ඇමති සාගල නීතිය හා සාමයෙන් ඉවත්වීමේ තීරණයක | දිනමිණ

ඇමති සාගල නීතිය හා සාමයෙන් ඉවත්වීමේ තීරණයක

නීතිය සහ සාමය පිළිබද අමාත්‍ය සාගල රත්නායක සිය ධුරයෙන් ඉවත්වීමට තීරණය කර ඇතැයි සිය නිල ෆේස් බුක් ගිණුම ඔස්සේ සටහනක් තබමින් පවසයි.

ඔහු පවසන්නේ, පක්ෂයේ යහපත වෙනුවෙන් තමන්ට කළ හැකි උපරිමය කිරීමට සූදානම් බවයි.

මේ ඔහුගේ  නිල ෆේස් බුක් ගිණුමේ සදහන් සටහන පහත පරිදිය.

නීතිය සහ සාමය භාර අමාත්‍යවරයා වශයෙන් කටයුතු කිරීමට මගේ බලාපොරොත්තුවක් නැති බව පක්ෂයේ පාර්ලිමේන්තු කණ්ඩායමට මීට සුළු මොහොතකට පෙර දැනුම් දුන්නා.

එක්සත් ජාතික පක්ෂය වෙනුවෙන් ඕනෑම තනතුරක් පරිත්‍යාග කිරීමට මා පසුබට නොවන අතර පක්ෂයේ යහපත වෙනුවෙන් මට කළ හැකි උපරිමය කිරීමට සූදානම් බවත් අග්‍රාමාත්‍යතුමාට අද උදෑසන දැනුම් දුන්නා.

මෙය මේ මොහොතේ පක්ෂය ශක්තිමත් කිරීම සඳහා මා විසින් ගනු ලබන පුද්ගලික තීරණයක් වන අතර පක්ෂයට මගේ ඇති පක්ෂපාතිත්වය එලෙසම ශක්තිමත්ව පවතින බවත්, පක්ෂ නායකත්වය විසින් ලබා දෙන ජනතාවට සේවය කළ හැකි වෙනත් ඕනෑම වගකීමක් නොපිරිහෙලා ඉටු කිරීමට සුදානම් බවත් මා වැඩිදුරටත් මන්ත්‍රී කණ්ඩායමට දැනුම් දුන්නා.

 

 


නව අදහස දක්වන්න