තලකිරියාගම, ගල්වැටියාව පදිංචි එච්.ජී.ජී.පී.කුමාරි හතුරුසිංහ තිදරු මවකි. සිය සැමියා හා එක්ව ඔවුන් කුඩා දරුවන් පෝෂණය කරන්නේ කුලී වැඩ කරමිනි. දරුවන්ට අධ්යාපනය ලබා දෙන්නේ ඉතා අසීරුවෙනි. වැඩිමහල් පුතුන් දෙදෙනා අවුරුදු 16 හා 11 යන වයස්වල පසුවෙති. බාල දියණියගේ වයස අවුරුදු 03කි. තම නිවසේ වහලය ඉතා අබලන් බැවින් එය පිළිසකර කර ගැනීමට වත්කමක් නැතිව අසරණ වී සිටිති. කුමාරි මෙසේ කීවාය. බෙලෙක් තහඩු දමා වහලය ඉදිකර තිබෙන්නේ.වැස්සට ගේ ඇතුළට වැසි දිය කාන්දු වෙනවා. ඇස්බැස්ටෝස් සෙවිලි කර ගන්න වත්කමක් නෑ. කිසිකෙනෙකුගෙන් කන්න බොන්න ඉල්ලන්නේ නෑ.අපි මැරුණු පසු හෝ නොතෙමි මළකඳ තියාගන්න හරි වහලය සාදා දෙන ලෙස පරිත්යාගශීලීන්ගෙන් ඉල්ලා සිටිනවා. මගේ සැමියා දණහිස් අමාරුව ඇතුළු අසනීපවලින් පෙලෙනවා. කුඩා දියණිය සිටින නිසා මට කුලී වැඩ කරන්නට යාමට හැකියාවක් නෑ.
ගලේවෙල මධ්යම සමූහ පී.ජී.ගුණතිලක
නව අදහස දක්වන්න