'ද නිව්ස් පේපර්' චිත්‍රපටයේ විශේෂ දර්ශනවාරය බලන්න ජනපති - අගමැති ඇවිත් | දිනමිණ


 

'ද නිව්ස් පේපර්' චිත්‍රපටයේ විශේෂ දර්ශනවාරය බලන්න ජනපති - අගමැති ඇවිත්

කොළඹ One Galleface - PVR සිනමා ශාලාවේදී පැවැති 'ද නිව්ස් පේපර්' චිත්‍රපටයේ විශේෂ දර්ශනවාරය නැරඹීමට ජනාධිපති ගෝඨාභය රාජපක්ෂ සහ අගමැති මහින්ද රාජපක්ෂ මහත්වරු පෙරේදා (28) එක්වූහ.

සරත් කොතලාවල සහ කුමාර තිරිමාදුර මහත්වරුන්ගේ සම අධ්‍යක්ෂණයක් වූ 'ද නිව්ස් පේපර්' චිත්‍රපටයෙහි සම නිෂ්පාදනය ඇමැති ආචාර්ය බන්දුල ගුණවර්ධන, රවීන්ද්‍ර ගුරුගේ සහ එච්.ඩී. ප්‍රේමසිරි මහත්වරුන්ගෙනි.

ජුලි 2 වැනි දා සිට දිවයිනේ සියලුම සිනමා ශාලාවල 'ද නිව්ස් පේපර්' චිත්‍රපටය ප්‍රදර්ශනය කෙරෙන අතර එදින උදේ 10.30 ප්‍රථම දර්ශනය නොමිලේ නැරඹීමට ජනතාවට අවස්ථාව සලසා තිබේ.

කොවිඩ් මර්දනයට සහාය වන සෞඛ්‍ය කාර්ය මණ්ඩලවලට, ත්‍රිවිධ හමුදාවට, පොලීසියට සහ මාධ්‍යවේදීන්ට ද තම නිල හැඳුනුම්පත භාවිත කරමින් එක් වතාවක් සිනමා පටය නොමිලේ නැරඹීය හැකිය.

ජනාධිපති ප්‍රධාන උපදේශක ලලිත් වීරතුංග, අගමැති ලේකම් ගාමිණී සෙනරත් යන මහත්වරු ඇතුළු පිරිසක් විශේෂ දර්ශනවාරය නැරඹීමට එක්ව සිටියහ.

නව අදහස දක්වන්න