පළාත් කිහිපයකට පස්වරුවේත් තද වැසි | දිනමිණ

පළාත් කිහිපයකට පස්වරුවේත් තද වැසි

මධ්‍යම, සබරගමුව, ඌව, උතුර සහ උතුරුමැද පළාත්වල ඇතැම් ස්ථානවලට අද (18) පස්වරුවේ මිලිමීටර 100 ඉක්මවූ තද වැසි බලාපොරොත්තු වන බව කාලගුණ විද්‍යා දෙපාර්තමේන්තුව පවසයි.

                                        මහජනයා සඳහා කාලගුණ අනාවැකිය

                   2018 නොවැම්බර් මස 18දින මධ්‍යහන 12.00 ට නිකුත් කරන ලදි

දිවයින ආසන්න පහළ වායුගෝලයේ පවතින කැළඹිලි ස්වභාවය හේතුවෙන් දිවයින පුරා වැසි තත්ත්වයේ වැඩිවීමක් ඉදිරි දිනවලදී බලාපොරොත්තුවේ.

උතුර, නැගෙනහිර, උතුරු-මැද සහ ඌව පලාත්වල විටන් විට වැසි හෝ ගිගුරුම් සහිත වැසිඇති වේ.

සෙසු පළාත්වල සවස 2.00 න් පමණ පසු වැසි හෝ ගිගුරුම් සහිත වැසිඇති වේ.

මධ්‍යම,සබරගමුව, ඌව,උතුර සහ උතුරු-මැද පළාත්වල ඇතැම් ස්ථානවලට මි.මී. 100ටවැඩි තද වැසි ද ඇති විය හැක.

මධ්‍යම, සබරගමුව සහ බස්නාහිරපළාත්වල සමහර ප්‍රදේශවල උදෑසන කාලයේදී මීදුම් සහිතතත්ත්වයක් ඇති විය හැක.

ගිගුරුම් සහිත වැසි ඇති වන විට එම ප්‍රදේශවල තාවකාලිකව තද සුළං ඇති විය හැක.අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.

                         ඉදිරි පැය 24 සඳහා දිවයින වටා ඇති මුහුදේ කාලගුණ තත්ත්වය

                        2018 නොවැම්බර් මස 18දින මධ්‍යහන 12.00 ට නිකුත් කරන ලදි

පොතුවිල් සිට ත්‍රිකුණාමලය සහ මුලතිව් හරහා කන්කසන්තුරය දක්වා වෙරළට ඔබ්බෙන් වන මුහුදු ප්‍රදේශවල විටන් විට වැසි හෝ ගිගුරුම් සහිත වැසි ඇති වේ. මෙම මුහුදු ප්‍රදේශවලසමහර ස්ථාන වලට තද වැසි හෝ ගිගුරුම් සහිත වැසි ඇති විය හැක.

දිවයින වටා වන සෙසු මුහුදු ප්‍රදේශවල සවස් කාලයේදී හෝ රාත්‍රි කාලයේදී වැසි හෝ ගිගුරුම් සහිත වැසි ඇති විය හැක.

මඩකලපුවසිටත්‍රිකුණාමලය සහ කන්කසන්තුරය හරහා මන්නාරම දක්වා මුහුදු ප්‍රදේශවලසුළං ඊසාන දෙසින් හමන අතර සුළගේ වේගය පැ.කී.මී. 15-30 පමණ වේ.

සෙසු මුහුදු ප්‍රදේශවල සුළං බස්නාහිර දෙසින් හෝ නිශ්චිත දිශාවකින් තොරව හමන අතරසුළගේ වේගය පැ.කී.මී. 10-20 පමණ වේ.

ගිගුරුම් සහිත වැසි ඇති වන විට එම ප්‍රදේශවල තාවකාලිකව තද සුළං ඇති විය හැකි අතර එවිට එම මුහුදු ප්‍රදේශ තාවකාලිකව රළු විය හැක.

නව අදහස දක්වන්න