Friday, මැයි 6, 2022 - 01:00
ශ්‍රීලංකන් එයාර් ලයින් ආයතනයට අලුත් ගුවන් යානා මිල දී ගැනීම මාස තුනකින් කල් දමා ඇති බව පාර්ලිමේන්තුවට දැනුම් දෙන්නේ යැයි පොදු ව්‍යාපාර පිළිබඳ කාරක සභා සභාපති, මහාචාර්ය චරිත හේරත් මහතා පාර්ලිමේන්තුවේදී ඊයේ (5) ප්‍රකාශ කළේය. ශ්‍රීලංකන් එයාර් ලයින් ආයතනය පොදු ව්‍යාපාර පිළිබඳ කාරක සභාව හමුවට කැඳවා මේ තීරණය ගත් බව ද ඒ මහතා පැවසුවේය. පාර්ලිමේන්තු මන්ත්‍රී රනිල් වික්‍රමසිංහ මහතා මීට පෙර ඇසූ ප්‍රශ්නයකට පිළිතුරු ලෙස නව වැනි පාර්ලිමේන්තුවේ දෙවැනි සැසි වාරයේ දෙවැනි පොදු ව්‍යාපාර කාරක සභාවේ වාර්තාව ඉදිරිපත් කරමින් චරිත හේරත් මහතා කියා සිටියේය. පොදු ව්‍යාපාර පිළිබඳ කාරක සභාවේ නව වැනි පාර්ලිමේන්තුවේ දෙවැනි සැසිවාරයේ දෙවැනි වාර්තාව සභාගත කරන බව ද චරිත හේරත් මහතා කීය.
නව අදහස දක්වන්න