සංස්කෘතික ඇමැතිවරයා ලෙස කළ දේ වැරදි නම් හිරේ යන්න සූදානම් | දිනමිණ


 

සංස්කෘතික ඇමැතිවරයා ලෙස කළ දේ වැරදි නම් හිරේ යන්න සූදානම්

සජිත් ප්‍රේමදාස

තමා ඇමැතිවරයකු වශයෙන් සිටියදී ශාසනයේ හා සංස්කෘතික දියුණුව වෙනුවෙන් කළ දේ වරදක් නම් සිරගත වීමට වුවද සූදානම් බව සමඟි ජනබලවේගයේ නායක සජිත් ප්‍රේමදාස මහතා අවධාරණය කරයි. සමඟි ජන ජනබලවේගයේ වත්තල පැවති ප්‍රධාන රැලියකට සහභාගි වෙමින් හෙතෙම ඊයේ (31) මේ බව ප්‍රකාශ කළේය. ‘දැන් අපි­ටත් චෝදනා කර­නවා අපේ කාල­ව­ක­වා­නුව තුළ මුදල් අව­භා­විත කළයි කියලා. අපි කරපු කියපු හැම දෙයක්ම කරලා තියෙන්නේ සම්බුද්ධ ශාස­නයේ උන්න­තිය තකා. මෑත ඉති­හා­සයේ අට­ම­ස්ථා­න­යට, සොළො­ස්ම­ස්ථා­න­යට, දීඝ­වා­පි­යට, පන්සල් පද්ධ­ති­යට මේ තරම් විශාල මුදල් කන්ද­රා­වක් මෑත ඉති­හා­සයේ කිසිම දව­සක වෙන් කළේ නැහැ. අපේ ඉතා­මත් ශ්‍රද්ධා­වෙන් ආග­මට භක්තිය තියෙන ලැදි­යාව තුළ ඒ වැඩ­ක­ට­යුතු සිය­ල්ලක්ම ක්‍රියා­ත්මක කළා. 

ජය ශ්‍රී මහා බෝධීන් ආරක්ෂා කර­න්නට නායක ස්වාමීන් වහන්සේ ලක්ෂ 420ක උප­ක­රණ කට්ටල ඉල්ලුවා. අය දෙකක් බැලුවෙ නෑ එක පෑන් පහ­රින් අනු­මත කළා. ඒවා දැන් වැරදි වැඩ විදි­යට හඳු­න්ව­නවා. ප්‍රායෝ­ගික බෞද්ධ­යෙක් හැටි­යට මේ රටේ පන්සල් පද්ධ­ති­යට ඉහ­ළම වැඩ කොටස මම කරලා තියෙ­නවා. මේ වගේ දැවැන්ත සේවා­වක් කරලා සජිත් ප්‍රේම­දාස ඕන වෙලේක හිරේ ලගින්න වුණත් ලෑස්තියි.‘ යැයි හෙ⁣තෙම පැව­සීය.   

ශිවන්ති ප්‍රනාන්දු

නව අදහස දක්වන්න