සෑම වසර 12 කට වරක් උතුරු ඉන්දියාවට අයත් ප්රයග්රාජ් නගරයේ පැවැත්වෙන කුම්භ මේලා උත්සවයේ 'අර්ධ් කුම්භ්' උත්සව මාලාව මිලියන ගණනක බැතිමතුන්ගේ සහභාගිත්වයෙන් මේ දින වල පැවැත්වේ. අර්ධ් කුම්භ් ලෙස හැඳින්වෙන්නේ කුම්භ මේලා උත්සව දෙකක් අතර මැද පැවැත්වෙන උත්සවයකි.
මෙම උත්සවය සඳහා ජනවාරි දෙවන සතියේ සිට මාර්තු දක්වා මිලියන 120ක් පමණ වන්දනාකරුවන්, ගංගා, යමුනා සහ පුරාවෘතයේ සඳහන් සරස්වතී ගංගාවන්ට සංගම් නදිය එක් වන ස්ථානයේ ස්නානය කරන බව විශ්වාස කෙරේ. එමගින් තමන්ගේ පව් සේදී, ඉපදීමෙන් සහ මරණයෙන් මිදුණු 'මෝක්ෂය' උදාකර ගත හැකි බව හින්දු බැතිමත්හු විශ්වාස කරති.
මිලියන 15 - 20ත් අතර ජනකායක් පැමිණෙනු ඇතැයි සංවිධායකයෝ අපේක්ෂා කරන අතර පෙබරවාරි 4 වන දිනට යෙදෙන ස්නානය සඳහා වන හොඳ ම නැකත් දිනයට මිලියන 30ක ජනයා සහභාගී වනු ඇති බව ඔවුන් පවසයි. මාර්තු 4 වන දින අවසන් වීමට නියමිත මෙම සැණකෙළියේ සංවිධාන කටයුතු සඳහා රජයේ නිලධාරීන් දහස් ගණනක් යොදවා තිබේ. මේ සඳහා වර්ග කිලෝ මීටර් 32ක පමණ විශාල භූමි ප්රමාණයක් වෙන් කර ඇත.
නව අදහස දක්වන්න