පොල්ගොල්ල, නවයාලතැන්න ප්රදේශයේ පිහිටි මහවැලි ගඟේ අතුරු ජලාශ රැසක්ම මේ වනවිට සැල්වීනියා ජපන් ජබර දිය බෙරලිය ජලජ ශාකයන්ගෙන් වැසී ඇත.
මේ නිසා ජලාශවල වෙසෙන ජලජ ජීවින්ගේ ජීවන පැවැත්මට ද විශාල තර්ජනයන් එල්ලවී ඇති අතර, එහි පරිසර පද්ධතින්ට ද පාරිසරික වශයෙන් මහත් හානියක් සිදුවෙමින් පවතින බව ද පරිසරවේදීහු පෙන්වා දෙති.
එසේම මේ ජලජ ශාකයන්ගෙන් ජලාශවල ජලය පිටකෙරෙන ජල මං ඇහිරී ප්රදේශයේ කෘෂිකාර්මික කටයුතු හා අනෙකුත් දෛනික අවශ්යතාවන් සඳහා ජලය ලබා ගැනීමේදී ද ප්රදේශවාසීන් ගැටලු රැසකටද මුහුණපා ඇත. තවද වැසි දිනවලදී ද ෙම් ජලාශයන් පිටාර ගලා විශාල හානි සිදුවේ.
මේ ජලජ ශාකවලින් ඉතා හොඳ කාබනික පොහොර නිෂ්පාදනය කළ හැකි බව ද දැනට සිදුකර ඇති පර්යේෂණවලින් පෙන්වාදී තිබේ.
එබැවින් ඒ පිළිබඳව ද අවධානය යොමුකොට දැනට මහත් ව්යසනයක්ව පවතින මෙම ජලජ ශාකයන් ඉවත් කරදෙන ලෙස පොල්ගොල්ල මහවැලි සංවර්ධන අධිකාරියේ අදාළ බලධාරින්ගෙන් ප්රදේශවාසීහු ඉල්ලා සිටිති.
පාතදුම්බර යූ. එස්. නිමල්
නව අදහස දක්වන්න