බ්‍රිතාන්‍ය පාර්ලිමේන්තුවට සයිබර් ප්‍රහාරයක් එල්ල වී ඇතැයි විදෙස් වාර්තා පවසයි.
පාර්ලිමේන්තු මන්ත්‍රීවරුන්ගේ සහ අනෙකුත් විද්‍යුත් ලිපින ගිණුම්වලට පිවිසීමට නොහැකිව ඇති අතර මේ සම්බන්ධයෙන් සිකුරාදා රාත්‍රියේ තොරතුරු වාර්තා වී ඇති නමුදු තම ගිණුම්වලට පිවිසීමට හෝ විද්‍යුත් ලිපින පණිවිඩ ලබාගැනීමට නොහැකි බව පාර්ලිමේන්තු මන්ත්‍රීවරුන් ප්‍රකාශ කර ඇත්තේ.
වෙස්ට්මින්ස්ටර් පාර්ලිමේන්තු විද්‍යුත් ලිපින ගිණුම්වලට සයිබර් ප්‍රහාරයක් එල්ල වී ඇති බවත් හදිසි පණිවිඩ තිබේ නම් කෙටි පණිවිඩයක් යොමු කරන්නැයි ලිබරල් ඩිමොක්‍රටික් පක්ෂයේ ක්‍රිස් රෙනාඩ් ට්විටර් පණිවිඩයක් තබමින් ද සඳහන් කර තිබූ බවයි විදෙස් මාධ්‍ය වාර්තා වැඩි දුරටත් පවසයි.
හැකර්කරුවන් පාර්ලිමේන්තු මන්ත්‍රීවරුන්ගේ සහ නිලධාරීන්ගේ විද්‍යුත් ලිපින ගිණුම්වල රහස්‍ය අංක අන්තර්ජාලයේ විකිණීමට දමා ඇතැයි ද වාර්තා වී තිබූ අතර මේ සම්බන්ධයෙන් කඩිනමින් අවශ්‍ය පියවර ගන්නා බව එරට බලධාරීන් ප්‍රකාශ කර තිබුණි.
පසුගියදා ද රටවල් 150ක පරිගණක පද්ධති 230,000ක් පමණ අකර්මණ්‍ය කරමින් සයිබර් ප්‍රහාරයක් එල්ල වී ඇත.
වෛරසය මගින් ඇමෙරිකාව, එක්සත් රාජධානිය, චීනය, ඉතාලිය, ස්පාඤ්ඤය, තායිවානය, රුසියාව වැනි රටවලට වැඩි හානියක් සිදුවිණ.
නව අදහස දක්වන්න