ආර්ථික අගහිඟකම් පසෙකලා රටට ගෞරවය හිමිකර දෙමින් ක්රීඩාවේ නියැලෙන දක්ෂ ක්රීඩක ක්රීඩිකාවන් වෙනුවෙන් මෙරට දිස්ත්රික්ක 25ට ක්රීඩා ගම්මාන 25ක් ඇති කිරීමට කඩිනමින් පියවර ගන්නා බව නිවාස, ඉදිකිරීම් හා සංස්කෘතික කටයුතු ඇමැති සජිත් ප්රේමදාස මහතා පැවසීය.
ශ්රී ලංකාවට ඉමහත් ගෞරවයක් අභිමානයක් ලබා දෙමින් ක්රීඩාවේ යෙදෙන ක්රීඩක ක්රීඩිකාවන් සඳහා මෙම මහඟු කාර්යය ඉටු කිරීම ලබන මස වනවිට ආරම්භ කරන බවත් අමාත්යවරයා වැඩිදුරටත් ප්රකාශ කළේ ය.
බර ඉසිලීමේ තරගවලින් ජාතික හා ජාත්යන්තර ජයග්රහණ රැසක් අත්කර ගත් දොන් කවින්ද රන්සිළු ජයතිලක ක්රීඩකයාට නිවසක් පරිත්යාග කිරීමේ අවස්ථාව ඊයේ (10) බත්තරමුල්ලේ පිහිටි නිවාස, ඉදිකිරීම් හා සංස්කෘතික කටයුතු අමාත්යාංශයේ පැවැති මාධ්ය හමුවේ දී අමාත්යවරයා මේ බව කියා සිටියේ ය.
මෙහිදී වැඩිදුරටත් අදහස් දැක්වූ අමාත්යවරයා මේ බව ද කීය.
ජාත්යන්තර ජයග්රහණ රැසක් අත්කර ගත් නිවාස නොමැති අති දක්ෂ ක්රීඩක ක්රීඩිකාවන්ට නිවාස ලබාදීම අද ඇතැම් කණ්ඩායම්වල සමච්චලයට ලක් වී තිබෙවා. පසුගිය රජය සමයේ පාලකයන්ගේ පවුලේ පරපුරට කුණු කොල්ලයට නිවාස බෙදා ගන්නා විට එය කිසිවකුගේ සාකච්ඡාවටත් සමච්චලයටත් ලක් නොවීම කනගාටුදායක තත්ත්වයක්.
ජාත්යන්තර පදක්කම් 52ක් ලබාගත් කවින්ද රන්සිළු ජයතිලක වැනි උපරිම දක්ෂතාවන් දක්වන ක්රීඩක ක්රීඩිකාවන් පසුගිය කාලයේ කිසිදු ඇගයීමකට ලක් නොවීම පිළිබඳ කනගාටු වෙනවා. ජාත්යන්තර ජයග්රහණ ලබා ගනිමින් රටට කීර්තිය ලබාදීමට වෙහෙස වන සෑම ක්රීඩක ක්රීඩිකාවකටම ලබාදිය යුතු ශක්තිය සහ ඇගයීම නිවාස,ඉදිකිරීම් හා සංස්කෘතික කටයුතු අමාත්යාංශය ලබාදීමට කටයුතු කරනවා.
රාජ්ය සම්පත්,රාජ්ය දේපල ලැබිය යුතු සුදුස්සන්ට ලබාදීම අපගේ දේශප්රේමිත්වයයි. මහා භාණ්ඩාගාරයේ මුදලින් සහ ජනතා මුදලින් ඉදිකරනු ලබන නිවාස කිසිවිටක තම පවුල් පරපුර වෙනුවෙන් බෙදා නොගන්නා බව තමා නිවාස අමාත්යවරයා ලෙස තරයේ ම ප්රකාශ කරනවා.
ජනාධිපතිතුමාගේ සහ අගමැතිවරයාගේ පූර්ණ ආශීර්වාදයත් මගේ මඟ පෙන්වීමත් යටතේ අද මේ කටයුත්ත සිදු කරනවා. දේශීය සහ ජාත්යන්තර ජයග්රහණ රැසක් ලබාදුන් කවින්ද රන්සිළු ක්රීඩකයාට මිලියන 3ක් වටිනා මහල් නිවසක් පරිත්යාග කරනවා. අපේ රටට ලබාදුන් ඉමහත් ගෞරවයත් අභිමානයත් වෙනුවෙන් තමයි එතුමාට ඒ පරිත්යාගය ලබා දුන්නේ. ඉදිරියේ දී ජයග්රහණ රැසක් ලබා දීමට අවශ්ය ධෛර්යයට මේක උත්තේජකයක් වෙයි කියා සිතනවා. වර්තමානයේ එතුමා කුලී නිවසක ජීවත් වෙමින් තම ක්රීඩා කටයුතු සිදු කරන මොහොතක මෙවැනි පරිත්යාගයක් කිරීමෙන් ක්රීඩා කටයුතුවලට මහත් ශක්තියක් ලැබෙනවා.
වසර 2017 දී දකුණු අප්රිකාවේ පැවැති පොදු රාජ්ය මණ්ඩලීය තරගාවලියේ දී රන් පදක්කම් 2ක් හා රිදී පදක්කම් 3ක් ඇතුළු ජාත්යන්තර පදක්කම් 52ක් සමඟ බර ඉසිලීමේ ක්රීඩා ක්ෂේත්රයේ ජාත්යන්තර මට්ටමේ ජයග්රහණ රැසක් හිමිකරගෙන ඇත.
නව අදහස දක්වන්න