Thursday, පෙබරවාරි 23, 2017 - 08:15
තනි තරුවක් වටා පරිභ්‍රමණය වන පෘථිවියට සමාන ග්‍රහ ලෝක 07ක් සොයා ගැනීමට නාසා ආයතනයේ තාරකා විද්‍යාඥයින් සමත්වී තිබේ.
විදෙස් පුවත් වාර්තා උපුටා දක්වමින් එම වාර්තා පවසන්නේ ඒ අතුරින් මිනිස් වාසයට වඩා සුදුසු ග්‍රහ ලෝක ඇත්තේ තුනක් පමණක් බව විද්‍යාඥයින්ගේ අදහස වන බවයි.
මෙම පර්යේෂණයට එක්වූ බෙල්ජියම් හි ලීග් විශ්වවිද්‍යාලයේ මිෂෙල් ගිලන් විසින් බී.බී.සී මාධ්‍යයට අදහස් දක්වමින් පවසා ඇත්තේ බ්‍රහස්පති ග්‍රහයා වන චන්ද්‍රයන් පිහිටා ඇති පරිද්දෙන් මෙම ග්‍රහ ලෝක එකිනෙකට සමීපව පිහිටා ඇති බවයි.
මෙම ග්‍රහලෝක හතම ප්‍රමාණාත්මකව කුඩා වන මෙන්ම සිසිල් ගතියක් පෙන්වන බැවින් එහි ජලය මෙන්ම යහපත් දේශගුණික තත්ත්වයක් පවතිනු ඇතැයි අපේක්ෂා කළ හැකි බව හෙතෙම පෙන්වාදී තිබේ.
නව අදහස දක්වන්න