රට ගොඩ­න­ඟන්න නීරෝ­ගී­කමත්-අධ්‍යා­ප­න­යත් ශක්ති­මත් කළ යුතුයි | දිනමිණ

රට ගොඩ­න­ඟන්න නීරෝ­ගී­කමත්-අධ්‍යා­ප­න­යත් ශක්ති­මත් කළ යුතුයි

* වෘත්තීය-තාක්ෂණ අධ්‍යා­ප­න­ය­ටත් අපි මුල් තැනක් ලබා දෙනවා
* ණය පාල­නය කර ව්‍යාපෘ­ති­ව­ලට මුදල් දුන්නා
* දරු­ව­කුට වසර 13ක් ඉගෙ­නී­මට ඇති අයි­තිය අනි­වාර්ය කර එය තහ­වුරු කර­නවා
* අවු­රුදු 4ක්අපි බෙර ගැහුවේ නැහැ කෑගැ­සුවේ නැහැ ඉව­සී­මෙන් වැඩේ කළා

රට ශක්ති­මත්ව ගොඩ­නැ­ඟීම සඳහා නීරෝ­ගී­මත් ජන­තා­වක් හා හොඳ අධ්‍යා­ප­න­යක් ඇති පිරි­සක් බිහි­කළ යුතු යැයි අග­මැති රනිල් වික්‍ර­ම­සිංහ මහතා පැව­සීය.

අධ්‍යා­පන ‍ක්ෂේත්‍රයට 2015 සිට 2019 දක්වා රුපි­යල් බිලි­යන 635 ක් ද, සෞඛ්‍යය ක්ෂේත්‍ර­යට බිලි­යන 690ක් ද ආණ්ඩුව විය­දම් කර ඇතැයි රනිල් වික්‍ර­ම­සිංහ මහතා පැව­සීය.

එම මුදල් වෙන් කළේ පළාත් අධ්‍යා­පන සහ පළාත් සෞඛ්‍ය වෙනු­වෙන් වෙන් කළ මුද­ල්ව­ලට අම­ත­රව බව පෙන්වා දුන් අග­මැති වික්‍ර­ම­සිංහ මහතා අධ්‍යා­පන අමා­ත්‍යාං­ශ­යට, උසස් අධ්‍යා­පන අමා­ත්‍යාං­ශ­යට සහ වෘත්තීය අධ්‍යා­පන අමා­ත්‍යං­ශ­යට බිලි­යන 635 ක් ද සෞඛ්‍යය වෙනු­වෙන් බිලි­යන 690ක් විය­දම් කර ඇති බවත් අව­ධා­ර­ණය කළේය.

ඒ අනුව අධ්‍යා­ප­නය සහ සෞඛ්‍ය ක්ෂේත්‍ර වෙන්වෙන් ගත වූ වසර හත­රට බිලි­යන 1300ක් වෙන් කර ඇතැයි කී අග­මැ­ති­ව­රයා මෙතෙක් පැවති කිසිදු රජ­යක් එවැනි මුද­ලක් එම ක්ෂේත්‍ර­යන් වෙනු­වෙන් වෙන් කර නොතිබූ බව අව­ධා­ර­ණය කළේය.

අග්‍රා­මාත්‍ය රනිල් වික්‍ර­ම­සිංහ මහතා මේ බව සඳ­හන් කළේ සබ­ර­ග­මුව විශ්ව­වි­ද්‍යා­ලයේ වෛද්‍ය පීඨය විවෘත කිරීම සහ රත්න­පුර රෝහල ශීක්ෂණ රෝහ­ලක් බවට පත් කිරීම වෙනු­වෙන් පැවති උත්ස­ව­යන්ට පෙරේදා (17) සහ­භාගී වෙමිනි.

