වාසි­දා­යක ණය! | දිනමිණ

වාසි­දා­යක ණය!

ගෝලීය මූල්‍ය වෙළෙ­ඳ‍ ­පො­ළෙන් වාසි­දා­යක අර­මු­දල් ලබා­ගැ­නී­මට ක්‍රියා කරන බව මුදල් අමා­ත්‍ය­ව­රයා කියා සිටී. අමාත්‍ය මංගල සම­ර­වීර මහතා මේ අද­හස් පළ­කර ඇත්තේ ඉදිරි අය­වැය සම්බ­න්ධ­යෙන් පැවැති සම්ම­න්ත්‍ර­ණ­ය­කදී ය. ගෝලීය ණය, ආධාර හා සහ­යෝ­ගය රටක වේග­වත් සංව­ර්ධ­න­යක් සඳහා අත්‍ය­වශ්‍ය සාධක ලෙස සැලැ­කිය හැකි ය. මීට දසක කිහි­ප­ය­කට පෙර ලෝක බැංකුවේ ‍උපදේ­ශ­නය වූයේ ශ්‍රී ලංකාව වැනි රට­වල් ණය ලබා­ගැ­නී­මට මැළි විය යුතු නැති බව ය. ණය ගෙවීම අතින් මෙන් ම ලබා­ගත් ණය ප්‍රයෝ­ජ­න­යට ගැනීම අතින් ද සතු­ටු­දා­යක තැනක ශ්‍රී ලංකාව පසු විය. විදේ­ශීය ණය ශ්‍රී ලංකාව තුළ බල­වත් අර්බු­ද­යක් මව­න්නට වූයේ මෑතක සිට ය.

එක අතෙ­කින් ශ්‍රී ලංකාවේ ආර්ථි­ක­යට ඔරොත්තු නො දෙන තරම් ණය ලබා­ගැ­නී­මට ඇතැම් ආණ්ඩු ක්‍රියා‍ ­කර ඇත. තව අතෙ­කින් සම­හර ණය ලබා­ගෙන ඇත්තේ කෙටි­කා­ලීන ලෙස ගෙවන හා අධික පොලි­යක් සහිත ගිවි­සුම් යටතේ ය. තවත් අතෙ­කින් ලබා­ගත් ඇතැම් ණය විනි­වි­ද­භා­ව­ය­කින් යුතුව සංව­ර්ධ­නය සඳහා යොදා­ගෙන නැත. මෙබඳු තත්ත්ව­යක් යටතේ ශ්‍රී ලංකාව ණය අර්බු­ද­යක හිර වී සිටියේ ය. දැන් එම තත්ත්වය තුනී වී ගොස් ඇති අතර මේ වසරේ ගෙවිය යුතු මුදල අමෙ­රි­කන් ඩොලර් බිලි­යන පහ­කට වැඩි බව සට­හන් වී ඇත. එම ණය ගෙවා දමන අතර රටේ සංව­ර්ධ­නය වේග­වත් කිරීමේ ගැට­ලු­වට ද ආණ්ඩුව මුහුණ දී සිටී.

මුදල් අමා­ත්‍ය­ව­රයා පෙන්වා දෙන්නේ රටේ සංව­ර්ධ­නය සඳහා සීමිත ණය ප්‍රමා­ණ­යක් ලබා­ගැ­නී­මට ක්‍රියා කරන බව ය. එම ණය මුදල් ලබා­ගැ­නී­මේදී දිගු­කා­ලීන ගෙවීම් කාල­සීමා ලබා­ගැ­නී­මට ද, පොලී ප්‍රමා­ණය අඩු­කර ගැනී­මට ද සාකච්ඡා කරන බව අමා­ත්‍ය­ව­රයා තව­දු­ර­ටත් පෙන්වා දෙයි. ණය මුදල් භාවි­ත­යේදී මූල්‍ය වින­යට හා විනි­වි­ද­භා­ව­යට මුල් තැන ලබා­දෙන බව ද මංගල සම­ර­වීර මහතා කියයි. විදේ­ශීය ණය ලබා­ගැ­නීම ශ්‍රී ලංකා­වට අරු­ම­යක් නො වේ. විදේ­ශීය ණය හා ආධාර ලබා­ගැ­නීම පැවැති සෑම ආණ්ඩු­වක් ම සිදු­කර ඇත. ප්‍රශ්නය ඇත්තේ ඒවා විය­දම් කිරීම ගැන ය. ණය මුදල් හා ආධාර නාස්ති කරන රට­වල් කෙරෙහි ජගත් මූල්‍යා­ය­ත­න­වල විශ්වා­ස­යක් නැත.

