ජුලම්පිටියේ අමරේට මරණ දඬුවම | දිනමිණ


 

ජුලම්පිටියේ අමරේට මරණ දඬුවම

පුද්ගලයින් දෙදෙනෙකුවවෙඩි තබා ඝාතනය කිරීම සම්බන්ධයෙන් ගීගන ගමගේ අමරසිරි හෙවත් ජූලම්පිටියේ අමරේ නමැත්තාට මරණ දඬුවම නියම කර තිබේ.

ඒ තංගල්ල මහාධිකරණ විනිසුරුවරයාගේ නියෝගයකට අනුවයි.

හම්බන්තොට, කටුවන ප්‍රදේශයේදී ජනතා විමුක්ති පෙරමුණ විසින් සංවිධානය කර තිබු රැස්වීමට එල්ලවූ මෙම වෙඩි ප්‍රහාරයෙන් කාන්තාවක් සහ පුද්ගලයෙක් ජිවිතක්ෂයට පත්විය.

වෙඩි තැබීමේ සිද්ධිය සම්බන්ධයෙන් පසුව ජුලම්පිටිය අමරේ පසුව පොලිසිය භාරවීමෙන් අනතුරුව ඔහුව රක්ෂිත බන්ධනාගාර ගත කරනු ලැබූ අතර පසුව නීතිපතිවරයා විසින් ඔහුට එරෙහිව තංගල්ල මහාධිකරණය හමුවේ නඩු පවරනු ලැබීය.

2012 වසරේ පැවති පළාත් පාලන මැතිවරණයේ ජනතා විමුක්ති පෙරමුණේ ප්‍රචාරණ රැස්වීමකට වෙඩි තබා පුද්ගලයින් දෙදෙනෙකු ඝාතනය කිරීම සම්බන්ධයෙන් ගීගන ගමගේ අමරසිරි හෙවත් ජූලම්පිටියේ අමරේ නමැත්තා මේ දක්වා බන්ධනාගාර ගත කර තිබුණි.

 

නව අදහස දක්වන්න