අවු­රුදු 4ක් අපි බෙර ගැහුවේ නැහැ. කෑගැ­සුවේ නැහැ. ඒත් ඉව­සී­මෙන් වැඩේ කළා. ණය පාල­නය කර අධ්‍යා­පන මුදල් ලබලා දුන්නා. ඒකෙන් ඉදි­රි­යට යන්න පුළු­වන් වුණා. අද මෙතන සිටින ශිෂ්‍ය ශිෂ්‍යා­වන් සියලූ දෙනාම ගිය අවු­රුදු කීපයේ දී අපි අධ්‍යා­ප­න­යට විය­දම් කරපු නිසා ඒකෙ­නුත් වාසි අර­ගෙන මෙහාට ආව අයයි යැයි ද අග­මැ­ති­ව­රයා කීය.

එහිදි අග්‍රා­මාත්‍ය රනිල් වික්‍ර­ම­සිංහ මහතා වැඩි­දු­ර­ටත් මෙසේද කීය.

අප ගෙන යන වැඩ­ස­ට­හන් නිසා හම්බ­න්තොට විශාල ආර්ථික කලා­ප­යක් බවට පත්කි­රී­මට අපට ශක්ති­යක් ලැබී තිබෙ­නවා. කර්මාන්ත ශාලා 100ක්, අලූත් ව්‍යාපාර ගණ­නා­වක් ඇති වෙනවා. එදා සුදු අලි­යෙක් ලෙස නම් කෙරුණු හම්බ­න්තොට දියුණු කරන්න අපට පුළු­වන් වී තිබෙ­නවා. මොර­ටුව කොළ­ඹට යොමු වුණා වගේ සබ­ර­ග­මුව, රුහුණ , ඌව වෙල්ලස්ස විශ්ව­වි­ද්‍යා­ලය හම්බ­න්තොට අනා­ගත දියු­ණු­වත් බලලා ඊළග වසර පහේ දී, දහයේ දී තමන්ගේ වැඩ­ක­ට­යුතු කළ යුතුයි. මේ විශ්ව­වි­ද්‍යා­ල­යට උව­මනා නම් අපේ උසස් අධ්‍යා­පන ඇම­ති­තු­මාත්, දකුණ සංව­ර්ධන ඇම­ති­තු­මාත් සම්බන්ධ කර­ගෙන, චයිනා හාබර් මර්චන්ට් සමා­ගම සම­ගත් සාකච්ඡා කර, අනා­ග­තයේ ඒ සමා­ග­ම්වල හා කර්මාන්ත ආය­ත­න­වල අව­ශ්‍ය­තා­වන්ට සරි­ලන පාඨා­මාලා සහිත උසස් අධ්‍යා­පන ක්‍රම­වේ­ද­යක් ඇති කර­ගන්න පුළු­වන්.

දැන් ඉංග්‍රීසි භාෂා­වෙන් එහෙම වැඩ­ක­ට­යුතු කර­ගෙන යනවා. අපිට අනා­ග­තයේ අප­න­ය­නය වැඩි කිරීම, කර්මාන්ත අගය වැඩි කිරීමේ සේවා, තොර­තුරු තාක්‍ෂණ සේවා ලබා ගැනී­මට නම් සෞඛ්‍ය­ටත් අධ්‍යා­ප­න­ය­ටත් අපි මූලික ප්‍රමු­ඛ­ත්වය දිය යුතුයි. පළ­මු­වෙන්ම නිරෝගී මන­සක් අව­ශ්‍යයි. අපි මෙත­රම් මුදල් විය­දම් කර, දැනුම වැඩි කර, අවු­රුදු 50ක් ජීවත් වෙනවා නම් ඇත්ත වශ­යෙන්ම එත­නින් ප්‍රයෝ­ජ­න­යක් නැහැ. අවු­රුදු 60 ක් 70 ක් 80 ක් ජීවත් වෙන්න පුළු­වන් විදි­යට ජන­තාව නීරෝගී විය යුතුයි. මොකද අපේ ජන­ග­හ­නය වැඩි වෙන්නේ නැහැ.

