අලුත් අවුරුද්ද සඳහා ගම්බිම් ගිය ජනතාවට නැවත ඒම සඳහා ඒකාබද්ධ ප්රවාහන මෙහෙයුමක් ප්රවාහන සහ සිවිල් ගුවන්සේවා අමාත්යාංශය හඳුන්වා දී ඇත.
මේ මෙහෙයුම සඳහා ශ්රී ලංකා ගමනාගමන මණ්ඩලය, ශ්රී ලංකා දුම්රිය දෙපාර්තමේන්තුව සහ ජාතික ගමනාගමන කොමිසම් සභාව එක්ව ගමනාගමන මෙහෙයුමක් සිදු කරන බව ප්රවාහන සහ සිවිල් ගුවන්සේවා ඇමැති අර්ජුන රණතුංග මහතා කියා සිටී.
මේ අලුත් අවුරුදු ඒකාබද්ධ මෙහෙයුම අලුත් අවුරුද්දට පෙර ආරම්භ කර ඇති අතර, අනිද්දා දක්වා ක්රියාත්මක කෙරේ.
ශ්රී ලංකා ගමනාගමන මණ්ඩලයට අයත් බස්රථ 1350ක් ද පෞද්ගලික බස්රථ 3000ක් ද ප්රවාහන අමාත්යාංශයේ අධීක්ෂණය යටතේ යොදවා ඇති අතර, විශේෂ දුම්රිය 11ක් අද (20) සිට සඳුදා (22) දක්වා ධාවනය කිරීමට දුම්රිය දෙපාර්තමේන්තුව කටයතු සූදානම් කර ඇත.
පසුගිය 8වැනිදා සිට 13වැනිදා දක්වා ශ්රී ලංකා ගමනාගමන මණ්ඩලය ලැබූ රුපියල් මිලියන 400ක ආදායමත්, පෞද්ගලික බස්රථවල සේවාව ගැන ලැබුණු පැමිණිලි ඉතාම අඩුවීමත් සාර්ථකත්වය පෙන්නුම් කරන සාධක බවද ඇමැති අර්ජුන රණතුංග මහතා ප්රකාශ කළේය.
නව අදහස දක්වන්න