ශ්‍රී ලංකාවේ විලාසිතා අලෙවිසල් අතර ප්‍රමුඛයකු වන NOLIMIT රැකියා කිරීමට වඩාත් සුදුසු ස්ථාන අතරින් එකක් ලෙස Great Place to Work®ආයතනය මගින් පසුගියදා නම් කළේය. මේ සම්මාන උළෙල පසුගිය දා කොළඹ හිල්ටන් හෝටලයේදී පැවති අතර එහිදී 2016 වසරේ සිට 2020 වසර දක්වා අඛණ්ඩව වසර 5ක් මේ ඇගයීමට ලක්වීම වෙනුවෙන් එම සම්මාන උළෙලේදී ‘Laureate Award’ නම් විශේෂ සම්මානය ද NOLIMIT වෙත පිරිනමන ලදී.
ඇඟලුම් ක්ෂේත්‍රයේ නවතම ප්‍රවණතා හා විලාසිතා අනුව උසස්ම තත්ත්වයෙන් යුත් ගෙවන මිලට ඉහළම වටිනාකමක් දෙන ඇඟලුම් පාරිභෝගිකයන් වෙත දීමට NOLIMIT වර්තමානය වන විට සෑම ප්‍රධාන නගරයක්ම පාහේ ආවරණය කරමින් රට පුරා අලෙවිසල් 21 ක් ඔස්සේ දීප ව්‍යාප්ත සේවාවක් දියත් කිරීමට සමත්ව ඇත.
Great Place to Work®ආයතනය, ඉහළම තලයේ විශ්වාසනීයත්වයක් හා ක්‍රියාකාරීත්වයක් සහිත සේවා ස්ථාන සම්ප්‍රදායන් ඇගයීමට ලක් කිරීම සම්බන්ධයෙන් ලොව ප්‍රමුඛයකු ලෙස සැලකේ. වසර 30 කට අධික කාලයක අත්දැකීම් පදනම් කර ගනිමින් එම ආයතනය රැකියා ස්ථාන තුළ විශිෂ්ට මට්ටමේ වෘත්තීය සම්ප්‍රදායන් නිර්මාණය කිරීමට හා පවත්වාගෙන යෑමට අවශ්‍ය වැඩසටහන් රාමු, ආදර්ශ සහ විශේෂඥ මඟ පෙන්වීම දෙයි.
නව අදහස දක්වන්න