ජනපති කැලණියේ සංචාරයක...
 

කැලණිය ප්‍රදේශයේ ඊයේ (11) සංචාරයක යෙදුණු ජනාධිපති මහින්ද රාජපක්‍ෂ මහතා කැලණිය රජමහා විහාරස්ථානයට ගොස් බෝධින් වහන්සේට මල්දමක් පළඳවන අයුරු. කැලණිය රජමහා විහාරාධිපති මහාචාර්ය කොල්ලුපිටියේ සංඝරක්ඛිත නාහිමිපාණන් හා කම්කරු ඇමැති ආචාර්ය මර්වින් සිල්වා මහතාද මේ අවස්ථාවට එක් වූහ.

 

ඡායාරූපය – චන්දන පෙරේරා
 




සිසාරා යන්නට වෙබ් අඩවි . . . .


ජෙනරාල් යුද අධිකරණයට

චෝදනා 7ක් යටතේ නඩු විභාග
මේ මස 16 - 17 දිනවල
ත්‍රිපුද්ගල විනිසුරු මඬුල්ලේ සභාපති
මේජර් ජනරාල් වීරතුංග

විශ්‍රාමික ජෙනරාල් සරත් ෆොන්සේකා මහතාට එරෙහිව යුද්ධ හමුදා පනත යටතේ ඉදිරිපත් කර ඇති චෝදනා හතක් විභාග කිරීම සඳහා යුද්ධාධිකරණ දෙකක් පත් කැර තිබේ.සේනාධිනායක වශයෙන් ජනාධිපති මහින්ද රාජපක්‍ෂ මහතා විසින් පත් කරනු ලැබ ඇති මේ යුද්ධාධිකරණ දෙකේ විනිසුරු මණ්ඩල සභාපති ලෙස මේජර් ජෙනරාල් එච්. එල්. වීරතුංග සහ සාමාජිකයන් ලෙස මේජර් ජෙනරාල් ඒ. එල්. ආර්. විජේතුංග හා මේජර් ජෙනරාල් ඩී. ආර්. ඒ. පී. ජයතිලක යන මහත්වරු නම් කරනු ලැබ සිටිති.

විස්තර »

ශ්‍රී ලංකාවේදී ඇල්ලූ ලොකුම හෙරොයින් තොගය

මුන්දලමේ ඉස්සන් ගොවිපළකින්
මත්කුඩු කිලෝ 40ක් ගොඩ අරන්

මුන්දලම කිරියන්කල්ලියේ දී සොයා ගත් කිලෝ ග්‍රෑම් 30 ක හෙරොයින් තොගය සම්බන්ධයෙන් පරීක්ෂණ පැවැත් වූ පොලිස් මත්ද්‍රව්‍ය නාශක අංශය මුතුපන්තියේ ජූඩ් ප්‍රනාන්දු නමැති ජාවාරම්කරු හෙළි කළ තොරතුරු මත ඔහුට අයත් ඉස්සන් ගොවි පොළක වළ දමා තිබූ තවත් කිලෝ ග්‍රෑම් 40 ක හෙරොයින් තොගයක් ඊයේ (11) සොයාගෙන තිබේ.

විස්තර »

ආසියානු සංවර්ධන බැංකුවෙන් උතුරට
ඩො: මිලියන 12.8ක්

ත්‍රස්තවාදී ගැටුම් හේතුවෙන් විනාශයට පත් උතුරේ ප්‍රදේශවල සංවර්ධන කටයුතු වෙනුවෙන් ආසියානු සංවර්ධන බැංකුව අමෙරිකානු ඩොලර් මිලියන 12.8 ක අතිරේක මුල්‍යාධාරයක් ලබා දී තිබේ. දශක තුනකට ආසන්න කාලයක් උතුරු හා නැඟෙනහිර ප්‍රදේශවල පැවැති ත්‍රස්තවාදී ගැටුම් නිසා අභ්‍යන්තර වශයෙන් අවතැන් වූ පුද්ගලයන් යළි පදිංචි කිරීම සඳහා සහාය දීම මෙහි මූලික අරමුණ වේ.

විස්තර »

රූපවාහිනියේ හා ගුවන් විදුලියේ දේශපාලන වැඩසටහන් සමබරව ගෙන යන්න

බලධාරීන්ට නියෝග කරන්නැයි නීතිපතිවරයාට උපදෙස්

මෙවර පාර්ලිමේන්තු මැතිවරණ සමයේ දී දේශපාලන වැඩසටහන් සමබර ලෙස ඉදිරිපත් කරන්නැයි ශ්‍රී ලංකා රූපවාහිනි සංස්ථාවෙහි සහ ශ්‍රී ලංකා ගුවන් විදුලි සංස්ථාවෙහි බලධාරීන්ට නියෝග කරන ලෙස ශ්‍රේෂ්ඨාධිකරණය නීතිපතිවරයාට ඊයේ (11) උපදෙස් දුන්නේ ය. ජනාධිපතිවරණය පැවැති සමයේ දී එම ආයතන දෙක පක්‍ෂග්‍රාහීව කටයුතු කිරීමෙන් සිය මූලික අයිතීන් උල්ලංඝනය කළ බවට පැමිණිලි කරමින් ඡන්දදායකයන් තිදෙනකු ගොනු කළ මූලික අයිතිවාසිකම් පෙත්සමක් කැඳවූ අවස්ථාවේ දී ශ්‍රේෂ්ඨාධිකරණය මේ දැනුම් දීම කෙළේ ය.

විස්තර »

මහින්ද චින්තන ඉදිරි දැක්ම

වැඩ කරන ජනතාව දැනුම්වත් කරන
මහ සමුළුව අද පෙරවරුවේ

‘’මහින්ද චින්තන’’ ඉදිරි දැක්ම සංවර්ධන සැලැස්ම පිළිබඳව වැඩ කරන ජනතාව දැනුවත් කිරීමේ මහා සමුළුව ජනාධිපති මහින්ද රාජපක්ෂ මහතාගේ ප්‍රධානත්වයෙන් අද (12) පෙ. ව. 10.30ට සුගතදාස ගෘහස්ථ ක්‍රීඩාංගණයේ දී පැවැත් වේ. ‘ශ්‍රී ලංකාව ආසියාවේ ආශ්චර්යය කරමු’ තේමාව යටතේ සංවිධානය කර ඇති මේ සමුළුවේ දී ජනාධිපති ලේකම් ලලිත් වීරතුංග, මහ බැංකු අධිපති අජිත් නිවාඩ් කබ්රාල්, මුදල් අමාත්‍යාංශයේ ලේකම් ආචාර්ය පී. බී. ජයසුන්දර යන මහත්වරුන් විසින් අදහස් දක්වනු ඇත.

විස්තර »

ත්‍රස්තවාදී විපත් ආවරණයේ වාරික මුදල
75%
කින් පහළට

ජාතික රක්ෂණ භාර අරමුදල යටතේ ක්‍රියාත්මක වන ත්‍රස්තවාදී විපත් සඳහා බලපවත්වන රක්ෂණ ආවරණයේ වාරික මුදල අප්‍රේල් 01 දා සිට සියයට හැත්තපහකින් (75%) අඩුකැර ඇත. මෝටර් රථ වාහන, ගිනි, සොර බිය, හදිසි අනතුරු ඇතුළු සියලුම වර්ගයේ රක්ෂණ ආවරණ සඳහා ඉහත කරුණු බල පැවැත්වෙන

විස්තර »



වෙළඳ දැන්වීම් . . . .