මෙන්න වීරවංශගේ වැඩ!

හිටපු ඇමැති වීරවංශ මහතාට එරෙහිව එල්ලවූ චෝදනා සම්බන්ධයෙන් පොලිස් මූල්‍ය අපරාධ කොට්ඨාසයට පැමිණිලි කර තිබුණේ රාජ්‍ය ඉංජිනේරු සංස්ථාවේ සභාපති මයිකල් එමිල් ජොයකිම් මහතා ය. එම චෝදනා පිළිබදව මූල්‍ය අපරාධ කොට්ඨාසය පවත්වනු ලැබිය,

රජයේ මුදල් සාපරාධී සාවද්‍ය පරිහරණය, විශ්වාසය කඩ කිරීම, වංචා කිරීම ආදී චෝදනා සහ ඊට අනුබලය දීමේ චෝදනා යටතේ දණ්ඩ නීති සංග්‍රහයේ අංක 100, 102, 113, 388, 389, 400 යටතේ සහ මුදල් විශුද්ධි කරන පනත යටතේ වැරදි සිදුකර ඇතැයි අංක බී/3088/2016 දරණ බී වාර්තාව මගින් පොලිස් මූල්‍ය අපරාධ කොට්ඨාසය විසින් අධිකරණයට කරුණු වාර්තා කරන ලදී.

කරුණු සළකා බැලූ කොටුව මහේස්ත්‍රාත් ලංකා ජයරත්න මහත්මිය විමල් වීරවංශ සමග ඉංජිනේරු සංස්ථාවේ හිටපු මානව සම්පත් කළමනාකරු වූ තංගල්ලේ පදිංචි සමන්ත ප්‍රියනාත් ලොකුහැන්නැදිගේ නමැත්තාද ලබන 24 දක්වා රිමාන්ඩ් බන්ධනාගාර ගත කළාය.

විමල් වීරවංශ මාධ්‍ය කැමරා ඉදිරියේ තමන් සුදනා සේ කයිවාරු ගහන නමුත් ඔහු විසින් තම ඥාතීන්ට සහ හෙංචයියන්ට තමන්ගේ බූදලය සේ භුක්ති විඳීමට ලබා දී තිබූ රජයේ වාහන ගණන එකක් දෙකක් නොව 37 කි.

ඒ ඥාතීන්ට වාහන 05 ක්ද, ජනිපෙ හෙංචයියන්ට වාහන 10 ක්ද, තම කාර්ය මණ්ඩලයට කියා පිටතින් බඳවා ගත් නමුත් ඔවුන්ගේ තනතුරු අනුව වාහනයක් පාවිච්චි කිරීමට කිසිදු නීත්‍යානුකූල හිමිකමක් නැති නිලධාරීන් 22 ක්ද ලෙසය.

වීරවංශ තම ඥාතීන් ට ලබා දී තිබූ වාහන මෙසේය.

1. විමල් වීරවංශගේ අක්කා වන සුමනාවතී වීරවංශගේ බාල පුතා වන රිද්ම විමුක්ති වීරවංශට අංක GO 4894 දරණ වාහනය

2. විමල් වීරවංශගේ අක්කා වන සුමනාවතී වීරවංශගේ වැඩිමහල් පුතා වන ලලිත් පුෂ්පකුමාරට අංක GK-5073, KD-4049, KB-7053, KW-6956, GK-5073, KP-4802 දරණ වාහන

3. විමල් වීරවංශගේ බිරිඳගේ අක්කා වන තනුජා නිශාන්තිගේ ස්වාමි පුරුෂයා වන බෝඹුවල දිසාවගේ ආනන්ද අශෝක කුමාරට අංක KB-6038, HQ-4974, GR-5774, KI-4648, KA-7440 දරණ වාහන

4. විමල් වීරවංශගේ බාල සහෝදරිය වන නිලානි වීරවංශගේ ස්වාමි පුරුෂයා වන පල්ලෙපේරු ගමගේ ආනන්ද ප්‍රියදර්ශනට අංක GY-4635 දරණ වාහනය

