උඳුවප් පුන් පොහොයත් සමඟ මෙසේ ඇරඹුෙණ් සිරිපා කරුණා කරන සමයයි. ලක් ලෝ වාසි සියලු බෞද්ධ බැතිමතුන් වසරකට වතාවක් අප මහා ගෞතමයාණන් වහන්සේගේ ශ්‍රී පාද පද්මය වන්දනා කරන්නට යන්නේ අතිමහත් භක්තියෙනි. එසේ සිරිපා වන්දනාවේ යන ඔබ අතැති ප්ලාස්ටික්, පොලිතින් වැනි නොදිරන අපද්‍රව්‍ය අදාළ ස්ථානවලට දැමීමට කාරුණික වන්න. ශ්‍රී පාද ස්ථානයට යන මග දෙපසත් අවට ප්‍රදේශයත් අපවිත්‍ර නොකිරීමට මතක තබාගන්න. විශේෂයෙන් ඔබ ඔබගේ හැසිරීම පිළිබඳවත් සැලකිලිමත් වන්න. යහපත් ආකල්පවලින් හෙබි අයෙකු සේ හැකි සෑම විටම කටයුතු කරන්න. තවකෙකුට ආදර්ශයක් ගත හැකි වනසේ ක්‍රියා කරන්න. ඔබ නිවැරදි වූ තැන ඔබ දෙස බලා කටයුතු කරන සියල්ල ද නිවැරදි පිරිසක් බවට පත් වේවි. ඔබ ගමන් කරන්නේ කුමක් සඳහා ද යන්න නිතරම සිහිපත් කරගන්න. ඔබ නිවැරදි වූ තැන අන් සියලු දෙනාත් ශ්‍රී පාද අඩවියත් සුන්දර ස්ථානයක් බවට පත්වනවා නොඅනුමානය.
පී.එම්. දීපිකා ප්‍රියදර්ශනී
සන්නිවේදන අධ්‍යයන පීඨය
නැගෙනහිර විශ්වවිද්‍යාලය
ත්‍රීකුණාමල මණ්ඩපය
නව අදහස දක්වන්න