විල්පත්තු මහ වන මැදින් මන්නාරමට | Puttalam to Mannar Through Wilpattu | දිනමිණ

විල්පත්තු මහ වන මැදින් මන්නාරමට | Puttalam to Mannar Through Wilpattu

නලින් දිල්රුක්ෂ
කොළඹ සිට පුත්තලම, එළුවන්කුළම, විල්පත්තු වනාන්තරය හරහා මන්නාරම මාර්ගය යනු මන්නාරමට යා හැකි කෙටිම මාර්ගයයි. අද වෙනත් පසින් කාපට් මාර්ග ඔස්සේ මන්නාරමට ළගාවෙන්නට පහසුකම් තිබුණද එදා ප්‍රධාන මාර්ගය ලෙස භාවිත වූයේ මෙම විල්පත්තු හරහා ඇති මාර්යය යි.
මේ මාර්ගයේ ගමන අතිශය සුන්දර ය. එහෙත් දුෂ්කර ය.
පසුගිය දා අපි මේ මග ඔස්සේ මන්නාරමට ගියෙමු. කොළඹ සිට යාමේදි පුත්තලම ඔස්සේ එළුවන්කුළම පසු කරන තුරුම මාර්ගය සුපිරි ය. කාපට් ඇතිරූ මගකි ඇත්තේ. එසේ යන ඔබට එළුවන්කුළම අවසන්ව විල්පත්තු මහ වනයට ඇතුළුවන තැනින් මේ කාපට් මග අවසන් ය. එතැන නාවුක මුරපොළකි. පරික්ෂාකිරීම් ආදිය එතැනදී සිදුවෙයි. එසේම වන ජීවි කාර්යාලයක්ද එහි වෙයි.
නාවුක මුරපොළ පසුකරත්ම ඇත්තේ අමුතුම පරිසරයකි. සුන්දර කලා ඔය හරහා පටු කෝසුවක් ඔස්සේ අපට ඔය තරණය කරන්නට සිදුවෙයි. එය අපුරු අද්දැකීමකි. ඉන් පසු අපේ සම්පූර්ණ ගමන වැටී ඇත්තේ විල්පත්තු මහ වන මැදින් දිවෙන පටු ගුරුපාරකි. ගමන අසීරුය, වල ගොඩැලි මඩ ගොහොරු අපමණ ය.
මග කොතරම් අසීරුවුවත් අදටත් මේ මග ඔස්සේ මගී ප්‍රවාහන සේවා ක්‍රියාත්මකය. මන්නාරම කල්පිටිය, මන්නාරම පුත්තලම ආදි මගි ප්‍රවාහණ සේවා මේ මග ඔස්සේ සිදුවෙයි. අපේ ගමන පුරාවට අපට ලංගම හා පුද්ගලික බස් සේවා හතරක් දැක ගත හැකි විය. ඉද හිට මෝටර් සයිකලයක් කැබ් රථයක් ධාවනය වෙයි.
අලි දිවි ගහනයෙන් බහුල මේ මගේ ගමන අපූරුම ආශ්වාදයක් ගෙන දෙයි.
එළුවන්කුලම සිට නැවත අපට කාපට් මගක් හමුවෙන්නේ මරිච්චිකට්ටු නම් ප්‍රදේශයේ දී යි. ඒ අතර දුර කිලෝ මීටර් 38ක් පමණ වෙයි. මේ දුර ප්‍රමාණය අතර අපට හමුවෙන්නේ නාවුක මුර පොළවල් කීපයක් පමණි. 
ඒ මහ වනයේ ආරක්ෂාව වෙනුවෙන් ඉදිකෙරුණු මුරපොළවල් ය. ඓතිහාසික කුදිරමලේ තුඩුවට යන මග වැටී ඇත්තේද මේ මග ඔස්සේ ගමන් කරද්දී ය. දුර ප්‍රමාණය කෙට් වුවද මේ දුර යන්නට බොහෝ කාලයක් වැය කරන්නට සිදුවෙන්නේ මගේ ඇති වලගොඩැලි හේතුව නිසා ය.
වනජීවි දෙපාර්ථමේන්තුවෙන් පාලනය වන බිම් කඩක් වුව මේ මගේ යන්නට අපට මුදල් ගෙවෙන්නට සිදුවෙන්නෙ නැත. (අඹේවෙල ඔහිය මාර්ගයේ ගමන් ගත හොත් අපට මුදල් ගෙවන්නට සිදුවෙයි.)
මරිච්චිකට්ටුවෙන් පසු මාර්ගය නැවතත් සුපිරි ය. සිලාවතුර හරහා එම මග ඔස්සේ ඉතා කෙටි කාලයකින් ඉන් පසු අපට මන්නාරමට ළගා විය හැකි ය.
වෙනසක් බලාපොරොත්තුව සංචාරයේ යෙදෙන ඔබට ඒ වෙනස්ම අද්දැකීම ගන්න කදිම මගකි මේ විල්පත්තු මාර්ගය. ගමනේ තරම දැක ගන්නට වීඩියෝව බලන්න. 
 
 


අදහස් 1ක් ඇත

ASUNDARA KARANNA EPA , mokada eya sundara karanna amaruyi!

නව අදහස දක්වන්න