මට දරුවෝ තුන් දෙනෙක් ඉන්නවා. දූලා දෙදෙනයි. පුතායි. දුලා දෙන්නම ආබාධිතයි.මගේ මහත්තයාගේ එක ඇහැක් පෙනෙන්නේ නැහැ. අනෙක් ඇහැත් පෙනෙන්නේ යාන්තමට. එයාට කුලී වැඩක්වත් කරගන්න බැහැ. මමත් ඉන්නේ අසනීපයෙන්. දැනට අපි ජීවත් වෙන්නේ ලෑලි ගහගත්ත පැල්පතක් වගේ ගේක. අපිට ඉන්න හිටින්න පොඩි ගේ පොඩ්ඩක් හදල දෙනවා නම් එක ලොකු පිනක් යැයි යක්කලමුල්ල, පන්විලහේන ප්රදේශයේ පදිංචි කේ.කේ.දීපිකා (45) ආයාචනා කරන්නීය. ඇය මෙසේද කීවාය. මගේ එක දුවෙක් ඉන්නේ රිදියගම නිවාසෙක. අපිට කියලා ජීවත් වෙන්න විදියක් නැහැ. කුලී වැඩකටවත් යන්න බැහැ. මේ පුංචි පැල්පතට ලයිට් නැහැ, වතුර නැහැ.
පියා ටී .ඩබ්ලිව්.දයානන්ද (48) වන අතර යන්තමින් හෝ ගෙදර වැඩක් කරන්නේ ඔහුය.ඔහුගේඇස් පෙනීම දුර්වල නිසා කුලී වැඩක් හෝ ලැබෙන්නේ නැත. මව කේ.කේ.දීපිකාට වැඩක් පලක් කිරීමට නොහැකි තරමට අසරණය. මේ නිසාම ඇයටත් කුලී වැඩක් හෝ කර ගැනීමට නොහැකිය. මේ නිසාම මුළු පවුලම අන්ත අසරණව කල් ගෙවනු ලබයි. ලොකු දුව වන දර්ශනී මධුෂිකා 20 වියේ පසුවන්නීය. අගහිඟකම් සහ අසනීප තත්ත්වය නිසාම ඇය නවතා ඇත්තේ රිදියගම ළමා නිවාසයකය.අනෙක් දුව දආබාධිතය. දේශානි දීල්රුක්ෂි (17) නම් ඇය නිවසේ වෙසෙයි. බාල පුතා වන ක්රිෂාන් රංගන (09) 5වැනි ශ්රේණියේ ඉගෙනුම ලබයි. දයානන්දගේ මව බොළඳවතී සිටින්නේද මේ නිවසේය.
මේ පවුල සම්බන්ධයෙන් අපි නිරතුරුවම සොයා බලනවා.රජයෙන් කළ හැකි දේ කිරීමට ඡන්ද නාම ලේඛනයට නම දාලා තිබෙනවා. මේ අයට ජීවත් වෙන්න ගෙයක් අත්යාවශ්ය යැයි පොල්පාගොඩ බටහිර ආර්ථික සංවර්ධන නිලධාරී ඩී. ජී. වසන්ත මහතා පැවැසීය.
හිනිදුම විශේෂ
නව අදහස දක්වන්න