ඉදිරි මැතිවරණයට ශක්තිමත් සන්ධානයක් වශයෙන් ඉදිරිපත් විම සඳහා ජාතික ප්රජාතන්ත්රවාදී පෙරමුණ බිහි කිරීමට අගමැති රනිල් වික්රමසිංහ මහතා ගෙන ආ යෝජනාව එක්සත් ජාතික පක්ෂයේ කෘත්යාධිකාරී මණ්ඩලය ඊයේ (21) අනුමත කෙළේය.
පක්ෂයේ නායක අගමැති රනිල් වික්රමසිංහ මහතාගේ ප්රධානත්වයෙන් සිරිකොත පක්ෂ මූලස්ථානයේදී කෘත්යාධිකාරි මණ්ඩලය ඊයේ හවස පහට රැස් වුයේ පාර්ලිමේන්තුවේදී අතුරු සම්මත ගිණුම ජන්ද 102 කින් සම්මත කර ගැනීමෙන් අනතුරුවයි.
පසුගියදා ඇති වූ අර්බුදකාරී තත්ත්වයේ දී ප්රජාතන්ත්රවාදය සඳහා සටන් වැදීමට එක් වූ සියලුම බලවේගයන් මේ සන්ධානයට එක් වීමට නියමිතය.
නව සන්ධානයේ ව්යවස්ථාව පිළිබඳ සාකච්ජා කිරිම සඳහා එම සියලුම බලවේගයන්ගේ නියෝජිතයින් මෙම 27 වැනි දා රැස්වීමටද තීරණය විය.
ඉදිරි වර්ෂය සඳහා පක්ෂයේ නායක වශයෙන් රනිල් වික්රමසිංහ මහතාද, නියෝජ්ය නායක වශයෙන් සජිත් ප්රේමදාස මහතාද උප නායක වශයෙන් රවි කරුණානායක මහතාද කටයුතු කිරීම සඳහා කෘත්යාධිකාරි මණ්ඩලයේ අනුමැතිය හිමි විය.
පක්ෂයේ සෙසු නිලතල පත් කිරීමේ වගකීම නායක රනිල් වික්රමසිංහ මහතාට පැවරුණු අතර ඉදිරියේදී එම තනතුරු සඳහා සුදුස්සන් නම් කෙරෙන බව ඒ මහතා කෘත්යාධිකාරී මණ්ඩලයට දැනුම් දුන්නේය.
පස්වරු හයට රාජ්ය සහ නියෝජ්ය අැමැතිවරුන් දිවුරුම් දීම සඳහා ජනාධිපති ලේකම් කාර්යාලයට යෑමට නියමිතව තිබු බැවින් කෘත්යාධිකාරි මණ්ඩල රැස්විම ඉතා කෙටි වේලාවකට සීමා විය.
නව අදහස දක්වන්න