මේ මාස් කන්නයේ මාතලේ දිස්ත්‍රික්කයේ වී අස්වනු මිලට ගැනීමට මේ වනවිට වී අලෙවි මංඩලය විසින් පියවර ගෙන තිබේ. මේ යෝජිත සැලැස්ම යටතේ වී මෙට්‍රික් ටොන් පන්දහසක (5000) ප්‍රමාණයක් මිලට ගැනීමට වී අලෙවි මංඩලය අපේක්ෂා කරයි. මේ සදහා වී අලෙවි මංඩලයට අයත් හදුන්ගමුව, ගලේවෙල සහ දඹුල්ල යන ස්ථානයන්හි ඇති ගබඩා සියල්ල මේ වනවිට සූදානම් කර ඇත.
ලබන මස 15 වැනි දින සිට මේ මාස් කන්නයේ වී අස්වනු මිලට ගැනීමට තීරණය කර ඇති අතර හදුන්ගමුව ගබඩාවේ වී මෙට්‍රික් ටොන් තුන්දහසක ප්‍රමාණයක් ගබඩා කිරීමට කලමණාකාරිත්වය විසින් පියවර ගෙන තිබේ. එමෙන්ම ගලේවෙල සහ දඹුල්ල වී ගබඩාවන්හි වී මෙට්‍රික් ටොන් දහස බැගින් ගබඩා කිරීමටද නියමිතය. මෙහිදි රජයේ සහතික මිල යටතේ ගොවීන්ගෙන් වී මිලට ගන්නා අතර ඒ සදහා නාඩු සහ සම්බා වී කිලෝව සදහා පිළිවෙළින් රු.38/=ක් සහ රු.41/= ක මිලක් ගොවීන්ට ලබාදෙනු ලැබේ. මෙවර මාස් කන්නයේ වී මිලට ගැනීම සදහා රජය විසින් වී අලෙවි මණ්ඩලයට රුපියල් මිලියන 61000ක මුදලක් ලබා දී ඇත.
මාතලේ දිස්ත්‍රික් සමුහ
නව අදහස දක්වන්න