ලෝක බැංකුවේ දකුණු ආසි­යානු කලා­පීය උප සභා­ප­ති­ව­රයා මීට දින කිහි­ප­ය­කට පෙර ශ්‍රී ලංකාවේ ආර්ථි­කය හා සංව­ර්ධ­නය පිළි­බඳ හොඳ සහ­ති­ක­යක් ලබා දුන්නේ ය. ඒ මහ­තාගේ ප්‍රකා­ශ­ව­ලින් පැහැ­දිලි වන්නේ පසු­ගිය වසර කිහි­පය තුළ ශ්‍රී ලංකාව ග්‍රාමීය දිළි­ඳු­කම පිටු­දැ­කීම සම්බ­න්ධ­යෙන් විශේෂ ජය­ග්‍ර­හණ රැසක් ලබා ඇති බව ය. අපේ ආර්ථි­කයේ ප්‍රධාන අභි­යෝ­ගය දිළි­ඳු­කම පිටු­දැ­කීම යැයි කිව හැකි ය. එයින් ද ග්‍රාමීය දිළි­ඳු­භා­වය විශේෂ වෙයි. ශ්‍රී ලංකාවේ මුළු ජන­ග­හ­න­යෙන් 70% කට ආසන්න පිරිස ග්‍රාමීය අංශ­යට අයත් වෙති. එයින් ද බහු­ත­රය දිළි­ඳු­භා­වයේ ගිලී සිටිති. මේ අභි­යෝ­ගය ජය­ගැ­නීම සඳහා සාර්ථක පිය­වර ගත හැකි නම්; ශ්‍රී ලංකාව කෙටි කාල­යක් තුළ දියුණු කළ හැකි ය.

ශ්‍රී ලංකාවේ ආර්ථි­කය හා සංව­ර්ධ­නය ගැන මත පළ­ක­රන අය විවිධ අද­හස් දක්වති. එක අද­හ­ස­කට අනුව රට වහා ම නිෂ්පා­දන ආර්ථි­ක­යක් කරා ගෙන යා යුතුය. තව අද­හ­ස­කට අනුව ලෝකයේ නව ප්‍රව­ණ­තා­වට අනුව රට වහා ම සේවා ආර්ථි­ක­යක් කරා ගෙන යා යුතුය. තවත් අද­හ­ස­කට අනුව ශ්‍රී ලංකාවේ පිහි­ටීම ගැන සැලැ­කිල්ල යොමු­කොට රට සාගර ආර්ථි­ක­යක් කරා ගෙන යෑම වඩා කාලෝ­චිත ය. රජය මේ සෑම අංශ­යක් කෙරෙහි ම අව­ධා­නය යොමු­කර ඇති බවක් පෙනෙයි. සම­ස්ත­යක් ලෙස සෑම අංශ­ය­කින් ම ආදා­යම් ලබා­ගැ­නීම රජයේ ඉල­ක්කය වී ඇති බව පැහැ­දිලි ය. ඒ මඟින් ආර්ථි­ක­යට එල්ල වන අව­දා­න­මෙන් ද මිදෙ­න්නට පුළු­වන.

චීනය ලෝකයේ වේග­වත් ම සංව­ර්ධ­න­යක් අත්පත් කර­ගත් රාජ්‍ය­යෙකි. එරට ආර්ථි­කයේ සෑම අංශ­යක් කෙරෙහි ම රජයේ දැඩි අව­ධා­නය හා අධී­ක්ෂ­ණය පවතී. චීනයේ පාස­ලක පන්ති කාම­රය හඳු­න්වන්නේ වැඩ­බි­මක් ලෙස ය. නැත­හොත් පර්යේ­ෂණ ස්ථාන­යක් ලෙස ය. චීනයේ පාසල් දරු­වන්ගේ ඇතැම් නිර්මාණ අප­න­යන භාණ්ඩ බවට පරි­ව­ර්ත­නය වෙයි. ලෝක­යට අවශ්‍ය ‘ටූත්පික්’ හෙවත් දත්කූරු වැඩි­යෙන් ම අප­න­ය­නය කරන රට චීනය වෙයි. ඒවා­යින් බොහො­ම­යක් නිෂ්පා­ද­නය වන්නේ චීන පාසල් දරු­වන්ගේ අත්වැඩ පාඨ­මා­ලා­වට යට­ත්වය. මෙයින් නිෂ්පා­දන ආර්ථී­කය පොහො­සත් වී ඇත. ජන­තා­වගේ ආර්ථික දාය­ක­ත්වය ඉහළ ගොස් ඇත.

