Monday, මාර්තු 6, 2017 - 01:00
යාපනය ආරක්ෂක සේනා මූලස්ථානය වෙත පෙරේදා (04) ගිය ජනාධිපති මෛත්‍රීපාල සිරිසේන මහතා එහි හමුදා සාමාජිකයින්ගේ සුවදුක් විමසමින් සුහද හමුවකට එක්විය. යාපනය ප්‍රදේශයේ සේවය කර විශ්‍රාම ලැබූ රණවිරුවන්ට ත්‍යාග පිරිනැමීම ද මෙහිදී ජනාධිපතිතුමා අතින් සිදු විය.
ජනාධිපතිතුමාගේ පැමිණීම සංකේතවත් කරමින් ආරක්ෂක සේනා මූලස්ථානයේ නා පැළයක් රෝපණය කෙරිණි.
මහින්ද සමරසිංහ, දුමින්ද දිසානායක ඇමැතිවරුන් ද ආරක්ෂක මාණ්ඩලික ප්‍රධානී ඇතුළු ත්‍රිවිධ හමුදාපතිවරු ද පොලිස්පතිවරයා ද උතුරු පළාත් ආඥාපති මහේෂ් සේනානායක මහතා ඇතුළු ආරක්ෂක අංශ ජ්‍යෙෂ්ඨ නිලධාරීහු රැසක් ද එම අවස්ථාවන්ට එක්ව සිටියහ. ඡායාරූපය-ජනාධිපති මාධ්‍ය අංශය
නව අදහස දක්වන්න