මැලේසියාවේ නව රජු සුල්තාන් අබ්දුල්ලාහ් පත් කරයි | දිනමිණ

මැලේසියාවේ නව රජු සුල්තාන් අබ්දුල්ලාහ් පත් කරයි

මැලේසියාවේ පස් වැනි සුල්තාන් මුහමද් රජු කිරුළ අතහැරීමෙන් පසු හිස් වූ රජකමට පහන්ග් හි සුල්තාන් අබ්දුල්ලාහ්  සුල්තාන් අහ්මද් ෂාහ් පත් කර ති‍බේ. 
 
ජනාවාරි 31 වැනි දා ඔහු මැලේසියාවේ නව රජු ලෙස නිල වශයෙන් කිරුළු පළදිනු ඇත. ඔහු59 වැනි වියේ පසුවේ. මැලේසියාවේ පස්වැනි සුල්තාන් මුහමද් රජු අනපේක්ෂිත ලෙස කිරුළ අතහැරි බව වාර්තා වූයේ ජනවාරියේ මුල් සතියේ දීය. 
 
වසර 60කට පෙර මැලේසියාව එක්සත් රාජධානියෙන් නිදහස ලබා ගත් අතර එතැන් සිට මේ දක්වා කිසිවකු මෙලෙසින් රජ කිරුළ අතැර ගොස් නැත. මෙම සිදුවීමට හේතුව කුමක්දැයි මෙතෙක් රජ මාලිගය නිවේදනය කර නැති නමුත් ඔහු රුසියානු තරුණියක හා විවාහ වීම හේතුවෙන් මෙම තීරණය ගන්නට ඇති බව විදෙස් මාධ්‍ය පවසයි. 
 
පසුගිය නොවැම්බරයේ ඔහු වෛද්‍ය නිවාඩු ලබා සිටි අතර එම මාසය අවසානයේ දී ඔහු මොස්කව් රූ රැජිණක් සමග රුසියානු අගනුවර දී විවාහ වූ බවට ඡායාරූප ප්‍රසිද්ධියට පත් විය. 
 
25 හැවිරිදි ඔක්සානා වොයෙවොදිනා නම් වන ඇය සමග විවාහ වූ සුල්තාන් මුහමද් රජුගේ වයස අවුරුදු 49ක් බව විදෙස් මාධ්‍ය අනාවරණය කර තිබුණි. 

නව අදහස දක්වන්න