|
ආණ්ඩුක්රම ව්යවස්ථා සංශෝධනය
මගේ කාලය දික්කර ගැනීම අරමුණ නොවේ
ශ්රීලනිප සමරු උලෙළේදී ජනපති අවධාරණය කරයි
 ආණ්ඩුක්රම ව්යවස්ථා සංශෝධන ඉදිරිපත් කළේ සිය ධුර කාලය වැඩි කර ගැනීමට නොවන බව
ජනාධිපති මහින්ද රාජපක්ෂ මහතා අවධාරණය කරයි. එම සංශෝධනය මඟින් කෙරෙන්නේ ජනාධිපති
ධුරයට ඉදිරිපත් විය හැකි වාර ගණන වැඩි කිරීම පමණක් බව පෙන්වා දෙන ජනාධිපතිවරයා වාර
ගණන වැඩි කළත් ජනාධිපතිවරයා පත් කෙරෙන්නේ ජනතාවගේ කැමැත්ත මත පමණක් බව පවසයි.
විස්තර » |
රටේ ආරක්ෂාව වෙනුවෙන් උපාය මාර්ගික වශයෙන් වැදගත් ස්ථානවල යුද, නාවික, ගුවන් කඳවුරු
පිහිටුවන බව ආරක්ෂක ලේකම් ගෝඨාභය රාජපක්ෂ මහතා පැවැසීය.
රටේ නැවත ත්රස්තවාදයක් ඇති නොවන ලෙස කටයුතු කිරීම අදාළ බලධාරින්ගේ යුතුකමක් බවද
ප්රකාශ කළ ආරක්ෂක ලේකම්වරයා පසුගිය වසර 30 ත්රස්තවාදය හේතුවෙන් රට විශාල පීඩාවට
පත් වූ බවද අවධාරණය කෙළේ ය.
ඩුබායි හි වසර ගණනාවක් රැකියාව කර මෙරටට පැමිණි කාන්තාවකගේ නිවෙසක් වටලා ඇති ව්යාජ
ජාත්යන්තර පොලිස් කණ්ඩායමක්, ඇය එරටදී කර ඇති බව කියන රත්රන් වංචාවක් පිළිබඳව
ප්රශ්න කර ඇය සතුව තිබූ රුපියල් ලක්ෂ ගණනක් වටිනා රන් ආභරණත්, මුදල් රුපියල් ලක්ෂ
ගණනකුත් වංචනිකව ලබාගෙන ඇත.
එම ව්යාජ ජාත්යන්තර පොලිස් කණ්ඩායමේ හය දෙනෙකු වංචාවට සම්බන්ධ මුදල් වලින් හා රන්
අභරණවලින් කොටසක්ද සමඟ අත්අඩංගුවට ගැනීමට හලාවත විශේෂ පොලිස් කණ්ඩායමක් සමත් වී
තිබේ.
ලංකා විදුලිබල මණ්ඩලය පසුගිය ජුනි මාසයේ දී රුපියල් මිලියන දෙසීය පහක ලාභ උපයා ඇත.
ජුනි මාසයේ ලංකා විදුලි බල මණ්ඩලය මෙහෙයුම් වියදම රුපියල් මිලියන දසදහස් පන්සිය
හතළිස් එකකි. මෙහෙයුම් ආදායම් ලෙස රුපියල් මිලියන දස දහස් හත්සිය හතළිස් හයක මුදලක්
ලබා ඇත.
මේ අනුව ලංකා විදුලි බල මණ්ඩලය ගත වූ ජුනි මාසයේ දී රුපියල් මිලියන දෙසිය පහක
ලාභයක් ලබා තිබේ. 
