දෙහිවලදී සැකපිට අත්අඩංගුවට ගත් මෙරට තහනමට ලක්කළ ඉස්ලාමීය ත්රස්ත සංවිධානයක ක්රියාකාරී ප්රබල සාමාජිකයන් තිදෙනෙකු පෙරේදා (02) ගල්කිස්ස මහේස්ත්රාත් අධිකරණය හමුවට පමුණුවීමෙන් පසුව රඳවා තබා ගැනීමේ විශේෂ නියෝග යටතේ අත්අඩංගුවේ තබාගෙන පරික්ෂණ කටයුතු සිදුකරගෙන යන බව දෙහිවල පොලීසිය පවසයි.
තහනම් සංවිධානයක් වන “ජමාතෙයි මිල්ලතු ඊබ්රාහිම් සෙයිලාන් සංවිධානයේ ප්රබල සාමාජිකයන් තිදෙනා දෙහිවල පොලීසිය විසින් පෙරේදා රාත්රී දෙහිවලදී අත්අඩංගුවට ගනු ලැබුවේ විශේෂ කාර්ය බළකාය සමඟ එක්ව සිදුකළ විශේෂ සෝදිසි මෙහෙයුමකදීය.
මේ වන විටත් ජමාතෙයි මිල්ලතු ඊබ්රාහිම් සෙයිලාන් ඉස්ලාම් සංවිධානයේ සාමාජිකයන් අතරින් මාවනැල්ල හා ගම්පොළ නාවලපිටිය ප්රදේශවලින් අත්අඩංගුවට ගෙන කොළඹ අපරාධ පරීක්ෂණ දෙපාර්තමේන්තුව තුළ රඳවා තබාගෙන ප්රශ්න කරමින් සිටින ප්රබල සාමාජිකයන් දෙදෙනකු (02) මෙම දෙහිවලදී අත්අඩංගුවට ගත් තිදෙනා පිළිබඳවද තොරතුරු හෙළිකර ඇති බවද පොලීසිය කියා සිටී.
මේ සැකකරුවන් තිදෙනා (03) අත්අඩංගුවට ගනු ලැබූයේදෙහිවල කවුඩාන හා හිල් වීදිය හා ශ්රී මහා විහාරය යන ප්රදේශවලදීය.
මොවුන්ගෙන් වැඩිදුරටත් සිදුකළ විමර්ශනයේදී ඔවුන් විසින් “ෆේස්බුක්” හරහා මෙම සංවිධානයේ ප්රචාරක කටයුතු සිදුකරගෙන යමින් “ජමාතෙයි මිල්ලතු ඊබ්රාහිම් සෙයිලාන්” සංවිධානයේ සාමාජිකයින් වශයෙන් කටයුතු කරමින් දෙහිවල ප්රදේශයේ රැඳීසිටින බවටත් ඔවුන් විසින් පිළිගෙන ඇති බවද පොලිසිය වැඩිදුරටත් පවසයි.
මේ අනුව දෙහිවල ප්රදේශයේ එම සංවිධාන සාමාජිකයන් සමඟ මේ ප්රදේශයේ දේවස්ථාන ඇතුළු විවිධ ජනාකීර්ණ ස්ථානවලට ප්රහාර එල්ලකිරීමට සැලසුම් සකස්කරමින් සිටින්නට ඇතැයිද යන සැකය මත මේ තිදෙනා රඳවා තබාගෙන වැඩිදුර විමර්ශන කටයුතු සිදුකරගෙන යන බවත් පොලිසිය පවසයි.
මේ පිළිබඳව වැඩිදුර පරීක්ෂණ කටයුතු ගල්කිස්ස ජ්යෙෂ්ඨ පොලිස් අධිකාරී මුදිත පුස්සැල්ල, සහකාර පොලිස් අධිකාරී II සමන්ත වෙදගේ යන මහත්වරුන්ගේ අධීක්ෂණයෙන් දෙහිවල පොලිස් ස්ථානාධිපති ප්රධාන පොලිස් පරීක්ෂක පී.පී. ඉඳුනිල් මහතාගේ උපදෙස් පරිදි අපරාධ අංශයේ ස්ථානාධිපති උප පොලිස් පරීක්ෂක රොෂාන් උදයංග, උ.පො.ප. ප්රභාත්, පො. කො 77785 මෙන්ඩිස්, 91475 සංඛ, 33449 සඳරුවන් හා 47932 රංජිත් යන මහත්වරු විසින සිදුකරගෙන යනු ලබයි.
කොළඹ දකුණ සමූහ
ගැමිණී රූපානන්ද
නව අදහස දක්වන්න