලිසියට
වහාම ඒවා ලබාදෙන්නැයි බැංකු දෙකකට
උසාවි නියෝග
 ‘හයිකෝප්’ සිද්ධියේ සැකකරුවකු වන ධනුන තිලකරත්න, රාජ්ය හා පෞද්ගලික බැංකු දෙකක
පවත්වාගෙන යන තවත් ගිණුම් අටක විස්තර රහස් පොලිස් නිලධාරීන්ට ලබාදෙන ලෙස කොළඹ කොටුව
මහේස්ත්රාත් ලංකා ජයරත්න මෙනෙවිය එම බැංකු කළමනාකරුවන්ට ඊයේ (4) නියෝග කළාය. රහස්
පොලිසියේ මූල්ය අංශය ධනුන තිලකරත්නගේ ජාතික හැඳුනුම්පත් අංකය ඔස්සේ සිදුකළ
විමර්ශනයකින් පසු සැකකරුට අයත් මේ බැංකු ගිණුම් අට සම්බන්ධයෙන් තොරතුරු අනාවරණය
කැරගත් බව ද රහස් පොලිසිය ඊයේ (4) අධිකරණයට වැඩිදුරටත් දන්වා සිටියේ ය.
විස්තර »
|
අපි හොඳ වර්තමානයක් ගොඩනැඟුවොත් හොඳ ඉතිහාසයක් ගොඩනැඟූ අය ලෙස ඉතිහාසයට එක් වෙනවා.
ඒ නිසා සූර වීර වර්තමානයක් ගොඩනඟන්නට සියලු දෙනා කැප විය යුතු යැයි ජනාධිපති මහින්ද
රාජපක්ෂ මහතා පැවැසීය.
පසුගිය කාලයේ ඒ කාර්යය කරන්න හැකි වූ බව ආඩම්බරයෙන් යුතුව සිහි කරන්නට තමාට අවස්ථාව
ලැබී ඇතැයි ද ජනාධිපතිවරයා ප්රකාශ කෙළේය.මේ රට ගොඩනඟන්නට ශක්තිමත් ව කැප විය හැකි පිරිසක් අනාගත දේශපාලන කරළියට ගෙන ඒමට
ජනතාව සුදානම් විය යුතු බවත් ජනාධිපතිවරයා පැවැසීය. 
ආසියාවේ විශිෂ්ටතම සිනමා නළු නිළියන් 25 දෙනා අතරට හෙළ සිනමාවේ රැජන මාලනී
සෙනෙහෙලතා ෆොන්සේකා මහත්මියද එක්ව සිටී. සී. එන්. එන්. ආයතනය විසින් මේ තෝරාගැනීම
සිදුකොට ඇත.
මාලනී ෆොන්සේකා මහත්මිය රංගන ශිල්පිනියක ලෙස සිය ජීවිත කාලයේදී කළ කැපකිරීමත්
ආචාර්ය ලෙස්ටර් ජෙම්ස් පීරිස් මහතා අධ්යක්ෂණය කළ ‘නිධානය’ චිත්රපටයේ ‘අයිරින්ගේ’
චරිතය සඳහා 1972 වර්ෂයේදී හොඳම නිළිය සම්මානය දිනාගැනීමත් මේ සුවිශේෂී තෝරාගැනීමට
හේතුපාදක වී තිබේ.
ශ්රී ලංකා ආණ්ඩුවේ ආරාධනයෙන්, ඉන්දියානු විදේශ ලේකම් ශ්රීමතී නිරූපමා රාඕ මහත්මිය
තෙදින නිල සංචාරයක් සඳහා හෙට (6) දින ශ්රී ලංකාවට පැමිණීමට නියමිත ය.
ශ්රීමතී රාඕ මහත්මිය 2004 - 2006 කාලය තුළ දී කොළඹ, ඉන්දියානු මහ කොමසාරිස්වරිය
ලෙස සේවය කර තිබේ. ඇය 2009 අගෝස්තු 01 වැනි දින ඉන්දියාවේ විදේශ ලේකම් ධුරයේ
රාජකාරි භාරගැනීමෙන් අනතුරුව ශ්රී ලංකාවේ සංචාරයක නියැලෙන ප්රථම වතාව මෙය වේ. 
එක්සත්
ජාතික පක්ෂයේ ව්යවස්ථාවට පටහැනිව ක්රියා කරමින් සරත් ෆොන්සේකා මහතාගේ කණ්ඩායමට හෝ
වෙනත් ඕනෑම පක්ෂයකට හෝ එක් වී තරග කරන හා ඒ සඳහා සහාය ලබා දෙන ඕනෑම පක්ෂයක
සාමාජිකයකුට එරෙහි ව දැඩිව විනය ක්රියා මාර්ග ගන්නා බව එ.ජා.ප. මහ ලේකම් තිස්ස
අත්තනායක මහතා පවසයි.පක්ෂ ව්යවස්ථාවට පටහැනිව වෙන වෙනම තීරණ ගැනීමට තරග
කිරීමට හෝ වෙනත් පක්ෂයකට සහාය ලබාදීමට කිසිදු එ.ජා.ප සාමාජිකයකුට අයිතියක් නැතැයි ද
ඒ මහතා කීය.
