යුද හමුදාවේ 22ක් ඇතුළු 35කගෙන් සාක්කි

විශ්‍රාමික ෆොන්සේකාට එරෙහි චෝදනා පත්‍රය දින 2ක් ඇතුළත

චෝදනා 5ක් යටතේ කරුණු ගොනු වෙයි

විශ්‍රාමික ජෙනරාල් සරත් ෆොන්සේකාට විරුද්ධව ඉදිරි දින දෙක ඇතුළත චෝදනා පත්‍රය ගොනු කැර අවසන් කිරීමට නියමිතය. යුද හමුදා පනත යටතේ චෝදනා පහකට වැඩි ප්‍රමාණයක් ජෙනරාල්වරයාට විරුද්ධව ගොනුවෙමින් පවතින බව හමුදා මාධ්‍ය ප්‍රකාශක මේජර් ජෙනරාල් ප්‍රසාද් සමරසිංහ පවසයි. යුද හමුදා නීති අංශ නිලධාරීන් මේ දිනවල එම චෝදනා ගොනුව සැකසීමේ කටයුතු සිදු කරන අතර හිටපු හමුදාපතිවරයාට විරුද්ධව සැකසුණු සාක්ෂි සම්පිණ්ඩන වාර්තාව අධ්‍යයනයට ලක්කරමින් එම කටයුත්ත සිදු කෙරේ.

විස්තර »

දියණියන්ට කතා කිරීමට පමණක් ෆොන්සේකාට දුරකථන පහසුකම්

විශ්‍රාමික ජෙනරාල් සරත් ෆොන්සේකාට සිය දියණියන් දෙදෙනාට කතා කිරීම සඳහා පමණක් ඊයේ (08) සිට නැවතත් දුරකථන පහසුකම් ලබා දී තිබේ. ජෙනරාල්වරයා අත්අඩංගුවට පත්වීමෙන් පසු මෙසේ ඇමතුම් ලබා ගැනීමට අවස්ථාව ලබාදී තිබුණ අතර පෙරේදා (07) එම අවස්ථාව නවතා ඇතැයි පවසමින් ෆොන්සේකා මහතා උපවාසයක් ආරම්භ කැර තිබිණි. මේ අනුව දියණියන් ඇමැතීම සඳහා පමණක් දිනකට ඇමතුම් දෙකක් ලබාගැනීමට යුද හමුදාපති මේජර් ජෙනරාල් ජගත් ජයසූරිය මහතා විසින් හිටපු හමුදාපතිවරයාට අවසර ලබාදී ඇතැයි හමුදා මාධ්‍ය ප්‍රකාශක මේජර් ජෙනරාල් ප්‍රසාද් සමරසිංහ පවසයි.

විස්තර »

කාන්තාවන්ට සමතැන නොව පූජනීය තැනක් ලබා දෙනවා

‘ජාතික කාන්තා දින’ උළෙලේදී ජනපති කියයි

කාන්තාවන්ට සමතැන නොව පූජනීය තැනක් ලබාදිය යුතුයි. ඒ පූජනීය තැනෙහි ගෞරවය ආරක්ෂා කිරීම සියලු කාන්තාවන්ගේ වගකීම යැයි ජනාධිපති මහින්ද රාජපක්ෂ මහතා ප්‍රකාශ කෙළේය. ලෝකයේ අනෙක් රටවල කාන්තාවන්ට සලකන ආකාරයට වඩා ශ්‍රී ලංකාවේ කාන්තාවන්ට සලකන ආකාරය වෙනස් බව පැවැසූ ජනාධිපතිවරයා මේ රටේ කාන්තාවන් සෑම ක්ෂේත්‍රයකින්ම ඉදිරියෙන් සිටින බවත් කීවේය. ජනාධිපති මහින්ද රාජපක්ෂ මහතා මේ අදහස් පළ කළේ ජාත්‍යන්තර කාන්තා දින සැමරුම් ජාතික උත්සවයට හම්බන්තොට, සිරිබෝපුර සිංගප්පූරු සත්කාරක ශාලාවේදී ඊයේ (08) එක්වෙමිනි.

විස්තර »