ඉන්ධන සැපයීම අර්බූධයක | දිනමිණ

ඉන්ධන සැපයීම අර්බූධයක

ඉන්ධන හල් හිමියන්ට ඉන්ධන පෙට්‍රල් ලබා ගැනීමට නොහැකිවීම හේතුවෙන් කොළඹ නගරයත් කොළඹට තදාසන්න ඉන්ධන පිරවුම්හල් තුළත් පෙට්‍රල් හිඟයක් නිර්මාණය වී තිබේ.

මේ අතර කුරුණෑගල හා පේරාදෙණිය ඉන්ධය බෙදා හැරීමේ මධ්‍යස්ථාන තුළ ඉන්ධන අවසන් වී ඇති බවත් සඳහන්ය.

ඉන්දීය තෙල් සමාගම විසින් තත්ත්වයෙන් බාල ඉන්ධන තොගයක් ලංකාවට ගෙන ඒමත් ඒවා රටට ගැනීමට ඛණිජ තෙල් සංස්ථාව  ප්‍රතික්ෂේප කිරීමත් හේතුවෙන් ම හිඟය නිර්මාණය වී ඇත.

පෝය නිවාඩුවත් සමග අද දිනයේදී ඛණිජ තෙල් නීතිගත සංස්ථාවෙන් ඉන්ධන නිකුත් කිරීමක් සිදු නොවුණි.

හෙට දිනයේදී නැවතත් ඉන්ධන නිකුත් කිරීමට නියමිත අතර නැවතත් ඉරිදා නිවාඩු දිනයකි.

මේ අතර ඉන්ධන රැගත් නෞකාවක් එළැඹෙන 08 දා ලංකාවට ළගා වීමට නියමිතය.

එම නැව ළගා වීමෙන් පසුව ඉන්ධන බෙදා හැරීම යථා තත්ත්වයට පත්වීමට අවම වශයෙන් දින දෙකක්වත් ගතවෙනු ඇතැයි වාර්තා වෙයි.


නව අදහස දක්වන්න

Or log in with...