හැම දෙයක්ම මට අලුත් | දිනමිණ

හැම දෙයක්ම මට අලුත්

නැන්සි ග්‍රොස්මන්

‘A world Away’ නමැති සිය පළමු කෘතිය ප්‍රකාශයට පත් කරමින් ජනප්‍රියත්වයට පත් නැන්සි ග්‍රොස්මන්, එම කෘතිය වෙනුවෙන් 2012 වසරේදී හොඳ ම තරුණ නවකතාවට හිමි සම්මානයෙන් පිදුම් ලැබුවා ය. මේ එම කතුවරිය සමඟ, ‘A world Away’ කෘතිය පිළිබඳ Writer’s Digest වෙබ් අඩවිය කළ සාකච්ඡාවක පරිවර්තනයකි.

ඔබගේ ‘A world Away’ කෘතිය පිළිබඳ ප්‍රථමයෙන් ම කතා කළොත්?

මම පෙන්සිල්වේනියාවේ, ලැන්කැස්ටර් හි සංචාරයක යෙදී සිටිද්දි, 16 හැවිරිදි අමීෂ් නමැති ගැහැනු දරුවා මුණගැහුණා. ඒ, ඇය නැනී කෙනකු විදිහට නිවෙසක රැකියාවකට පැමිණ සිටියදීයි. ඇය කිසිදු දැනුමකින් හෝ අත්දැකීමකින් තොරවයි එහි සේවයේ යෙදුනේ. ඇයට කිසිදු ආදරයක් ලැබී තිබුණෙත් නෑ. ඇය මේ ලෝකයේ කෙතරම් හුදෙකලා වී සිටින කෙනෙක් ද කියලා ඒ වෙලාවෙ මට හිතුණා. ඒ සිතුවිලිදාමය තමයි A world Away පොතට පාදක වුණේ.

ඔබ සාමාන්‍යයෙන් ලියන්නේ කොහේ ඉඳන්ද?

මම ජීවත් වෙන්නේ චිකාගෝවල නගරාසන්න නිවෙසක. මම විසිත්ත කාමරයේ ඉඳන්, මගේ ලැප්ටොප් එක භාවිතයෙන් තමා ලිවීම කරන්නේ.

කෙටියෙන් මේ පොතට පාදක වූ සිද්ධිය තව දුරටත් විස්තර කළොත්?

මේ කතාව ලියන්න පෙර මම චිකාගෝවල ඩිපෝල් විශ්වවිද්‍යාලයේ ලේඛනය පිළිබඳ උපදේශකවරියක් ලෙස සේවය කරමින් සිටියා. විශ්වවිද්‍යාලයේ අවශ්‍යතාවකට මම මගේ මිතුරියන් දෙදෙනකු සමඟ පෙන්සිල්වේනියාවේ ලැන්කැස්ටර් හි සංචාරයක යෙදුණා. එහිදී අපි අමීෂ් කියන ගැහැනු දරුවා සිටින නිවෙසට රාත්‍රී භෝජන සංග්‍රහයකට ගියා. එහිදී මට අමීෂ් සමඟ කතා බහ කරන්නට අවස්ථාව ලැබුණා.

ඇය අපට ආහාර පාන ආදියෙන් හොඳට සංග්‍රහ කළා. ඇයගේ ක්‍රියා පිළිවෙත් මෙහිදී මට හොඳින් නිරීක්ෂණය වුණා. මේ සංචාරය අවසානයේදී මට ඇය මගේ හිතින් අමතක කරන්න නොහැකි වුණා. ඇය කොහොමද ලෝකය අතරට ගෙන යන්නෙ කියා මගේ හිත වද වුණා. අවසානයේදී ඒ සිතුවිල්ල තමා මගේ මේ පොත මඟින් එළි දුටුවේ. එම සිතුවිල්ල මගේ පළමු නවකතාව බවට පත් වුණා.

මේ පොත ලිවීමේ කාල රාමුව කුමක්ද?

ඒක ඇත්තටම උත්තර දෙන්න අමාරු ප්‍රශ්නයක්. මගේ දුවට වයස අවුරුදු 4 දී මම පොතක් ලියන්න ගත්තා . ඒත්, එය ප්‍රකාශයට පත් වුණේ ඇයට වයස අවුරුදු 21 දී. ඒ කාලය අතරතුර බොහෝ දේ සිදු වුණා. මට වයස අවුරුදු 4 සහ 7 දරුවන් දෙදෙනෙක් සිටියා. ඒ කාලයෙදි මම ඩිපෝල් හි උගන්වමින් සිටියේ. ලිවීම කියන්නේ ඉතා වටිනා,ඒ වගේ ම උසස් දෙයක්. එය නිකන්ම නිකන් දෙයක් නෙමෙයි. එසේ මෙසේ කළ නොහැකි දෙයක්. ඒත්,මගේ මේ පෞද්ගලික ජීවිතය හා රැකියාව නිසා, ලිවීමට කැපවෙලා කටයුතු කරන්න බැරි වුණා කියන දේ මං පිළිගන්නවා. මේ නිසා, ලිවීම කළේ ඉතා හෙමින්.

