යුද්ධ කරන්න මුදල් නැතැයි කී අය කොටින්ට සල්ලි මිටි ගණන් දුන්නා

යුද්ධය පමාකර ඇතැමුන් ගිවිසුම් ගැසූ හැටි
ජනපති හෙළි කරයි

යුද්ධයට වත් මුදල් නැතැයි කී සමහරු යුද්ධය ප්‍රමාදකොට ගිවිසුම් ගැසූ බවත්, තවත් අය යුද්ධයට මුදල් නැතැයි කියා කොටින්ට මුදල් දුන් බවත් ජනාධිපති මහින්ද රාජපක්ෂ මහතා ප්‍රකාශ කරයි. එහෙත් දැන් අපේ රටේ සංවර්ධනයට මුදල් නැතැයි කීමට කිසිවකුටවත් නොහැකි බව ජනාධිපතිවරයා අවධාරණය කෙළේය. ‘දිනන්න බෑ කියූ මහා විනාශකාරී යුද්ධයත් ජයගත් අප භූමියෙන් පමණක් නිදහස් වීම ප්‍රමාණවත් නැත. අප දැන් සමෘද්ධියෙන්ද රටේ ජනතාව දිනවන්නට ඕනෑ’ බව ද ජනාධිපතිවරයා කීය. ලෝකයෙන් නැව් එනතුරු බලානොසිට අපේ රටේ ජනතාවගේ කුසගින්න නිවීමට හැකිවන සේ අප ආහාරවලින් ස්වයංපෝෂිත විය යුතුයිද රාජපක්ෂ මහතා කියා සිටියේය. බටඅත කෘෂි උද්‍යානය චමල් රාජපක්ෂ කෘෂි තාක්ෂණ හා සංචාරක උද්‍යානය ලෙස නම් කිරීමේ උත්සවයේ ප්‍රධාන ආරාධිතයා ලෙස සහභාගි වූ ජනාධිපතිවරයා ඉහත අදහස දැක් වීය.

විස්තර »

රේගු දැලට හසු වූ ඉපැරැණි භාණ්ඩ කෞතුකාගාරයට

රේගු පරීක්ෂණවල දී අත්අඩංගුවට ගත් කෞතුක භාණ්ඩ රැසක් කෞතුකාගාර දෙපාර්තමේන්තුවට බාරදීමට පියවර ගැනේ. මේ කෞතුක භාණ්ඩ නීති වීරෝධී ලෙස පිටරට ගෙන යෑමට තැත් කරන අවස්ථාවල දී රේගුව මඟින් අත්අඩංගුවට ගත් භාණ්ඩ වේ. මේ භාණ්ඩ අතර ඉතා වටිනා කඩු එකතුවක්, ඇත්දල මිට සහිත කස්තාන පිහිය, ආභරණ පෙට්ටි, දුං කොළ පෙට්ටි, දේශීය වෛද්‍ය ක්‍රමය සඳහා භාවිත කරන වටිනා උපකරණ රාශියක් වන අතර මේ භාණ්ඩ අතර ඉතා වටිනා කඩු එකතුවක් . . . . .

විස්තර »

ශ්‍රී ලංකා-යුනාන් සමුළුව ප්‍රකාශයට පත් කෙරේ

ශ්‍රීලංකාව සහ චීනයේ යුනාන් ප්‍රාන්තය අතර වෙළෙඳ සබඳතා වර්ධනය කිරීමේ “ශ්‍රී ලංකා යුනාන් වෙළෙඳ සහයෝගිතා සමුළුව“ ප්‍රකාශයට පත් කෙරේ. අගමැති දි. මු. ජයරත්න සහ චීනයේ යුනාන් ප්‍රාන්ත ආණ්ඩුකාර ක්වින් ගුවාන්රොන් මහත්වරුන්ගේ ප්‍රධානත්වයෙන් කොළඹ, හිල්ටන් හෝටලයේ දී ඊයේ (01) මෙම සමුළුව ප්‍රකාශයට පත්කෙරිණි. සංචාරක, අධ්‍යාපන, මැණික් හා ස්වර්ණාභරණ අංශයේ ආයෝජන ප්‍රවර්ධනය පිළිබඳ දැනුම්වත් කිරීමේ වැඩමුළුවක් ද මීට සමගාමීව පැවැත්වුණු අතර දෙපාර්ශ්වය අතර සබඳතා තර කිරීමේ ගිවිසුමකට ද මෙහිදී අස්සන් තැබිණි. ශ්‍රී ලංකාවේ නිෂ්පාදන වැඩි වශයෙන් චීනයට අපනයනය කරන්නට අවස්ථාව ලබාදීම පිළිබඳව අගමැතිවරයා මෙහිදී ස්තුතිය පළ කෙළේය.

