|
ව්යවස්ථා කෙටුම්පතේ ව්යවස්ථානුකූලභාවය පිළිබඳ
ශ්රේෂ්ඨාධිකරණ තීන්දුව කඩිනමින් ජනපතිට
යෝජිත ආණ්ඩුක්රම ව්යවස්ථා සංශෝධන පනත් කෙටුම්පතෙහි ව්යවස්ථානුකූලභාවය පිළිබඳ සිය
තීන්දුව ජනාධිපති මහින්ද රාජපක්ෂ මහතා සහ කථානායක චමල් රාජපක්ෂ මහතා වෙත කඩිනමින්
දන්වා යවන බව ශ්රේෂ්ඨාධිකරණය ඊයේ (31) සඳහන් කෙළේය.එම පනත් කෙටුම්පතෙහි
ව්යවස්ථානුකූලභාවය පිළිබඳව ජනාධිපතිවරයා කළ මත විමසුම සලකා බැලූ පංච පුද්ගල
ශ්රේෂ්ඨාධිකරණ විනිසුරු මඩුල්ල මේ බව සඳහන් කර ඇත.
ව්යවස්ථා සංශෝධනයට පක්ෂ හා විපක්ෂ ලිඛිත දේශන අද පෙරවරු 10.00 ට පෙර ලබාදෙන ලෙස
සියලු පාර්ශ්වයන්ට ශ්රේෂ්ඨාධිකරණය දැනුම් දුන්නේය.
විස්තර » |
ව්යවස්ථාදායක සභාව වෙනුවට පාර්ලිමේන්තු කවුන්සලයක් පිහිටුවීමට යෝජිත ආණ්ඩු ක්රම
ව්යවස්ථා සංශෝධන මඟින් යෝජනා කර ඇත.දාහත්වැනි ව්යවස්ථා සංශෝධනය යටතේ ස්වාධීන කොමිෂන් සභා පිහිටුවීමේ බලය
ව්යවස්ථාදායක සභාව වෙත පැවරුණ අතර, යෝජිත සංශෝධන මගින් එම බලය පාර්ලිමේන්තු
කවුන්සලය වෙත පැවරීමටත්, එහි සාමාජික සංඛ්යාව පහ දක්වා අඩු කිරීමටත් යෝජනා කර ඇත. 
පාර්ලිමේන්තුවට ගෙන ඒමට යෝජිත ආණ්ඩු ක්රම ව්යවස්ථා සංශෝධන කෙටුම්පත සම්මත කිරීම
සඳහා තුනෙන් දෙකකට වැඩි බලයක් පහසුවෙන්ම රජයට ලබා ගැනීමේ හැකියාව මේ වන විටම හිමි
වී ඇතැයි ජනමාධ්ය හා ප්රවෘත්ති ඇමැති කැබිනට් ප්රකාශක කෙහෙලිය රඹුක්වැල්ල මහතා
පවසයි.
පසුගිය මහ මැතිවරණයේ දී මන්ත්රීවරුන් 144ක් සමගින්රජය අති විශිෂ්ට ජයක් ලබා
ගැනීමත් තුනෙන් දෙකකට ආසන්න බලයක් හිමි වූ බවත් එම මැතිවරණයෙන් පසු ගතවූ මාස
කිහිපයේ එම බලයද ශීඝ්රයෙන් වැඩිවී මේ වන විට පාර්ලිමේන්තුවේ තුනෙන් දෙකක් ඉක්මවන
බලයක් රජයට ලැබී ඇතැයිද හෙතෙම කීය.
සමෘද්ධි නිලධාරියකු ගස් බැඳීම සම්බන්ධයෙන් හිටපු නියෝජ්ය ඇමැති ආචාර්ය මර්වින්
සිල්වා මහතාට එල්ල වූ චෝදනාවලින් ඒ මහතා නිදොස් කොට නිදහස් කිරීමට ඒ සම්බන්ධයෙන්
සොයා බැලූ ශ්රී.ල.නි.ප විනය කමිටුව තීරණය කර ඇත.