අපිට අවු­රුදු 30ක යුද්ධ­යක් තිබුණා. යුද්දෙ අන්තිම කාලේ රටේ මුදල් වැය වුණේ යුද්දෙට. යුද්දෙන් පස්සෙ මුදල් යෙදෙව්වේ යටි­තල පහ­සු­ක­ම්ව­ලට. සම­හර ඒවා අපතේ ගියා. සූරි­ය­වැව ක්‍රිකට් ක්‍රීඩාං­ග­ණ­යක් තියෙ­නවා, මම දන්නේ නැහැ මොන­වද කෙරෙන්නේ කියා. ක්‍රිකට් පිටි­යක් ඇති කළොත් භාවි­ත­යට එය ගැනී­මට පුළු­වන්. සම්ම­න්ත්‍රණ ශාලා­වක් හම්බ­න්තොට තියෙ­නවා. මේවා මඟුල් ගෙව­ල්ව­ල­ටත් අර­ගන්නේ නැහැ. මත්තල තියෙ­නවා ගුවන් තොටු­ප­ළක්. අපි දැන් ඉන්දි­යන් සමා­ගම සමඟ සාකච්ඡා කර අලාභෙ අඩු කර­ගන්න කට­යුතු කර­නවා.

හම්බ­න්තොට වරායෙ විශාල අලා­භ­යක් තිබුණා. අපි කොහොම හරි ඒ අලාභෙ නැති කර­ගෙන දැන් චයිනා මර්චන්ට් සමා­ගම එක්ක චයිනා හාබර් සමා­ගම එක්ක විශාල වැඩ­කො­ට­සක් කර­ගෙන යනවා.

ශ්‍රී ලංකා ගුවන් සේව­යට සුදුසු නැති ගුවන් යානා අර­ගෙන තියෙ­නවා. අමෙ­රි­කා­වට යන්න පුළු­වන් ගුවන් යානය අර­ගෙන අපි වැඩි­යෙන්ම යන්නේ ලන්ඩන් නුව­රට. ඉතිරි තෙල්ව­ලින් මොන­වද කරන්නේ? අපි විශාල ලෙස මුදල් විය­දම් කර තියෙ­නවා ඒ අකු­රු­ගොඩ ආරක්‍ෂා මධ්‍ය­ස්ථා­න­යක් දාන්න. තාමත් කර­ගෙන යනවා. ඔය මුදල් ටික දැම්මා නම් සෞඛ්‍යට, අධ්‍යා­ප­න­යට එහෙ­ම­නම් එදා විශාල වෙන­සක් තියෙ­නවා. ඒත් ඒක සිදු කරේ නැහැ. අපි එදා ඉදන් කිව්වා අධ්‍යා­ප­න­යට, සෞඛ්‍යට මුදල් වැඩි කරන්න කියා. ඒ නිසා 2015 සිට 2019 දක්වා මේ අවු­රුදු හතරේ අධ්‍යා­පන ‍ක්ෂේත්‍රයට විත­රක් අධ්‍යා­පන අමා­ත්‍යාං­ශ­යට, උසස් අධ්‍යා­පන අමා­ත්‍යාං­ශ­යට සහ වෘත්තීය අධ්‍යා­පන අමා­ත්‍යං­ශ­යට අපි බිලි­යන 635ක් විය­දම් කර තියෙ­නවා. ඒ පළාත් අධ්‍යා­ප­න­යට විය­දම් කළ මුද­ලට අම­ත­ර­වයි. ඒ අවු­රුදු කිහි­පයේ දී සෞඛ්‍යය වෙනු­වෙන් බිලි­යන 690ක් විය­දම් කර තියෙ­නවා. ඒ මුද­ලත් පළාත් සෞඛ්‍ය සේව­යට විය­දම් කළ මුද­ලට අම­ත­ර­වයි. එසේ නම් අපි බිලි­යන 1300ක් අවු­රුදු 4 කින් විය­දම් කර තියෙ­නවා. අලුත් ගොඩ­නැ­ගිලි 800ක් විවෘත කිරී­මට තිබෙන බව මට අධ්‍යා­පන අමා­ත්‍ය­තුමා පැව­සුවා අපි විවෘත කරපු ඒවා දිහා බලන්න. මෙතන මෙතුමා කරපු වැඩ කිව්වා අනිත් පැත්තෙන් බලන්න. ශිෂ්‍ය­යන්ට අපි රක්‍ෂ­ණය දුන්නා. ඒ සංඛ්‍යාව වැඩි කරලා තියෙ­නවා.

