පාස්කු ප්‍රහාරය සම්බන්ධයෙන් විමර්ශන කණ්ඩායම් 12ක් මේ වන විට පරීක්ෂණ පවත්වන බව පොලිස් මාධ්‍ය ප්‍රකාශක පොලිස් අධිකාරී නීතීඥ ජාලිය සේනාරත්න මහතා පැවසීය.
එම විමර්ශන කණ්ඩායම් අතර ත්‍රස්තවාදී විමර්ශන කොට්ඨාශය ප්‍රධාන විමර්ශන කණ්ඩායම ලෙස කටයුතු කරන බවද ඔහු ප්‍රකාශ කළේය.
මේ වන විට රාජ්‍ය නොවන සංවිධානයක් සම්බන්ධයෙන් කරුණු රැසක් අනාවරණය වී තිබෙන බවත් එම රාජ්‍ය නොවන සංවිධානයේ බැංකු ගිණුම් සහ ලේඛන මේ වන විට විශ්ලේෂණයට ලක්වෙමින් ඇති බවත් ජාලිය සේනාරත්න මහතා කීය.
මෙම රාජ්‍ය නොවන සංවිධානය විසින් කර ඇති මුදල් ආයෝජන කිරීම් ගැන මෙන්ම එම මුදල්වල නෛතික තත්වය ගැනද විමර්ශනය කෙරෙන බව ජාලිය සේනාරත්න මහතා සදහන් කළේය. එකී මුදල් විශුද්ධිකරණයට ලක්ව තිබේද? , නීත්‍යානුකූලව උපායාගෙන තිබේද? යන්න පිළිබදව එහිදී විශේෂ අවධානයක් යොමු කර විමර්ශන පැවැත්වෙන බව ඔහු වැඩිදුරටත් සදහන් කළේය.
ගයාන් කුමාර වීරසිංහ
නව අදහස දක්වන්න