ශ්රී ලංකාවේ කුරුඳු අපනයන ක්ෂේත්රයේ කීර්තිමත් සමාගමක් වන නිහාල් ශාන්ත සහ පුත්රයෝ සමාගමේ හිමිකරු නිහාල් ශාන්ත මහතා කුළු බඩු අපනයන ක්ෂේත්රයේ නැඟී එන ව්යාපාරිකයාට හිමි අපනයන විශිෂ්ටතා ජනාධිපති සම්මානයෙන් පිදුම් ලැබීය. අපනයන විශිෂ්ටතා ජනාධිපති සම්මාන උළෙල ජනාධිපති මෛත්රිපාල සිරිසේන මහතාගේ ප්රධානත්වයෙන් කොළඹ බණ්ඩාරනායක සම්මන්ත්රණ ශාලාවේදී උත්කර්ෂවත් ලෙස පැවැත්විණි. ජාත්යන්තර වෙළෙඳ කටයුතු පිළිබඳ රාජ්ය ඇමැති සුජීව සේනසිංහ මහතා අතින් නිහාල් ශාන්ත මහතා සම්මානය ලබා ගත්තේය.
1983 දී පමණ පාසල් යන අවධියේදීම සිය පියාගේ මඟ පෙන්වීම යටතේ කුරුඳු ව්යාපාරයට සම්බන්ධ වූ නිහාල් ශෘන්ත මහතා වර්තමානයේදී දකුණු පළාතේ ප්රමුඛ කුරුඳු අපනයනකරුවකු බවට පත්වී ඇත. පාසල් අධ්යාපනය නිම කර වසර 13ක පමණ කාලයක් නාවික හමුදාවේ සේවය කිරීමෙන් පසුව නැවත කුරුඳු ව්යාපාරයට පිවිසි නිහාල් ශාන්ත මහතා සුළු පරිමාණයෙන් ආරම්භ කර වර්තමානයේදී සිය ව්යාපාරය ශ්රී ලංකාවේ ප්රධාන කුරුඳු අපනයන සමාගමක් බවට පත්කර ඇත. මේ වන විට ඔහු ඇමරිකා එක්සත් ජනපදයට මෙන්ම දකුණු ඇමරිකානු හා යුරෝපා රටවලටද කුරුඳු අපනයනය කරයි. ‘ මම මේ ව්යාපාරය පටන් ගත්තේ බිංදුවේ ඉඳන්. අපගේ ආයතනය මේ මට්ටමට දියුණු කරන්න මට මගේ පවුලේ අයගෙන්, මිත්රයන්ගෙන්, සේවකයන්ගෙන් වගේම බැංකු හා මූල්ය ආයතනවලින් විශාල සහයෝගයක් ලැබුණා. ඒ වගේම ජී. පී. ද සිල්වා සමාගමේ රවී සිල්වා මහතා ලබා දෙන සහයෝගය ඉතා අගය කළ යුතුයි. කොළඹ සමාගම් අතර තිබුණ කුරුඳු අපනයන ඒකාධිකාරය දකුණු පළාතට ගේන්න මුල් වුණේ රවි සිල්වා මහතා.‘ සිය ජයග්රාහී ගමන් මඟ පිළිබඳ නිහාල් ශාන්ත මහතා එලෙස පවසයි. හොඳ විනයකින් හා දැඩි කැපවීමකින් යුතුව අනුකරණය කිරීමකින් තොරව උත්සාහයෙන් වැඩ කිරීමෙන් දෙස් විදෙස් කීර්ති නාමයක් සහිත පාරිභෝගික විශ්වාසය ඉහළින්ම දිනූ ශක්තිමත් ව්යාපාරයක් ගොඩනැඟීමට තමන්ට හැකි වූ බව නිහාල් ශාන්ත මහතා වැඩි දුරටත් පවසයි.
නව අදහස දක්වන්න