5. විමල් වීරවංශගේ බාල සහෝදරිය වන නිලානි වීරවංශට JN-8058 දරණ වාහනය

මෙලෙස වාහන පාවිච්චි කර ඇති රිද්ම විමුක්ති වීරවංශ ඕෂන් වීව් ආයතනයේ ව්‍යාපෘති නිලධාරියෙකු ලෙසද, ලලිත් පුෂ්ප කුමාර විමල්ගේ අමාත්‍යාංශයේ කළමණාකාර සහකාර වරයෙකු ලෙසද, වී.ඩබ්. ආනන්ද අශෝක ශ්‍රී ලංකා වරාය අධිකාරියේ ප්‍රධාන ආරක්ෂක ලෙසද, පී.පී. ආනන්ද ප්‍රියදර්ශන රාජ්‍ය ඉංජිනේරු සංස්ථාවේ කළමණාකාර සහකාරවරයෙකු ලෙසද ගබඩා පාලක වරයෙකු ලෙසද කටයුතු කර තිබේ. ඉහත 4 දෙනා වාහන පාවිච්චි කර ඇත්තේ එම නිලයන්ට වාහන පාවිච්චි කිරීමට නීත්‍යානුකූල අයිතියක් නොමැතිව තිබියදීය. මෙහි ඇති අපූරු සිද්ධිය නම් මෙහි සඳහන් විමල් ගේ බාල සොයුරිය වූ නිලානි වීරවංශ කිසිදු රාජ්‍ය ආයතනයක කිසිදු තනතුරක් දරා නොමැති අතර ඇය නිවසේ බත් තම්බමින් සිටි කාන්තාවක් වුවද ඇයටත් රජයේ වාහනයක් ලබා දී තිබීමය.

වීරවංශ තම පක්ෂයේ හෙංචයියන්ට ලබා දී තිබූ වාහන මෙසේය.

1. ලාල් කුලරත්නට - HK-8877, KT-2884

2. පියසිරි විජේනායකට - JN-5767, KK-3081, 64-3225, HA-2189, KA-4685,

3. කේ.ඩී.යූ ජයසේනට - KO-5871

4. ඩී.වී.ඒ. ජයවර්ධනට - KM-0882

5. එල්.සී කුමාරට - 54-5678

6. විරාජ් සංජීවට - KT-6089

7. නුවන් ඉන්දික - KA-8125, 32-9390

8. පී.එස්.විජේසිරි හෙවත් දම්පාල - HR-7619, HN-4098

9. චානක ට - GI-0001

10. නිශ්ශංක ට - GF-0887

වීරවංශගේ කාර්ය මණ්ඩලයට කියා පිටතින් බඳවා ගත් නමුත් ඔවුන්ගේ තනතුරු අනුව වාහනයක් පාවිච්චි කිරීමට අයිතියක් නැතිවද ලබා දී තිබූ අය සහ වාහන මෙසේය. ඒ අය අතර සිංහල රාවයේ නායක ඉත්තෑකන්දේ සද්ධාතිස්ස හිමිද, පී එස් තෙන්නකෝන් නමැති අයද වෙති.

1. ඒ.එන්.එස්. මෙන්ඩිස් - මහජන සම්බන්ධතා සහ වෘත්තීය සමිති ලේකම් - KQ-0976, KA-9447, KP-3768, KD-0158, KQ-9762

2. යූ.ඩී.සංජීව පෙරේරා -මාධ්‍ය ලේකම්/උපදේශක - JO-5953, JE-6557,

3. සිසිර හේරත් - ප්‍රධාන ආරක්ෂකයා (අයිපී) - PC-6171, 252-4908, PC-8430, PF-1277, EA-0260, PE-3626, KD-1494, EA-0004, PF-3770

