තායිලන්ත සංචාරක අධිකාරිය හා ශ්‍රී ලංකා සංචාරක ප්‍රවර්ධන කාර්යාංශය අතර අවබෝධතා ගිවිසුමක්

පාස්කු ඉරිදා ත්‍රාස්ත ප්‍රහාරවලින් පසුව ශ්‍රී ලංකාවේ සංචාරක කර්මාන්තය වේගයෙන් ශක්තිමත් කිරීම සඳහා ශ්‍රී ලංකා සංචාරක ප්‍රවර්ධන කාර්යාංශය සහ තායිලන්ත සංචාරක අධිකාරිය අව‍බෝධතා ගිවිසුමක් පසුගිය දිනක අත්සන් කරන ලදී.මෙම අවබෝධතා ගිවිසුම අත්සන් කිරීම සඳහා තායිලන්ත සංචාරක අධිකාරියයේ අදාළ බලධාරීන් 80 දෙනෙක් , සංචාරක බ්ලොග්කරුවන් ඇතුළු සංචාරක නිලධාරීන්, සංචාරක ක්‍රියාකරුවන් 40 ක් සහ තායි මාධ්‍යවේදීන් 20 දෙනෙකුගෙන් සමන්විත පිරිසක් ජුනි 27 වන දින ශ්‍රී ලංකාවට පැමිණියේය .

අවබෝධතා ගිවිසුම යටතේ ශ්‍රී ලංකාවේ බෞද්ධාගම ප්‍රවර්ධනය කිරීම, සංචාරකයින් සඳහා සංස්කෘතික අත්දැකීම් වර්ධනය කිරීම සඳහා තාක්‍ෂණික සහාය ලබා දීම සහ ශ්‍රී ලංකාවේ කීර්තිමත් සංචාරක ස්ථාන ප්‍රවර්ධනය කිරීම සඳහා සහාය ලබා දීම යනාදී කාරණාවන් පවතී .තායිලන්ත සංචාරක ව්‍යාපාරය සමාන පසුබෑමකට මුහුණ දී ඇති නමුත් නුදුරු දිනකදීම විශාල සංචාරකයින් සංඛ්‍යාවක් ආකර්ෂණය කර ගෙන සංචාරක කර්මාන්තය ඉක්මනින් යථා තත්ත්වයට පත් කර ගැනීමට ඔවුන්ට පුළුවන . තායිලන්තයට වාර්ෂිකව සංචාරකයින් මිලියන 38ක් පැමිණෙන අතර කර්මාන්තය ඩොලර් බිලියන 90ක විදේශ විනිමයක් උපයනු ලබයි

පසුගිය වසරේදී තායිලන්ත සංචාරකයින් 9,800 ක් පමණ ශ්‍රී ලංකාවට පැමිණි අතර තායිලන්තයට ශ්‍රී ලංකාවේ සංචාරකයින් 50,000 කට අධික සංඛ්‍යාවක් ගොස් ඇත . නිවාඩුව සඳහා වාර්ෂිකව මිලියන 9 කට අධික තායිලන්ත ජාතිකයින් විදෙස් ගත වෙති.

තායි දූත කණ්ඩායමේ සාමාජිකයින් කිහිප දෙනෙකු මීට පෙර මෙහි නොසිටි අතර, ලංකාවේ දක්නට ලැබුණු උණුසුම් ආගන්තුක සත්කාරය පිළිබඳ ආශ්චර්යමත් අත්දැකීමක් වනු ඇතැයි මට විශ්වාසයි. එය සැබවින්ම ප්‍රතිඑලදායී අත්දැකීමක් වනවා . ශ්‍රී ලංකාවේ මූලික සාරධර්ම තවමත් නොවෙනස්ව පවතින අතර ඒවා ලෝකයට ප්‍රවර්ධනය කළ යුතුයි. ශ්‍රී ලංකාව නැවත වරක් ව්‍යාපාරික කටයුතු සඳහා විවෘතව පවතින බව ජාත්‍යන්තරයට ගොස් මෙම කතාව පැවසිය යුතු වෙනවා .

“අභියෝගාත්මක කාලවලදී අපි එකට ගමන් කරන විට මේ සියලු සබඳතා අපව යහපත් මට්ටමකට ගෙන යනු ලබනවා . අපි සැමවිටම එකට සිටීම අවශ්‍යයි . ලෝකයේ කිසිවෙකුට තනිව පැවතිය නොහැකියි, නමුත් අපි අත්වැල් බැඳගෙන සිටීම වැදගත් .. අපට ලබා දිය හැකි අත්දැකීම් සහ දැනුම කුමක් වුවත්, තායිලන්තය ඔබ වෙනුවෙන් (ශ්‍රී ලංකාව) මෙහි සිටින බවට අපි සහතික වෙනවා . යනුවෙන් තායිලන්ත සංචාරක අධිකාරියේ නියෝජ්‍ය අධිපති චාතන් කුන්රජාන අයෝද්‍යා ශේක් මහතා ( C.K.N. Ayudhya) මේ පිළිබඳව මෙලෙස අදහස් දැක්වූහ.

තායිලන්ත තානාපති චුලාමනී චාර්ට්සුවාන් ප්‍රකාශ කර සිටියේ සිටියේ තම රට කිසි විටෙක සංචාරක තහනමක් පැනවූයේ හෝ අහිතකර සංචාරක උපදේශනයකට උපදෙස් නොදුන් බවත් ය . සාම්ප්‍රදායික තායි සංචාරකයින් බුද්ධාගම, සංස්කෘතිය සහ උරුමය තෝරා ගනු ඇතැයි ඇය කීවාය. එහෙත් ශ්‍රී ලංකාවට පැමිණෙන තරුණ තායිවරුන්ට ද බොහෝ දේ ලබා දිය හැකි බව පවසා , ඇය නිල් තල්මසුන් නැරඹීම, යාල සෆාරි සහ ශ්‍රීපාදය , ඇතුළු වෙරළ, ත්‍රාසජනක, වනජීවී ස්ථාන කිහිපයක් ඇය ලැයිස්තුගත කළාය.

මදාරා මුදලිගේ