මධ්යම පළාත් කර්මාන්ත අමාත්යංශයේ කර්මාන්ත සංවර්ධන සහ ව්යවසාය ප්රවර්ධන දෙපාර්තමේන්තුව සංවිධානය කළ Star Award 2018 සම්මාන උළෙලේදී කිත්ශ්රී බ්රයිඩ්ල් ඇන්ඩ් බියුටි සැලෝන් පෞද්ගලික සමාගමේ කළමනාකාර අධ්යක්ෂ ඩී. කේ. දිසානායක මහතා සුළු පරිමාණ අංශයේ, සේවා කාණ්ඩයේ ව්යවසාය විශිෂ්ටතා තරු සම්මානයෙන් පිදුම් ලැබීය. සම්මාන උළෙල මධ්යම පළාත් මහ ඇමැති සරත් ඒකනායක මහතාගේ ප්රධානත්වයෙන් මහනුවරදී උත්කර්ෂවත් ලෙස පැවැත්විණි.
රූපලාවණ්ය ක්ෂේත්රයේ වසර 20ක අත්දැකීම් සහිත කිත්ශ්රී දිසානායක මහතා කටු චිකිත්සාව සහ රූපලාවණ්යය පිළිබඳ ආචාර්ය උපාධිධරයෙකි. එසේම ඔහු දේශමාන්ය, විශ්වකීර්ති සහ ලංකාපුත්ර යන ගෞරව නාමවලින්ද පිදුම් ලබා ඇත. කිත්ශ්රී බ්රයිඩ්ල් ඇන්ඩ් බියුටි සැලෝන් පෞද්ගලික සමාගම මනාලියන් හැඩ ගැන්වීම සහ ඒ ආශ්රිත සියලුම සේවා සපයයි. කොණ්ඩ කැපීම, කොණ්ඩ මෝස්තර, වර්ණ ගැන්වීම, ස්ට්රෙට් කිරීම, ක්රේල් කිරීම, රිලැක්ස් කිරීම, ෆේෂල්, මෙනිකි්යු, පෙඩිකි්යු ආදී කොණ්ඩය, සම සහ නිය ආශ්රිත සියලුම රූපලාවණ්ය කටයුතු කිත්ශ්රී බ්රයිඩ්ල් ඇන්ඩ් බියුටි සැලෝන් වෙතින් සිදු කර ගත හැකිය. රූපලාවණ්ය කටයුතු සඳහා කිත්ශ්රී හර්බ් සන්නාමයෙන් දේශීය ශාක සාර භාවිත කර සකස් කරන ආයුර්වේද නිෂ්පාදන යොදා ගැනීම සුවිශේෂත්වයකි. කෙස් කළඹ පෝෂණය කරමින්, දිදුලන කළු පැහැයක් ලබා දෙමින්, හිස් හොරි මර්දනය කරමින්, ඝනකම වැඩි කරන උළු හාල් ෂැම්පු, කෙස් කළඹට අවශ්ය සියලුම පෝෂණය සපයමින්, නිරෝගි බව ඇති කරන හෙයාර් ස්පා, හිස් කබලට අවශ්ය පෝෂණය සපයමින්, තෙතමනය ආරක්ෂා කරමින්, මනා සුවයක් ගෙනෙන හෙයාර් සේරම් කිත්ශ්රී හර්බ් ආයුර්වේද නිෂ්පාදන අතර ප්රමුඛ වේ. කෘතිම රසායන ද්රව්යවලින් කෙස් කළඹට සහ සමට හානි නොවන ලෙස රූපලාවණ්ය සේවා සපයමින් රූපලාවණ්ය ක්ෂේත්රයේ කීර්ති නාමයක් දිනා ඇති කිත්ශ්රී බ්රයිඩ්ල් ඇන්ඩ් බියුටි සැලෝන් අංක 90D, දිඹුල පාර, හැටන් යන ලිපිනයේ පිහිටා ඇත. එසේම කිත්ශ්රී රූපලාවණ්ය ඇකඩමිය විසින් රූපලාවණ්ය පාඨමාලා පවත්වනු ලබයි.
නව අදහස දක්වන්න