ජේ.ආර්ගේ ‘ඒකාධිපතියා’ පන්නන්න
ව්යවස්ථා සංශෝධනය ගෙනාවා
 තමා සූදානම් වන්නේ වත්මන් ඒකාධිපති ව්යවස්ථාව සංශෝධනය කිරීමට බව ජනාධිපති මහින්ද
රාජපක්ෂ මහතා ප්රකාශ කරයි.
සමහරු කියනවා මම ඒකාධිපති පාලනයකට යන්න හදනවා කියලා. මේ ව්යවස්ථාව ගෙනාවේ මම
නෙමෙයි. මම හදන්නේ ඒකාධිපති ව්යවස්ථාව සංශෝධනය කිරීමට බව රාජපක්ෂ මහතා කීය.
තමාට අවශ්ය වී ඇත්තේ පාර්ලිමේන්තුවට බලය පැවරෙන ජනතා හිතවාදී ලෙස වත්මන්
ව්යවස්ථාව සංශෝධනය කිරීමට බවද ජනාධිපතිවරයා කීය. දහහත් වැනි සංශෝධනය අනුව ව්යවස්ථාදායක සභාවට පත්වන්නේ ජනතා ඡන්දයෙන් තේරුණු
පුද්ගලයන් නොවන බව පැවැසූ ජනාධිපතිවරයා එම තත්ත්වය අහෝසි කිරීම සඳහා නව සංශෝධනය
මගින් පාර්ලිමේන්තුවට බලය ලබාදීමට කටයුතු කර තිබෙන බවත් කීවේය.
විස්තර » |
යෝජිත නව ආණ්ඩුක්රම ව්යවස්ථා සංශෝධනයට අස්ගිරි පාර්ශ්වයේ මහානායක අතිපූජ්ය උඩුගම
ශ්රී බුද්ධරක්ඛිත මහ නා හිමියෝ පූර්ණ ආශිර්වාදය පළ කරති.
රටේ අභිවෘද්ධිය උදෙසා අවංකව කැපවී ක්රියාකරන ජනතා ආදරයට පාත්රවූ නායකයකුට නීතිමය
සීමාවලින් තොරව ජනතාව කැමැති තාක් කල් රට පාලනය කිරීමට ඉඩ ප්රස්ථාව පැවතිය යුතු
බවද උන්වහන්සේ කීය.
විදේශ කටයුතු ඇමැති ජී.එල්. පීරිස් මහතා ඊයේ (5) පෙරවරු වේ ශ්රී දළදා මාලිගාවේ දී
මහනාහිමියන් බැහැදැක ආශිර්වාද ලබාගත් අවස්ථාවේ උන්වහන්සේ මේ බව ප්රකාශ කළහ.
යෝ ජිත ව්යවස්ථා සංශෝධනය තුනෙන් දෙකක නොව හයෙන් පහක බහුතර බලයකින් ජයග්රහණය කරන
බව සභානායක අමාත්ය නිමල් සිරිපාල ද සිල්වා මහතා කියයි.
ඊයේ වන විට මෙම වර්ධනය දක්නට ලැබුණ බව ද ඒ මහතා කීය.
ආණ්ඩුවේ මන්ත්රීවරු 144ක් ඉන්නවා. එක්සත් ජාතික පක්ෂයේ හතරයි – මුස්ලිම්
කොංග්රසයේ හකීම් විපක්ෂ මන්ත්රීවරුන් අට දෙනෙක් ඉන්නවා. මේ අය සංශෝධනයට පක්ෂව
ඡන්දය දෙන බව ප්රසිද්ධියේ කියා තිබේ යැයි ද ඇමැතිවරයා කීය.
ලබන 8 වෙනිදා පාර්ලිමේන්තුවට ඉදිරිපත් කරන ව්යවස්ථා සංශෝධනයට තුනෙන් දෙකේ බලය ලබා
ගැනීමට සියල්ල සූදානම් බව ශ්රී ලංකා නිදහස් පක්ෂයේ ප්රධාන ලේකම් අමාත්ය
මෛත්රීපාල සිරිසේන මහතා කියයි.
එම සංශෝධනයට පක්ෂව ඡන්දය දීමට ඉදිරි පැය 48 ඇතුළත මන්ත්රීවරුන් 160 ට වැඩි
ප්රමාණයක් සූදානමින් සිටින බවද ඒ මහතා අවධාරණය කරයි.
සංශෝධනයට පක්ෂව ඡන්දය දීමට
එක්සත් ජාතික පක්ෂයේ කණ්ඩායමක් සූදානමින් සිටින්නේ මහින්ද රාජපක්ෂ මහතාගේ ගමන් මඟ
ඔවුන් අනුමත කරන නිසා බවද ඒ මහතා සඳහන් කරයි.
ජනාධිපති ධුර කාලයේ සීමාව ඉවත් කිරීම ජනතා අයිතිවාසිකම් වැඩි කිරීමක් බව ආර්ථික
සංවර්ධන නියෝජ්ය ඇමැති ලක්ෂ්මන් යාපා අබේවර්ධන මහතා ප්රකාශ කරයි.
ඒ නිසා යෝජිත ව්යවස්ථා සංශෝධනයට එරෙහි විරෝධතා පළ කිරීම ජනතාවට එරෙහිවීමක් බව ද ඒ
මහතා කියයි. ජේ. ආර්. ජයවර්ධන ගේ ව්යවස්ථාවේ 2 වෙනි වගන්තියේ ධූර කාලය දෙවතාවකට
සීමා කර තිබේ.
හොඳ කෙනෙකු ජනතා කැමැත්තෙන් තුන්වෙනි වතාවටත් පත්කර ගැනීම ජනතා
පරමාධිපත්යයට ඉඩ දීමක් බව ද නියෝජ්ය ඇමතිවරයා කීය.
විවාහ වන බවට බොරු පොරොන්දු දී පාසල් ගුරුවරියකගෙන් රුපියල් ලක්ෂ දහයක මුදලක්
වංචනික ලෙස ලබාගත් බව කියන සිද්ධියට අදාළව එජාප පාර්ලිමේන්තු මන්ත්රි රන්ජන්
රාමනායක මහතා ඊයේ (05) පස්වරුවේ කටුගස්තොට පොලිසියට පැමිණ ප්රකාශයක් ලබාදී ඇත.
කටුගස්තොට පොලිසියේ සුළු පැමිණිලි අංශයේ ස්ථානාධිපති ප්රධාන පොලිස් පරීක්ෂක ජයන්ත
සමරකෝන් මහතා පැයක පමණ කාලයක් රන්ජන් රාමනායකගේ ප්රකාශය සටහන් කැරගෙන තිබේ.