මෙතෙක් කල් විදු­හ­ල්ප­ති­වරු පත් කළේ විභා­ග­යෙන් නෙවෙයි. දැන් විදු­හ­ල්ප­ති­වරු පත්ක­රන්නේ විභා­ග­යෙන්. ඒක හොඳ වැඩ­ක­ට­යු­ත්තක්. අපිට තව දැන් මුදල් වැඩි­පුර විය­දම් කරන්න තියෙ­නවා. අපිට ඉංජි­නේරු පීඨ පටන් ගන්න එක ප්‍රශ්න­යක් තිබෙ­නවා. එනම් ආචාර්ය මණ්ඩ­ලය නැති කමයි. අපිට ඉංජි­නේරු අංශ­යත් තාක්‍ෂණ අංශ­යත් තව වැඩි දියුණු කරන්න තිබෙ­නවා. අපි වෛද්‍ය විද්‍යා අංශ එකතු කර­ගෙන යනවා. ඇත්ත­ටම කොහො­මද අපි මේ කණ්ඩා­යම් ආචාර්ය මණ්ඩ­ලය සකස් කරන්නේ කියන එක විශාල ප්‍රශ්න­යක්.

දෙව­නුව තමයි අපි බිලි­යන 635ක් විය­දම් කළාට වෘත්තීය අමා­ත්‍යාං­ශය ඉතා සුළු ගණ­නක් විය­දම් කර තියෙ­නවා. ඒක මදි. රැකි­යා­ව­ලට යැවී­මට නම් අපි ඒ අංශ­යට තව වැඩි කරන්න තියෙ­නවා. විශේ­ෂ­යෙන්ම වෘත්තීය අංශ­යට අපි ඒ සංඛ්‍යාව වැඩි කළ යුතුව තිබෙ­නවා.

අපේ පාස­ල්ව­ලට විද්‍යා ගුරු­වරු වුව­ම­නායි. මම ඇම­ති­තුමා සමඟ සාකච්ඡා කළේ ඊළඟ අවු­රුදු තුන හත­රට වුව­මනා ගුරු­වරු දැන් බඳවා ගෙන පසුව විද්‍යා උපා­ධි­ය­කුත් ලබා­ගන්න අපි අව­ස්ථාව ලබලා දෙමු ද කියායි. ඒක විශ්ව­වි­ද්‍යා­ල­යෙන්ම සිදු­වෙන්නේ නැත්නම් අපිට හරි ඒ වැඩ­ක­ට­යුත්ත කරන්න සිදු­වෙ­නවා.