දකුණු කොරි­යාව, විදුලි යන්ත්‍ර, රථ-වාහන, නිමි-ඇඳුම්, වානේ නිෂ්පා­දන පම­ණක් නො ව; ටෙලි­නාට්‍ය පවා නිෂ්පා­ද­නය කරන්නේ විදේ­ශීය වෙළෙ­ඳ­පොළ ඉලක්ක කර­ගෙන ය. ශ්‍රී ලංකාව නිද­හස ලබා­ගන්නා විට දකුණු කොරි­යාව වැනි රට­වල් පසු­වූයේ ආර්ථික වශ­යෙන් අපට වඩා පහළ තැනක ය. එහෙත් දසක පහක් වැනි කාල­යක් තුළ දකුණු කොරි­යාව වේග­වත් දියු­ණු­වක් ලබා තිබේ. නූතන දකුණු කොරි­යාව අපේ ශ්‍රමි­ක­යන්ට හා තාක්ෂ­ණික ශිල්පීන්ට රැකියා සප­යන රාජ්‍ය­යක් බවට පත් ව සිටී. චීන­යෙන්, දකුණු කොරි‍යා­වෙන් පම­ණක් නො ව; ඉන්දි­යා­වෙන් පවා අපට ආර්ථික ආදර්ශ ලබා­ගත හැකි ය. ඉන්දි­යාවේ ‘අමූල්’කිරි නිෂ්පා­දන ව්‍යාපා­රය ඊට හොඳ ම නිද­සු­නකි. ලෝකයේ දෙවන විශාල ජන­ග­හ­නය සහිත රාජ්‍ය­යට අවශ්‍ය කිරි ප්‍රමා­ණය සප­ය­න්නට ‘අමූල්’ ව්‍යාපා­රය සමත් වී ඇත.

සම­ස්ත­යක් ලෙස ශ්‍රී ලංකාවේ ආර්ථි­කය ඔසොවා තබන නව සංව­ර්ධන වැඩ­ස­ට­හන් ගණ­නා­වක් දැන් ක්‍රියා­ත්මක වෙයි. ‘ග්‍රාම ශක්ති’, ‘ගම්පෙ­රැ­ළිය’ හා’එන්ට­ර්ප්‍ර­යිස් ශ්‍රී ලංකා’ ඒ අත­රින් ප්‍රධාන වෙයි. ග්‍රාම ශක්ති හා ගම්පෙ­රැ­ළිය යන වැඩ­ස­ට­හන් දෙක ම ගැමි ආර්ථි­කය නැංවීම සඳහා ක්‍රියා­ත්මක ය. එන්ට­ර්ප්‍ර­යිස් ශ්‍රී ලංකා වැඩ­ස­ට­හන ඔස්සේ සිදු­වන්නේ නව ව්‍යව­සා­ය­ක­යන් බිහි­කි­රී­මය. ඔවු­නට අවශ්‍ය උප­දේ­ශන මෙන් ම මූල්‍ය පහ­සු­කම් ද රජය ලබා දෙයි. ව්‍යව­සා­ය­ක­යන් වැඩි­වන තර­මට නිෂ්පා­දන ආර්ථි­කය පුළුල් වෙයි. ඒ මඟින් ආදා­යම් වැඩි වෙයි. රැකියා බහුල වෙයි. මේ වැඩ­ස­ට­හ­න්ව­ලට ගැළ­පෙන ලෙස අධ්‍යා­ප­නය ද වෙනස් වෙමින් පවතී. නූතන පාසල වෘත්තීය අධ්‍යා­ප­නය දෙසට ද හැරී ඇත. එය සාධ­නීය ලක්ෂ­ණ­යකි.

ශ්‍රී ලංකාව කෙටි කාල­යක් තුළ දියුණු කළ හැකිය යන අද­හස ආණ්ඩු­වට තිබේ. ආණ්ඩුව ඒ සඳහා හඳුන්වා දී ඇති වැඩ­ස­ට­හන් ද වැද­ගත් ය. ලබන අය­වැය ඔස්සේ ඉහත වැඩ­ස­ට­හන් සඳහා වැඩි ප්‍රති­පා­දන වෙන්ක­රනු ඇතැ’යි සිත­න්නට පුළු­වන.

 

නව අදහස දක්වන්න