Monday, මැයි 23, 2022 - 15:38
විදේශ කටයුතු අමාත්‍යාංශයේ නව ලේකම් වශයෙන් පත් වූ අරුණි විජේවර්ධන මහත්මිය අද(23) විදේශ කටයුතු අමාත්‍යාංශයේ දී සිය ධුරයේ වැඩභාරගත්තා ය. ඇය මැයි 20 වැනිදා සිට බලපැවැත්වෙන පරිදි මෙම අමාත්‍යාංශයේ ලේකම් වශයෙන් පත් කරන ලදි.
වැඩභාර ගැනීමෙන් අනතුරුව පැවති චාම් උත්සවයතින් අනතුරුව විදේශ ලේකම් විජේවර්ධන මහත්මිය අමාත්‍යංශයේ කාර්ය මණ්ඩල නිලධාරීන් ඇමතීය.
විජේවර්ධන මහත්මිය වසර 34 ක් මුළුල්ලේ ශ්‍රී ලංකා විදේශ සේවයේ කටයුතු කළ සාමාජිකාවකි. එතුමිය සිය වෘත්තීය කාලය තුළ කොළඹ විදේශ කටයුතු අමාත්‍යාංශයේ බොහෝ තනතුරු හොබවා ඇත. තවද, ජිනීවාහි එක්සත් ජාතීන්ගේ ශ්‍රී ලංකා නිත්‍ය නියෝජිත කාර්යාලයේ මැලේසියාවේ ශ්‍රී ලංකා මහකොමසාරිස් කාර්යාලය සහ පිලිපීනයේ ශ්‍රී ලංකා තානාපති කාර්යාලය යනාදී විදේශ රටවල පිහිටි දූත මණ්ඩලවලද එතුමිය සේවය කොට ඇත. එතුමිය ඔස්ට්‍රියාවේ තානාපතිනිය සහ වියානාවේ පිහිටි එක්සත් ජාතීන්ගේ සංවිධානවල නිත්‍ය නියෝජිතවරිය වශයෙන් ද සේවය කළා ය.
අමාත්‍යාංශයෙන් ලද පත්වීම අනුව අරුණි විජේවර්ධන මහත්මිය වියානාහි ජාත්‍යන්තර පරමාණුක බලශක්ති ආයතනයට (IAEA) අයත් ප්‍රතිපත්ති සම්පාදන ආයතනයේ ලේකම් කාර්යාලයේ අධ්‍යක්ෂවරිය ලෙසද කටයුතු කළා ය.
බ්‍රිතාන්‍යයේ චෙව්නින්ග් විද්‍යාර්ථිකයකු වූ එතුමිය ඇය, විශ්වවිද්‍යාලයෙන් ශාස්ත්‍රපති උපාධියක් සහ වෙස්ටර්න් ඕස්ට්‍රේලියා විශ්වවිද්‍යාලයෙන් ශාස්ත්‍රපති උපාධියක් ලබා ගත්තා ය.
නව අදහස දක්වන්න