රටේ ආර්ථිකය වට්ටන්න විපක්ෂයේ කට්ටියක් වැඩ

* ජනතාවට සැක උපද්දන්න දූසමාන ආරංචි පතුරුවති

* අර්ථ සාධක අරමුදලටත් හානි කරවන ප්‍රකාශ

* චෝදනා නඟන ජවිපෙ කළ අලාබය

* කෝටි 60000ක් කොටස් වෙළෙඳ පළ හා මූල්‍ය පද්ධතිය ගැන බියක් එපා

ශ්‍රී ලංකාවේ ආර්ථිකය සහ මූල්‍ය පද්ධතිය අස්ථාවර කිරීමේ අරමුණින් විපක්ෂය සැලැසුම්සහගත වැඩපිළිවෙළක් ක්‍රියාත්මක කරමින් සිටින බව රජය අවධාරණය කරයි. එක්සත් ජාතික පක්ෂයේ සහ ජනතා විමුක්ති පෙරමුණේ පාර්ලිමේන්තු මන්ත්‍රීවරුන් පිරිසක් එම උත්සාහයේ නිරත වෙමින් සිටින අතර ශ්‍රී ලංකා මහ බැංකුව, සේවක අර්ථසාධක අරමුදල, ජාතික ඉතිරි කිරීමේ බැංකුව, ද ෆිනෑන්ස් සමාගම මෙන්ම කොටස් වෙළෙඳපොළද ඔවුන්ගේ ඉලක්කයවී තිබෙන බවද රජය සඳහන් කරයි.

විස්තර »

ජනපති පොසොන් පණිවිඩය

අභිමානය ගෙනා සදහම් මඟ පෙරට ම ගෙන යා යුතුයි

ජාතිය අභිමානවත් කළ මිහිඳු හිමියන් දෙසූ සදහම් මඟ අඛණ්ඩවත් අවිච්ඡින්නවත් පෙරට ගෙන යෑම අප සතු වගකීම බව ජනාධිපති මහින්ද රාජපක්ෂ මහතා පොසොන් පෝ දිනය වෙනුවෙන් පණිවිඩයක් නිකුත් කරමින් කියයි. එම පණිවිඩය මෙසේය. ශ්‍රී සම්බුද්ධ පරිනිර්වාණයෙන් 236 වර්ෂයේ දී මිහිඳු හිමි ලක්දිවට වැඩි අසිරිමත් දවස උදා විය. මිහින්තල අම්බස්තලයේ දී දෙවන පෑතිස් නරනිඳුන්ට මිහිඳු මා හිමියන් හමුවීම ශ්‍රී ලංකාද්වීපයේ සිදුවූ ශ්‍රේෂ්ඨ සිදුවීමක් බව අවිවාදිත ය. ඒ වූ උතුම් පොසොන් දිනය අප මෙවර සමරන්නේ දෙදහස් තුන්සිය විසිවැනි පොසොන් මහෝත්සවය ලෙසය. මිහිඳු මහා රහතන්වහන්සේගේ ලංකාගමනය නිසා අවිහිංසාවාදී වූද ප්‍රඥා සම්පන්න වූද ශ්‍රේෂ්ඨ ධර්මයක් අපට දායාද විය.

විස්තර »

ලේක්හවුස් මිහින්තලා ආලෝක පූජාව පනස් වැනි වරටත් මිහින්තලේ රජමහා විහාරාධිපති වලවාහැංගුණවැවේ ධම්මරතන නාහිමියන්ගේ අනුශාසකත්වයෙන් උත්කර්ෂවත් අයුරින් පැවැති අතර ආරම්භක දින වන ඊයේ (3) ආලෝකය විවෘත කිරීම විදුලි සංදේශ හා තොරතුරු තාක්ෂණ ඇමැති රංජිත් සියඹලාපිටිය, උතුරු මැද පළාත් ආණ්ඩුකාර කරුණාරත්න දිවුල්ගනේ මහත්වරුන්ගේ ප්‍රධානත්වයෙන් සිදු වූ අයුරුයි මේ. මේ අවස්ථාවට සහභාගි වූ පළාත් ඇමැති එස්. බී. සේමසිංහ, පාර්ලිමේන්තු මන්ත්‍රී ෂෙහාන් සේමසිංහ, අනුරාධපුර මහ දිසාපති මහින්ද සෙනෙවිරත්න, ලේක්හවුස් කර්තෘ මණ්ඩල අධ්‍යක්ෂ සීලරත්න සෙනරත් සහ මෙහෙයුම් අධ්‍යක්ෂ උපුල් දිසානායක මහත්වරුද මෙහි වෙති.

ඡායාරූපය-කිත්සිරි වනසිංහ