දැන් අපි ක්‍රියා කරන්නේ අවු­රුදු 13ක් අධ්‍යා­ප­නය අනි­වාර්ය කර­න්නයි. අලුත් මඟ­කට යන්නයි. අධ්‍යා­පන ක්‍රම­යත් සෞඛ්‍ය ක්‍රම­යත් ආර්ථික සංව­ර්ධ­න­යත් එකට එකතු කර­ගන්න ඕනේ. මොකද්ද සමා­ජ­වා­දය කියන්නේ. සමා­ජ­වා­දය මගින් තමන්ට තමන්ගෙ ස්වශ­ක්ති­යෙන් නැගලා එන්න අව­ස්ථාව තියෙන්න ඕනේ. එසේ නම් නිරෝ­ගි­භා­ව­යයි, අධ්‍යා­ප­න­යයි තියෙ­නවා නම් ඔය සට­නෙන් 60% ක් 70% ක් ඉව­රයි. අපි සෑම කෙනාම එක සමා­නව සල­ක­නවා නම් ආගම ජාතිය බලන්නේ නැත්නම් එවිට තවත් කොට­සක් ඉව­රයි. අපේ මේ විය­දම් කර තියෙන ප්‍රම­ණය වෙනත් කිසිම ආණ්ඩු­වක් විය­දම් කර නැහැ. අනික් අය කතා කර­නවා. කප්පා­දුව කිය­නවා. මේකද කප්පා­දුව කියන්නේ. මේක කොහො­මද කළේ? හුඟක් අය හිතුවා මේක කරන්න බැහැ කියලා. අපිට විශාල ණයක් ගෙවන්න තිබුණා. අපි ගෙවන ණය මීට වඩා වැඩියි. ඒ ණය ගෙවු­වා­යින් පසුව මොන­වද කරන්න පුළු­වන් කියා ඇහුවා. ඔන්න මේ ණයත් ගෙවලා අපිට පුළු­වන් වෙලා තියෙ­නවා අධ්‍යා­ප­න­යයි සෞඛ්‍යයි දියුණු කරන්න.

ගම්පෙ­ර­ලිය වාගේ වැඩ­ස­ට­හන් ආරම්භ කළා. ඒ නිසා අපිට දැන් තියෙන්නේ මේක ඉදි­රි­යට ගෙනි­යන්න. අවු­රුදු 4ක් බෙර ගැහුවේ නැහැ. කෑගැ­සුවේ නැහැ. ඒත් ඉව­සී­මෙන් වැඩේ කළා. ණය පාල­නය කරලා අධ්‍යා­ප­න­යට මුදල් ලබලා දුන්නා. ඒකෙන් ඉදි­රි­යට යන්න පුළු­වන් වුණා. අද මෙතන සිටින ශිෂ්‍ය ශිෂ්‍යා­වන් සියලූ දෙනාම ගිය අවු­රුදු කීපයේ දී අපි අධ්‍යා­ප­න­යට විය­දම් කරපු නිසා ඒකෙ­නුත් වාසි අර­ගෙන මෙහාට ආව අයයි. දැන් තමන්ගේ නංගිලා මල්ලි­ලාට ඒ වාසිය ලැබෙ­නවා. ඉදි­රි­යට යන්න තියෙ­නවා. අන්න ඒ වැඩ කට­යුත්ත අපට කරන්න තියෙ­නවා.

සෞඛ්‍ය පෝෂණ හා දේශීය වෛද්‍ය අමාත්‍ය රාජිත සේනා­රත්න, නගර සැල­සුම් ජල සම්පා­දන සහ උසස් අධ්‍යා­පන අමාත්‍ය රාවුෆ් හකීම්, අධි­ක­රණ හා බන්ධ­නා­ගාර ප්‍රති­සං­ස්ක­රණ අමාත්‍ය තලතා අතු­කෝ­රල, සෞඛ්‍ය, පෝෂණ හා දේශීය වෛද්‍ය නියෝජ්‍ය අමාත්‍ය ෆයි­සාල් කාසිම්, නිපු­ණතා සංව­ර්ධන හා වෘත්තීය පුහුණු නියෝජ්‍ය අමාත්‍ය කරු­ණා­රත්න පර­ණ­වි­තාන, පාර්ලි­මේන්තු මන්ත්‍රී­ව­රුන් වන ඒ. ඒ විජේ­තුංග, හේෂා විතා­රණ යන මහ­ත්ව­රුන් ඇතුළු රාජ්‍ය නිල­ධා­රීන් හා දේශ­පා­ල­ඥ­යන් රැසක් මෙම අව­ස්ථා­වට සහ­භාගී වූහ.

නව අදහස දක්වන්න