ආචාර්ය මර්වින් සිල්වා මහතා සම්බන්ධයෙන් කිසිඳු පැමිණිල්ලක් පැහැදිලි ලෙස ඉදිරිපත්
නොවීම සහ කිසිඳු සාක්කියක් නොමැති වීම හේතුවෙන් ඒ මහතා නිදහස් කිරීමටත් පරීක්ෂණ
අවසන් කිරීමටත් විනය කමිටුව තීරණය කැර ඇති බව, ශ්රී ලංකා නිදහස් පක්ෂයේ මහලේකම්
සෞඛ්යය ඇමැති මෛත්රිපාල සිරිසේන මහතා ප්රකාශ කෙළේය.
ලාෆ් ගෑස් ගෘහස්ථ සිලින්ඩරයක මිල ඊයේ (31) මධ්යම රාත්රියේ සිට රුපියල් හතළිස්
හයකින් අඩුකර ඇත.
මෙය මිල සූත්රයට අනුව සිදුවූවක් බව පාරිභෝගික අධිකාරිය දන්වා සිටී. ඒ අනුව නව ගෑස්
සිලින්ඩරයක නව මිල රුපියල් එක්දහස් පන්සිය අනූතුනක් වේ.
මිල දී ගන්නා වී ගබඩා කර තැබීමට රුපියල් කෝටි හතක් පමණ වටිනා ගබඩා දහයක් ලෝක ආහාර
සංවිධානය මඟින් මෙරටට ලබා දී තිබේ. සමූපකාර හා අභ්යන්තර වෙළෙඳ කටයුතු පිළිබඳ ඇමැති
ජොන්ස්ටන් ප්රනාන්දු මහතා කළ ඉල්ලීමකට අනුව එම ගබඩා ලබා දී ඇත.මෙතරම් ඉහළ
වටිනාකමකින් යුතු ගබඩා ප්රමාණයක් මෙරටට ලැබුණු ප්රථම අවස්ථාව මෙය වෙයි. වී සඳහා
වැඩි අස්වැන්නක් ලැබෙන අම්පාර, අක්කරේපත්තු පොළොන්නරුව යන ප්රදේශවල එම ගබඩා
ස්ථාපිත කෙරේ. 
ප්රවීණ දේශපාලනඥයකු ඇමැතිවරයකු ජනාධිපති උපදේශකවරයකු මෙන්ම කලාකරුවකු වූ
අභාවප්රාප්ත ලක්ෂ්මන් ජයකොඩි මහතාගේ දේහය ඊයේ (30) දහවල් ඒ මහතාගේ මිනුවන්ගොඩ
ජාපාලවත්තේ සිට රථ පෙරහරකින් දිවුලපිටිය බලගල්ලේ රජගහ නිවස වෙත ගෙන එනු ලැබීය. ඒ
අවස්ථාවට ප්රදේශයේ පක්ෂ විපක්ෂ දේශපාලනඥයන් ඇතුළු ජනතාව සහභාගි වූහ. 
දෙරණ රූපවාහිනී නාළිකාවේ 360 දේශපාලන සංවාදය මෙහෙයවන දිල්කි සමන්මලී නිවේදිකාවට
එක්සත් ජාතික පක්ෂ පාර්ලිමේන්තු මන්ත්රී රන්ජන් රාමනායක මහතා තර්ජනය කිරීමේ
සිද්ධිය විභාග කිරීම රහස් පොලීසියට බාර දී තිබේ. දිල්කි සමන්මලීගේ පියාට දුරකතනයෙන් කතා කළ රන්ජන් රාමනායක මහතා එම තර්ජනය සිදු
කර ඇතැයි පැමිණිලි කර තිබේ.
එම සිද්ධිය සම්බන්ධව කට උත්තර ලබා ගැනීම සඳහා රන්ජන් රාමනායක මහතා රහස් පොලීසිය වෙත
කැඳවීමට නියමිතව ඇති බව ජ්යෙෂ්ඨ පොලිස් නිලධාරියෙක් පැවසී ය.
