මරණ දඬුවම නියම වූ සුනිල් රත්නායකට ජනාධිපති සමාව | දිනමිණ


 

මරණ දඬුවම නියම වූ සුනිල් රත්නායකට ජනාධිපති සමාව

මරණීය දණ්ඩනය නියම වූ හිටපු යුද හමුදා මාණ්ඩලික සැරයන් සුනිල් රත්නායකට ජනාධිපති සමාව ලබා දී තිබේ.

යාපනය, මිරුසුවිල්හි සිවිල් වැසියන් 8 දෙනෙකු ඝාතනය කිරීමේ චෝදනාවට හිටපු මාණ්ඩලික සැරයන් රත්නායක වැරදිකරු වූ අතර 2015 ජුනි 25 වැනි දින ඔහුට මරණ දඬුවම නියම විය.

වසර 13 ක දීර්ඝ නඩු විභාගයකින් පසු කොළඹ මහාධිකරණය විසින් ඔහුට මරණ දඬුවම නියම කරනු ලැබිණි.

“මිරුසුවිල් සංහාරය” ලෙස නම් කරන ලද මෙම සිදුවීම 2000 දෙසැම්බර් 20 වන දින සිදු විය.

එහිදී සිවිල් වැසියන් 8 දෙනෙකු ඝාතනය කිරීම සම්බන්ධයෙන් සෙබළුන් 14 දෙනෙකු පළමුව අත්අඩංගුවට ගනු ලැබූ අතර අනතුරුව ඔවුන්ගෙන් 9 දෙනෙකු සියලු චෝදනාවලින් නිදොස් කොට නිදහස් කරන ලදී.

පසුව, හිටපු මාණ්ඩලික සැරයන් රත්නායක ඇතුළු ඉතිරි සොල්දාදුවන් පස් දෙනාට එරෙහිව නීතිපතිවරයා චෝදනා ගොනු කර ඇති අතර, අනෙක් සෙබළුන් සිව්දෙනා නිදොස් කොට නිදහස් කරනු ලැබුවේ ඔවුන් ඝාතනවලට සම්බන්ධ කිරීමට ප්‍රමාණවත් සාක්ෂි නොමැති බැවිනි.

සුනිල් රත්නාය චෝදනා 15කට වැරදිකරු විය.

ජනාධිපති සමාව ලැබීමෙන් පසු සුනිල් රත්නායක සිය නිවසට පැමිණ ඇති බව වාර්තා වේ.

 

නව අදහස දක්වන්න