පානදුර , පිංවල රජයේ ඉඩමේ පදිංචි විසි හැවිරිදි කාවින්ද නිරෝෂාන් අද ඇඳටම සීමා වු රෝගියෙකු බවට පත්ව ඇත්තේ මීට වසරකට පමණ පෙර සිදු වූ හදිසි අනතුරක් හේතුවෙනි . ඒ ඔහු උදැසන රැකියා ස්ථානය වෙත මිතුරෙකු සමඟ යතුරුපැදියෙන් ගමන් කරමින් සිටියදී විදුලි කණුවක ගැටීමෙන් හිස පිටුපසට සිදු වූ හානිය හේතුවෙනි . පානදුර , වෑකඩ බෞද්ධාලෝක විද්‍යාලයෙන් අපොස සා.පෙළ දක්වා අධ්‍යාපනය ලැබූ කාවින්ද විදුලි කාර්මික ශිල්පියෙකු ලෙස රැකියාව කළ අතර සිදු වූ අනතුරෙන් එදා සිටම පසු වූයේ කෝමා තත්ත්වයෙනි . මේ වන විට ඔහුගේ අතපයවල සුළු ක්‍රියාකාරීත්වයක් තිබෙන බව මවුපියෝ කියති . ඔහුට ආහාර ලෙස ලබා දෙන්නේ අයිසොකැල් පවුඩර් නැමති ඉතා මිල අධික පිටි වර්ගයක් වන අතර ඉන් එක පැකට්ටුවක් සදහා රුපියල් 2350 .00 ක මුදලක් වැය වෙන බව ඔවුහු කියති . මාසයකට ඉන් 05ක් පමණ අවශ්‍ය වන බවත් ඔහුට අවශ්‍ය බේත්හේත් අනිකුත් දෑ සදහාද විශාල මුදලක් වැය කිරීමට සිදුව ඇති බැවින් ඒ සදහා උදවුකළ හැකිනම් එය විශාල පුණ්‍යකර්මයක් වනු නියතය.
නව අදහස දක්වන්න