උගත් බුද්ධිමතුන් කළ යුත්තේ වැටුප් ප්රමාණවත් නොවන බව පවසා රට හැර යෑම නොව රටේ අනාගතය වෙනුවෙන් කැපවීම යැයි ජනාධිපති මෛත්රීපාල සිරිසේන මහතා ප්රකාශ කෙළේය.
ජනාධිපතිවරයා එසේ සඳහන් කෙළේ කොළඹ තුන්මුල්ලේ පිහිටි බෞද්ධ සංස්කෘතික කේන්ද්රයේ ඊයේ(4) පැවැති රාජ්ය ඉංජිනේරු සේවා සංගමයේ මහා සභා රැස්වීමට එක්වෙමිනි.
තවදුරටත් ජනාධිපතිවරයා මෙසේද පැවසිය. පරාක්රම සමුද්රයේ දොරටු විවෘත කළ අයුරින් කොන්දේසි විරහිතව නිදහසේ රට හැර යෑමේ අවස්ථාව අපේ රටේ උගතුන්, බුද්ධිමතුන්ට හිමිව තිබෙනවා.
ලෝකයේ කිසිඳු රටක උගත් බුද්ධිමතුන්ට මේ අයුරන් රට හැර යෑමේ නිදහසක් ලබා දී නෑ. ඒ වෙනුවෙන් රටවල් පැන වූ කොන්දේසි තිබෙනවා.
වත්මන් ආණ්ඩුව නිදහස් අධ්යාපනයේ දොරටු විවෘත කැර නිදහස් අධ්යාපනයට වැඩි ප්රතිපාදන වෙන් කර තිබෙනවා.
නිදහස් අධ්යාපනය ශක්තිමත් කිරීම රටේ සංවර්ධන කාර්යක්. දීර්ඝකාලීන ආයෝජනයක්. වෛද්යවරු සහ ඉංජිනේරුවන් සමඟ මා මැනවින් වැඩ කර තිබෙනවා.ඉංජිනේරුවරුන්ගේ සහ වෛද්යවරුන්ගේ වෙනස මා මැනවින් දන්නවා. මෙහිදී තිස්වසරක දීර්ඝ සේවාව අගයමින් ඉංජිනේරු මහත්ම මහත්මීන් වෙත සමරු තිළිණ ප්රදානය කෙරුණේද ජනාධිපතිවරයාගේ සුරතිනි.
අදහස් 3ක් ඇත
..
Before considering about
බුද්දිමත් මිනිස්සු රට හැර
නව අදහස දක්වන්න