විස්තර »

වී වගාවත් අස්වැන්නත් ශීඝ්‍රයෙන් වැඩි වෙලා

විසිපස් වසරක් තිස්සේ වැඩි වූ වේගයට වඩා වැඩි වේගයකින් පසුගිය අවුරුදු පහේදී ශ්‍රී ලංකාවේ වී නිෂ්පාදනයත්, වී අස්වැන්නත් වැඩි වී ඇතැයි වාර්තා වේ. වසර 1980 සිට 2005 දක්වා වී නිෂ්පාදනය බුසල් මිලියන 102 කි. වසර 2005 සිට 2010 දක්වා එම ප්‍රමාණය බුසල් මිලියන 155 ක් දක්වා බුසල් මිලියන 53 කින් වැඩි වී ඇත. එය වසර 2005 සිට 2010 දක්වා වී බුසල් මිලියන 200 දක්වා ඉතා කෙටි කාලයකින් වැඩි වී තිබෙන බව කෘෂිකර්ම අමාත්‍යාංශයේ ලේකම් කේ. ඊ. කරුණාතිලක මහතා ප්‍රකාශ කෙළේය. මෙහි වැඩිවීම වී බුසල් මිලියන 45 ක් බවද ඔහු කීය. එපමණක් නොව 1980 දී අක්කරයක පළදාව වී බුසල් 56 කි. එය 2005 වනවිට අවුරුදු 25 ක් තුළ බුසල් 76 දක්වා බුසල් 20 කින් වැඩි වී ඇත.

විස්තර »

‘කඩවුණු පොරොන්දුව’ ගැන විභාගයට
රන්ජන් කැඳවයි

විවාහ කර ගන්නා බවට බොරු පොරොන්දු දී රුපියල් ලක්ෂ දහයක මුදලක් පාර්ලිමේන්තු මන්ත්‍රී රන්ජන් රාමනායක මහතා තමාගෙන් වංචනික ලෙස ලබාගත් බවට කටුගස්තොට ප්‍රධාන පෙළේ පාසලක ගුරුවරියක් කරන ලද පැමිණිල්ලක් විභාග කිරීම සඳහා අද (02) පෙරවරු 9.00 ට කටුගස්තොට පොලීසියේ පෙනී සිටින ලෙස රංජන් රාමනායක මහතාට දැනුම් දී ඇත. කටුගස්තොට වට්ටාරන්තැන්න ප්‍රදේශයේ පදිංචි ගුරුවරියක විසින් මේ පැමිණිල්ල පොලීසියට කැර ඇත. සිද්ධිය පිළිබඳව මධ්‍යම පළාත් ජ්‍යෙෂ්ඨ නියෝජ්‍ය පොලිස්පති ගාමිණි නවරත්න මහතාගේ උපදෙස් මත කටුගස්තොට පොලීසියේ ස්ථානාධිපති . . . .

විස්තර »

පක්‍ෂයේ අභිමානයට යෝධ ශක්තියක් වුණා

ජනපතිගේ ශෝක පණිවිඩය කියයි

ශ්‍රීලංකා නිදහස් පක්ෂයේ අභිමානයට යෝධ ශක්තියක් එක් කළ ලක්‍ෂ්මන් ජයකොඩි මහතා ජනතා ප්‍රශ්න හඳුනා ගැනීමට දැක් වු සංයමය, ඉවසීම නවක දේශපාලනඥයන්ට පමණක් නොව ජ්‍යෙෂ්ඨයන්ටද ආදර්ශයක් බව ජනාධිපති මහින්ද රාජපක්‍ෂ මහතා පවසයි. ජනාධිපතිවරයා මෙසේ ප්‍රකාශ කරන්නේ ශ්‍රී ලංකා නිදහස් පක්ෂයේ ජ්‍යෙෂ්ඨ සාමාජික ලක්ෂ්මන් ජයකොඩි මහතාගේ අභාවය වෙනුවෙන් ශෝක පණිවිඩයක් නිකුත් කරමිනි.  පක්ෂ නායකයන් ඉතා ළඟින් ඇසුරු කළ ජයකොඩි මහතා ඒ සියලු සබඳතාවලින් පක්ෂයේ ගමන් මඟ ශක්තිමත් කළ බවත් ජනාධිපතිවරයා පවසයි.

විස්තර »

ලක්‍ෂමන් ජයකොඩිගේ
අවසන් කටයුතු අද

අභාවප්‍රාප්ත හිටපු ඇමැති ලක්ෂ්මන් ජයකොඩි මහතා ගේ අවසන් කටයුතු අද (02) පස්වරුවේ දිවුලපිටියේ දී සිදු කෙරේ. දේහය මේ වන විට දිවුලපිටිය, බලගල්ල පිහිටි නිවෙසේ තැන්පත් කොට ඇත.