මේ ආකාරයට හෙමින් හෙමින් පැමිණි ගමනේදී, අවුරුදු 10ක් විතර ගියාට පස්සේ මං අධෛර්යයට පත් වුණා. මං අත්පිටපත් ඉවත් කළා. ඒ වසර දෙකක විතර කාලයක් තුරාවට.

අනතුරුව මට අවස්ථාව හිමි වුණා රග්ඩාල් චිත්‍ර ශිල්පි ජනපදයේ නිවෙසක පදිංචියට යන්න. එය මගේ ජීවිතේ ලැබුණු වාසනාවක්. එහි ගොස් සති දෙකක ඇවෑමෙන් මං නැවතත් පිරිපුන් ලේඛකයෙක් බවට පත් වුණා. ඒ වනවිට පිටු 190ක් ලියා තිබූ පිටපතක පිටු ගණන ඉතා වේගයෙන් 300ක් දක්වා වර්ධනය වුණා. විවිධාකාර චරිත මගේ ලේඛන ජීවිතයට ළඟා වුණා.

ඒ වනවිට මම ඩිපෝල් විශ්වවිද්‍යාලයේ පූර්ණ කාලීන නි‍යෝජ්‍ය අධ්‍යක්ෂවරියක ලෙස ගෞරව උපාධි වැඩසටහනකට සම්බන්ධ වී සිටියා. ඒත්,මට මේ කිසිම දෙයක්, ලිවීම මඟහරින්න හෝ අතපසු කරන්න සමාවක් නොදෙන කාරණා බවට පත් වුණා . මට ශක්තිය තව තවත් ලැබුණා. දිගටම ලිවීම කළා. ඒ පැමිණි ගමන් මඟ තමා මේ.

ඔබ කොහොමද නියෝජිතයන් සොයා ගන්නේ? ඔබගේ නියෝජිතයා කවුද?

රග්ඩේල් ජනපදයේදී මට හමු වූ ලේඛකයකුගේ මිතුරකු, මගේ පොත් කෙරෙහි උනන්දුවකින් පසුවන බව මට වැටහුණා. පසුව ඔහු තමා මගේ නියෝජිතයා වුණේ. මම මගේ අත්පිටපත් ඔහු වෙත ‍යවනවා. ඊට අමතරව මට නියෝජිතවරියක් සිටිනවා . ඇය මට එක්තරා දිනෙක කතා කර කිව්වා ‘මම ඔයාගේ පොත්වලට හරි ම ආසයි’ කියලා. මගේ නි‍‍යෝජිතයන් හමු වුණේ ඒ විදිහටයි.

ප්‍රකාශන ක්‍රියාවලිය පුරාම ඔබගේ විශාලතම ඉගෙනුම් අත්දැකීම සහ පුදුම සහගත දේ මොනවද?

ලේඛන කලාව තුළ මං උපදේශකවරයෙක් විදිහට කටයුතු කළත්, මට මගේ පොත්වල නැවත සිදු කළ යුතු සංශෝධන පිළිබඳ මනා දැනුමකින් මා පසු වෙනවා. මගේ පිටපත්වලත් බොහෝ සංශෝධන තිබෙනවා. මගේ නියෝජිතයන් සමඟ තව දුරටත් සංශෝධනය කරනවා. ඒ නිසා මා සිතූ දේ මුළුමනින්ම ඔසොවා ගත් අත්පිටපතක් කර්තෘවරයකු අතට පත් වූ පසු , බොහෝ පරිමාණ සංශෝධන ගණනාවක් හරහා යාමට සිදු වෙනවා. එලෙස මං නැවත ලියන ලද අවස්ථාවකදී මගේ සොහොයුරිය ‘ඇය තවමත් අමීෂ් ද?’ යනුවෙන් මගෙන් විමසුවා. අත්පිටපත්වල කෙතරම් සංශෝධන තිබෙනවාද? ඒවාට සංශෝධන අවශ්‍යද? කියලා එදා මං පුදුමයට පත් වුණා. මේ විදිහට පොතක් වෙළෙඳ පොළට ගැනීමට කොතරම් කාලයක් ගත වෙනවාද? කියන දේ මා පුදුමයට පත් කරනවා. ඒ හැම දෙයක්ම මට අලුත් අත්දැකීම්.

ලිවීම හරහා ඔබ ජනප්‍රියත්වයට පත් වීම හැර, මිනිසුන් ඔබ හඳුනන ඔබගේ ජීවිතයේ වෙනත් කාර්ය තිබෙනවාද?

ඔව්. මං සමාජ සේවිකාවක්. ඒ හරහා ‍බොහෝ මිනිසුන් මා හඳුනනවා. මං ඒ භූමිකාව තුළ උපරිම සේවයක් සිදු කරනවා.

යශෝදා ඉන්දීවරී


නව අදහස දක්වන්න

CAPTCHA
This question is for testing whether or not you are a human visitor and to prevent automated spam submissions.
Image CAPTCHA
Enter the characters shown in the image.

Or log in with...