4. බී.එම්.ජේ.ටී. මෙන්ඩිස් - කළමණාකාර සහකාර - 65-5231, KI-3053, HR-0800, KG-2376

5. ජේ.එච්.ආර්.නයනානන්ද - සම්බන්ධීකරණ ලේකම් - KB-4427, JC-2440, KB-8657, JO-5953, CAB-9727

6. අලගිය හේවගේ සුරේෂ් ඉන්දික - සංවර්ධන සහකාර - 301-2751, HC-2349, JW-3549, KU-9867, 300-2590

7. බී.ජී.ඉන්දික ප්‍රසාද් - ගිණුම් සහකාර - PC-2896, PC-9097

8. ඉෂිකා නදී පෙරේරා - කාර්යාල නිලධාරිනී -JR-5354, 300-5690

9. වෛද්‍ය අචල උපේන්ද්‍ර ජයතිලක - උපදේශක -HC-2048, HI-2658

10. ඉත්තෑකන්දේ සද්ධාතිස්ස හිමි - අධීක්ෂණ මණ්ඩල සාමාජික - GJ-7117, KO-6514, JS-9725, HN-2194, PD-2563, CAC-3327

11. පී.එස් සංජිව තෙන්නකෝන් - අමාත්‍යාංශයේ මාධ්‍ය සම්බන්ධීකාරක - KK-8941

12. දුෂ්මන්ත අබේසිංහ - පාර්ලිමේන්තු ලේකම් - KE-0231, KR-7730, KA-8125, KS-7735

13. සම්පත් තිලකරත්න - ලිපිකරු/වැඩබිම් සම්බන්ධීකරණ ලේකම් - JR-5774, KT-9085, KI-1610, KS-0097, KQ-7961

14. පී. මංජු - අමාත්‍ය මාධ්‍ය ලේකම් - 250-4713, JY-0359

15. රංජිත් එදිරිසිංහ - කළමණාකාර පුහුණු/සම්බන්ධීකරණ ලේකම් - JZ-2669

16. කේ.එල්.එම්. සමරතුංග - පිරිස් කළමණාකරු -HM-6920

17. රංජිත් ගාමිණී වික්‍රමසිංහ - සම්බන්ධීකරණ ලේකම් - KA-6932, GJ-4501, JN-9942

වීරවංශ තම ගැලවිමට කට උත්තර දී ඇත්තේ තමා ලබා දෙන්නේ උපදෙස් පමණක් බැවින් එම උපදෙස් නීතියට අනුකූල වන ආකාරයට ක්‍රියාවට නැංවීම නිලධාරීන් සතු යුතුකමක් ලෙසයි. තම ඥාතීන්ගෙන් සුමනාවතී අක්කාගේ දරුවන් දෙදෙනා තම වැඩ කටයුතු සාර්ථක කර ගැනීම සඳහා ස්වේච්ඡාවෙන් දායක වූ දෙදෙනෙකු යයි වීරවංශ ප්‍රකාශ කර තිබේ. බිරියගේ අක්කාගේ මහත්තයා, නංගීගේ මහත්තයා දෙදෙනා ඇමැති මණ්ඩල කාර්ය මණ්ඩලයේ තනතුරු දැරූ නමුත් ඒ අයට වාහන ලබා දුන් බව තමන් දන්නේ නැතැයිද බාල නංගී ද තමාට සහාය වූ නමුත් වාහනයක් ලබා දී තිබූ බව දන්නේ නැතැයිද වීරවංශ පවසා තිබේ.

වීරවංශට එරෙහිව කිහිප අවස්ථාවකදීම අධිකරණයට කරුණු වාර්තා කරන ලද අතර එහි අවසන් සම්පූර්ණ බී වාර්තාව පසුව ඉදිරිපත් කරන බව දැනුම් දී ඇත. 


නව අදහස දක්වන්න

CAPTCHA
This question is for testing whether or not you are a human visitor and to prevent automated spam submissions.
13 + 5 =
Solve this simple math problem and enter the result. E.g. for 1+3, enter 4.

Or log in with...