අඩු පීඩන කලාපය පීඩන අවපාතයක් වෙයි | දිනමිණ

අඩු පීඩන කලාපය පීඩන අවපාතයක් වෙයි

ගිනිකොණ දිග බෙංගාල බොක්ක මුහුදු ප්‍රදේශයේ, ශ්‍රී ලංකාවට ගිනිකොණ දෙසින් පවතින අඩු පීඩන කලාපය, මේ වන විට පීඩන අවපාතයක් දක්වා වර්ධනය වී ඇති බව කාලගුණ විද්‍යා දෙපාර්තමේන්තුව නිවේදනය කරයි.
 
ඊයේ(25) රාත්‍රී 08.30වන විට පොතුවිල් සිට ගිනිකොන දෙසින් කි.මී 1050 පමණ දුරින් උතුරු අක්ෂාංශ 01.9 ත් නැගනහිර දේශාංශ 90.10 ත් ආසන්නව ස්ථානගතව පවතී. 
 
මෙම පද්ධතිය ඉදිරි පැය 24 තුලදී ගැඹුරු පීඩන අවපාතයක් දක්වා වර්ධනය වෙමින් වයඹ දෙසට ගමන් කර, ශ්‍රී ලංකාවේ නැගෙනහිර වෙරළ තීරය ආසන්නයෙන්, ගමන් කරමින් සුළි කුණාටුවක් දක්වා වර්ධනය වේ යයි බලාපොරොත්තු විය හැකි බව කාලගුණ විද්‍යා දෙපාර්තමේන්තුව සඳහන් කරයි. 
 
කාලගුණ විද්‍යා දෙපාර්තමේන්තුව මඟින් මේ සම්බන්ධව නිකුත් කරන ඉදිරි නිවේදන පිළිබඳ අවධානය යොමුකරන ලෙස මහජනතාවගෙන් සහ ධීවර හා නාවුක ප්‍රජාවට දැනුම් දෙයි.
 
සබරගමුව, මධ්‍යම, දකුණු, ඌව, බස්නාහිර සහ වයඹ පළාත්වල සවස 2.00 න් පමණ පසුව වැසි හෝ ගිඟුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි. ඇතැම් ස්ථානවලට මි.මී.75ක පමණ තරමක තද වර්ෂාපතනයන් ඇති විය හැකි අතර උතුරු සහ නැගෙනහිර වෙරළබඩ ප්‍රදේශවල උදෑසන කාලයේදීත් වැසි ඇති විය හැකි බව එම දෙපාර්තමේන්තුව සදහන් කරනු ලැබේ.
 

නව අදහස දක්වන්න