පොහොර සහනාධාරයට වසර 7කදී කෝටි 15,000ක්

රු. 9000 පොහොර මල්ල ගොවීන්ට දෙන්නේ
රු. 350ට

වී වගාවට දුන් සහනාධාරය තේ-පොල්-රබර්වලටත්

උතුරු නැ/හිර වී වගා කරන බිම් ප්‍රමාණයත් ඉහළට

වසර 2005 සිට පිට පිටම වගා කන්න 14ක් සදහා එක්සත් ජනතා නිදහස් සන්ධාන ආණ්ඩුව රුපියල් කෝටි පහළොස් දහසකට අධික මුදලක් පොහොර සහනාධාරය ලෙස ගොවි ජනතාවට ලබාදී ඇත. මේසා විශාල මුදලක් පොහොර සහනාධාරය ලෙස ලබාදීමේ ප්‍රතිඵලයක් ලෙස මේ වන විට රට සහලින් ස්වයංපෝෂිත වී තිබේ. කිලෝග්‍රෑම් 50ක පොහොර බෑගයක් රුපියල් 350කට ගොවි ජනතාවට ලබාදෙන ආණ්ඩුව ලෝක වෙළෙඳ පොළින් මේ පොහොර ප්‍රමාණය ලබා ගන්නේ රුපියල් නවදහසකටත් අධික මුදලක් ගෙවමිනි.

විස්තර»

විපක්ෂය මොනවා කීවත් ජනතාවට
ජනපති විශ්වාසයි

විපක්ෂයේ ඇතැම් පිරිස් කුමන දේ ප්‍රකාශ කළත් ජනපති මහින්ද රාජපක්ෂ මහතා රට මෙහෙයවන ආකාරය ප්‍රශංසනීය බව අස්ගිරි පාර්ශ්වයේ මහනායක උඩුගම ශ්‍රී බුද්ධරක්ඛිත මහ නා හිමියෝ පැවසූහ. විපක්ෂයේ කිහිප දෙනකු දරන මතය හා රටේ පොදු ජන මතය එකිනෙකට වෙනස් බවත්, පොදු ජනතාව ජනාධිපතිතුමා කෙරෙහි පවතින විශ්වාසය තවමත් නොබිඳී පවතින බවත් උන්වහන්සේ කීහ.

විස්තර»

මුදල් නැත්නම් මුල්ගල් තැබීම තහනම්

ජනතා නියෝජිතයන්ට ජනපතිගෙන් නියෝග

මුදල් වෙන් කර නොමැති කිසිදු සංවර්ධන ව්‍යාපෘතියකට මින් පසු මුල්ගල් නොතබන ලෙස ජනාධිපති මහින්ද රාජපක්ෂ මහතා සියලු නිලධාරීන් හා මහජන නියෝජිතයන් වෙත ඊයේ (13) නියෝග කළේය. ව්‍යාපෘතියේ කටයුතු නීත්‍යනුකූලව ආරම්භ කරන විට ඕනෑම නම් දැන්වීම් පුවරු ප්‍රදර්ශනය කළ හැකි නමුත් මුදල් නොලැබුණු ව්‍යාපෘතිවලට මුල්ගල් තැබීම ඉදිරියට තහනම් බව ජනාධිපතිවරයා අවධාරණය කළේය. පොදු තීන්දුවක් වන මෙය රටටම බලපාන ලෙස ක්‍රියාත්මක කිරීමට අවශ්‍ය ක්‍රියාමාර්ග ගන්නා ලෙස අමාත්‍යාංශ ලේකම්වරුන්ට උපදෙස් දුන්නේය.

විස්තර»

විදුලිබල මණ්ඩලයේ පුරප්පාඩුවලට
අලුතින් බඳවා ගත් උපාධිධාරීන්

විදුලිබල මණ්ඩලයේ දැනට පවතින කාර්යාල පුරප්පාඩු සදහා රජයට අලුතින් බඳවා ගත් උපාධිධාරීන් හෙට (15) අනුයුත්ක කිරීමට පියවර ගන්නා බව විදුලිබල හා බලශක්ති අමාත්‍යංශය පවසයි. දැනට වර්ජනයේ යෙදෙන විදුලි සේවකයන් නිසා විදුලිබල මණ්ඩලයේ සේවාවාන් ඉදිරියට ගෙන යාමට මේ පිරිස බඳවා ගන්නා බවද විදුලිබල අමාත්‍යංශය අනාවරණය කරයි. විදුලි සේවකයන් අද (14) වන විට සේවයට වාර්තා නොකරන්නේ නම් මේ ක්‍රියාමාර්ගය ගැනීමට සිදුවන බවද විදුලිබල අමාත්‍යංශය පෙන්වාදෙයි.

විස්තර»

ආචාර්යවරුන්ට පමණක් වැඩි වැටුප් එපා

ඒකාබද්ධ වෘත්තීය පෙරමුණ ඉල්ලා සිටී

විශ්වවිද්‍යාල ආචාර්යවරුන්ගේ වැඩ වර්ජනයට කිසිඳු අයුරකින් කිසිවකු සහාය නොදිය යුතු යැයිද, ශ්‍රී ලංකාවේ කිසිඳු වෘත්තීය ක්ෂේත්‍රයකට මේ තරමින් පහසුකම් ගෙවීම් හා ගෞරවනීය තත්ත්වයක් ලබාදී නැතැයිද, මහින්ද චින්තන ඉදිරි දැක්ම මඟින් ආචාර්යවරුන්ගේ පහසුකම් හා ගෙවීම් තවදුරටත් වැඩිකර ඇතැයිද එය අසාධාරණ හා අයුක්තිසහගත තීන්දුවක් යැයිද ඒකාබද්ධ වෘත්තීය පෙරමුණක් කියා සිටියි. දිනමිණ කාර්යාලයයට ඊයේ කඩා වැදුණු මේ පිරිස තම තමන් නියෝජනය කරන වෘත්තීය ක්ෂේත්‍රවල තත්ත්වය හා විශ්වවිද්‍යාල ආචාර්යවරුන්ගේ තත්ත්වය සාපේක්ෂ වශයෙන් පෙන්වා දෙමින් දිගින් දිගටම තර්ක කළහ.

විස්තර»

කොළඹ රාජකීය විදුහලේ ශාලාධිපති විභාග වැඩවලින් ඉවතට

මෙවර උසස් පෙළ විභාගයේ ඊයේ (13) පැවැති ප්‍රශ්න පත්‍රයට අදාළ සංශෝධන විභාග ශාලාධිපතිවරයා විසින් සිසුන්ට ලබා නොදීම නිසා කොළඹ රාජකීය විදුහලේ ශාලාධිපතිවරයා උසස් පෙළ විභාග ක්‍රියාවලියෙන් ඉවත් කිරීමට විභාග කොමසාරිස්වරයා පියවර ගෙන ඇත. උසස් පෙළ විභාග ප්‍රශ්න පත්‍ර වඩා නිවැරදිව ලබාදීමේ අරමුණින් මේ වසරේ සිට ක්‍රියාත්මක වන පරිදි විභාගය පවත්වන දිනට පෙර එම විෂයට අදාල ප්‍රශ්න පත්‍රය නිර්මාණය කරන විද්වත් පිරිස මගින් නැවත . . .

විස්තර»