බෞද්ධාගමට හිමි ස්ථානය රැකීමට කැප වෙනවා | දිනමිණ

බෞද්ධාගමට හිමි ස්ථානය රැකීමට කැප වෙනවා

එල්ලෙන්න වැල් නැති විපක්ෂයේ සමහර අය දැන් ව්‍යවස්ථාවක එල්ලෙන්න හදන බව මහාමාර්ග හා මාර්ග සංවර්ධන සහ ඛනිජ තෙල් සම්පත් සංවර්ධන අමාත්‍ය කබීර් හෂීම්  මහතා පවසයි. 
 
 මේ රටේ ඒකීයභාවයට හා බෞද්ධාගමට හිමිව ඇති ස්ථානය එලෙසම ආරක්ෂා කිරීමට එක්සත් ජාතික පක්ෂය දිවි හිමියෙන් කැප වෙන බවත් මේ රටේ ඒකීයභාවය සදහා කිසිම වෙනසක් ඇති කිරීමට ඉඩ නොදෙන බවත් අමාත්‍යවරයා වැඩි දුරටත් සඳහන් කරයි.  අමාත්‍ය කබීර් හෂීම් මහතා පැවසුවේ  බුද්ධාගමට ලබා දී ඇති ප‍්‍රමුඛස්ථානය වෙනස් කිරීමට කිසිසේත්ම ඉඩ නොතබන බවයි. මේ බව මේ රජය පැහැදිලිවම අවධාරණය කර ඇති බව ද ඔහු පවසයි. 
 
  අමාත්‍ය කබීර් හෂීම්  මහතා මේ අදහස් පල කළේ රුවන්වැල්ල මැතිවරණ කොට්ඨාශයේ සංවර්ධනය ව්‍යාපෘති කිහිපයක වැඩ ආරම්භ කිරීමේ අවස්ථාවන්ට එක් වෙමින් අනතුරුව පැවති ජනහමුවක් අමතමිනි.
 
එහිදී  වැඩිදුරටත් අදහස් දැක්වූ අමාත්‍යවරයා, ”ඒ දවස් වල එක්කෙනෙක් කිව්වා එයාව විදුලි පුටුවට ගෙනියන්න හදනවා කියලා, එක නිසා විදුලි පුටුවෙන් බේරන්න එයාට ඡුන්දය දෙන්න කියලා කිව්වා. අන්තිමට රනිල් වික‍්‍රමසිංහ මහතාට, සිද්ධ වුණා ඒ විදුලි පුටුවට යවනවායි කියපු තර්ජනය නැති කරලා බේරල දෙන්න. ඊට පස්සේ කිව්වා එයාට රට යන්න බැහැ, එයාව අල්ල ගනියි කියලා, ඒකත් රනිල් වික‍්‍රමසිංහ මහතා එක්සත් ජාතීන්ගේ සංවිධානයට කථා කරලා එයාව නිදහස් කර ගත්තා. දැන් අලූත් ගෝනිබිල්ලෙක් හොයනවා, ආපහු බලයට එන්න. බලයට ආවට පස්සේ අර කොන්ත‍්‍රාත්කාරයෝ, ජාවාරම්කාරයෝ, නියෝජනය කිරිමේ උවමනාව නිසා තමයි ආපහු බලයට එන්න හදන්නේ. මෙතෙක් කලක් මේ රටේ ඒකීයභාවය වෙනුවෙන්, ජනතාවගේ ආරක්ෂාව වෙනුවෙන් එක්සත් ජාතික පක්ෂයේ නායකයෝ රැුසක් ජීවිත පූජා කලා. ඒවගේම එක්සත් ජාතික පාක්ෂිකයන් සිය ගාණනක් ජීවිත පූජා කලා. මේ රටේ ප‍්‍රජාතන්ත‍්‍රවාදය ආරක්ෂා කිරිම වෙනුවෙන් එක්සත් ජාතික පක්ෂය දිවි හිමියෙන් කැප වෙනවා. මේ රටේ ජනතාව මුලා වෙන්න ඉඩ නොතබා, එක්සත් ජාතික පක්ෂය විවෘතව නියම හරි පණිවිඩය ජනතාවට ලබා දීමට කටයුතු කරනවා”  යැයි ද කීය. 
මෙම අවස්ථාවට කෑගල්ල දිස්ත‍්‍රික් පාර්ලිමේන්තු මන්ත‍්‍රීවරුන් වන තුසිතා විජේමාන්න, සුජිත් සංජය පෙරේරා ඇතුළු ප‍්‍රාදේශිය දේශපාලන නායකයින් සහ ප‍්‍රදේශවාසීන් රැසක් එක්ව සිටියහ.

නව අදහස දක්වන්න