මේ රජය බලයට පත් වු පසු දුෂ්කර ප්රදේශවල තිබෙන වෙහෙර විහාරස්ථාන ගොඩ නඟන්න වැඩපිළිවෙළක් ක්රියාත්මක කළා. ඒ සම්බන්ධයෙන් අනවශ්ය ප්රචාර නොමැති නිසා බොහෝ දෙනා ඒ බව දන්නේ නැ. යැයි අධිකරණ හා බන්ධනාගාර ප්රතිසංස්කරණ ඇමැතිනී නීතිඥ තලතා අතුකෝරළ මහත්මිය පැවැසුවාය.
ඇමැතිනිය මේ අදහස් පළ කළේ ගම්පෙරළිය සංවර්ධන යෝජනා ක්රමය යටතේ බලංගොඩ, රාස්සගල, බුලත්ගම රතනපාල පිරිවෙන් ප්රාකාරයට මුල්ගල තැබීමේ අවස්ථාවට එක් වෙමිනි.
එහි දී වැඩිදුරටත් අදහස් දැක් වු ඇමැතිනිය මෙසේ ද සඳහන් කළාය.
කෙනකු බලය ලබාගැනීමට පන්සල පාවිච්චි කරනවා නම් එය ඉතා වැරැදි ක්රියාවක්. මම හිතනවා මට ඉන්න නායකයන් දෙන්නා ධර්මයෙන් ජීවිතය හැඩ ගසා ගත්තා මිසක් ආගම පාවිච්චි කර දේශපාලනයේ නියැලී මල් වට්ටි අරන් පන්සලක් ගානේ යන අය නෙවෙයි. පන්සලට ඇවිල්ලා දේශපාලනය කතා කරන අය නෙවෙයි මට ඉන්න නායකයන්. අපි ඒක ගැන බොහොම ගෞරවයෙන් කතා කරනවා. අපිට ඒක ගැන ලොකු ආඩම්බරයක් තිබෙනවා.
2015 ජනවාරි මස 08 වෙනි දින මේ රජය බලයට පත් වු පසු මේ රටේ දුෂ්කර ප්රදේශවල තිබෙන වෙහෙර විහාරස්ථාන ගොඩ නඟන්න වැඩ පිළිවෙළක් ක්රියාත්මක කළා. ඒ සම්බන්ධයෙන් අනවශ්ය ප්රචාර නොමැති නිසා ගොඩක් අය දන්නේ නෑ. ගම්වල තිබෙන දුෂ්කර විහාරස්ථාන පිළිබඳව අවධානය යොමු කළේ වත්මන් ජනාධිපතිවරයාගේ අගමැතිවරයාගේ නායකත්වය යටතේ ඒ සඳහා 2016 වසරේ විහාරස්ථාන 1200කටත් 2017 වසරේ විහාරස්ථාන 1000කටත් ආධාර ලබා දුන්නා. උපකාර කළා. ඒ සඳහා සියලු මුදල් යෙදෙව්වේ මධ්යම සංස්කෘතික අරමුදලින්. එම අරමුදලේ මුදල් මීට පෙර සමහර අයගේ පුද්ගලික බූදල්බවට පත් වෙලා තිබුණා. ඒකේ තිබෙන සතයක්වත් මේ රටේ මුදල් නෙවෙයි. අපේ රටට පැමිණෙන විදේශිකයන් අපේ පුරා විද්යා ස්ථාන වන සීගිරිය, දඹුල්ල, අනුරාධපුර. පොලොන්නරුව වගේ විහාරස්ථාන නරඹා ගෙවන ඩොලර් තමයි මධ්යම සංස්කෘතික අරමුදලේ මුදල් බවට පත් වුණේ. ඒවා අපි විහාරස්ථාන ගොඩනඟන්න යෙදෙවුවා. නමුත් පන්සල දේශපාලනයට යොමු කරන වැඩපිළිවෙළකට යොමු වුණේ නෑ.
නව අදහස දක්වන්න