කටාර්හි දී පීඩාවට ලක් වූ
ගෘහ සේවිකාවෝ
13ක් යළි එති
පෞද්ගලික වියදමින් ගුවන් ටිකට් පත් අරන්
කටාර් දේශයේ දී විවිධ පීඩාවන්ට ලක්වූ ශ්රී ලාංකික ගෘහ සේවිකාවන් 13 දෙනෙකු යළි
ශ්රී ලංකාවට පැමිණ ඇත.
තම පෞද්ගලික වියදමින් ගුවන් ටිකට්පත් ලබාගෙන මේ පිරිස පැමිණ තිබෙන අතර මේ අය
කුරුණෑගල හා මාතර ප්රදේශවල පදිංචිකාරියෝ වෙති.
මේ කාන්තාවන්ට ශ්රී ලංකාවට පැමිණීම සඳහා ගුවන් ටිකට්පත් වෙනුවෙන් වැය වූ මුදල
ඔවුන් වෙත ලබා දීමට පියවර ගන්නා බවත්, මේ සම්බන්ධයෙන් සොයා බලා අවශ්ය නීතිමය පියවර
ගන්නා බවත්, ශ්රී ලංකා විදේශ සේවා නියුක්ති කාර්යාංශයේ ජ්යෙෂ්ඨ ප්රකාශකයෙක්
“දිනමිණ” ට පැවැසීය.
විස්තර » |
ආණ්ඩුක්රම ව්යවස්ථා සංශෝධනයෙන් විපක්ෂයට හෝ රටේ සමස්ත ජනතාවට යහපතක් මිස අයහපතක්
සිදු නොවන බව එක්සත් ජාතික පක්ෂ පාර්ලිමේන්තු මන්ත්රීවරු වන ලක්ෂ්මන් සෙනෙවිරත්න
හා අර්ල් ගුණසේකර මහත්වරු පවසති.මේ සඳහා රටේ සියලු දෙනාගේම සහාය අවශ්ය බව පෙන්වා
දෙන මන්ත්රීවරු දෙදෙනා එක්සත් ජාතික පක්ෂ පාර්ලිමේන්තු මන්ත්රී කණ්ඩායමේ සහාය ද
මේ සඳහා ලබාගැනීමට සාකච්ඡා කරන බව ද අවධාරණය කරති.
යෝජිත ආණ්ඩුක්රම ව්යවස්ථා සංශෝධනයට සහාය දෙමින් ලබන අටවැනිදා පාර්ලිමේන්තුවේදී
ආණ්ඩු පක්ෂයෙහි අසුන් ගන්නා බව ගාල්ල දිස්ත්රික් එක්සත් ජාතික පක්ෂ පාර්ලිමේන්තු
මන්ත්රී මනූෂ නානායක්කාර මහතා පවසයි.
දශක ගණනාවක් පුරා අවසන් කිරීමට නොහැකි වූ ත්රස්තවාදය පරාජය කරමින් රට වෙනුවෙන්
සුවිශේෂි මෙහෙවරක් ඉටුකළ ජනාධිපති මහින්ද රාජපක්ෂ මහතා සමඟ සියලු ජනකොටස් මේ
මොහොතේ එක්විය යුතු බවත්, රට ජයග්රහණය කරා ගෙනයා හැක්කේ එතුමාට පමණක් බවත්
නානායක්කාර මහතා පවසයි.
පසුගිය වසර 500 තුළ ශ්රී ලාංකීය සමාජයේ ප්රගමනය හා අන්යෝන්ය සහයෝගීතාව උදෙසා
කිතු දහමින් වැදගත් මෙහෙයක් ඉටු වූ බව ජනාධිපති මහින්ද රාජපක්ෂ මහතා ප්රකාශ කරයි.
එතුමා මේ බව සඳහන් කළේ පෙරේදා අරලියගහ මන්දිරයේදී වතිකන් හි ජනවන්දනාව පිළිබඳ වූ
සංසදයේ අති උතුම් කාදිනල් ඇන්ටෝනියෝ කනිසාරෙස් හිමිපාණන් ජනාධිපතිතුමා බැහැදුටු
අවස්ථාවේදීය.මෑතකදී ශ්රී ලංකාව දුෂ්කරතාවන්ට මුහුණ පෑ අවස්ථාවන්හි දී වතිකානය
දැක්වූ සහාය සම්බන්ධයෙන් ජනාධිපතිතුමා මෙහිදී සිය කෘතඥතාව පළකෙළේය. 
විශ්වවිද්යාලවලට ඇතුළු වන නවක සිසුන්ට නවක වදය දෙන ඕනෑම සිසුවකුගේ තරා තිරම නොසලකා
නීතිය දැඩිව ක්රියාත්මක කරන බව උසස් අධ්යාපන ඇමැති එස්. බී. දිසානායක මහතා
අවධාරණය කරයි.
ඇතැම් ජ්යෙෂ්ඨ ශිෂ්ය කණ්ඩායම් විසින් සමාවක් නොදිය යුතු තරමේ විස බීජ රෝපණය කරන
බවද ඇමැතිවරයා පැවසීය. ශිෂ්යයන් කායිකව හා මානසිකව පීඩාවට ලක් කරන නවක වදය
විශ්වවිද්යාල පද්ධතියෙන්ම අතුගා දැමීමට සෑම පියවරක් ගන්නා බවත් ඒ සඳහා ශිෂ්යයන්ගේ
සහයෝගය ලබා දෙන ලෙසත් හෙතෙම ඉල්ලා සිටියේය.
